![[object Object],[object Object]](https://media.sdbb.ch/transform/0d81f366-319f-4ff9-9adc-e8eaf18d531a/werbetechnik_l_r_7576-jpg?io=transform:fill,width:740,height:490)
1. onn d’emprendissadi: CHF 500–700.–
2. onn d’emprendissadi: CHF 650–850.–
3. onn d’emprendissadi: CHF 800–1000.–
4. onn d’emprendissadi: CHF 950–1300.–
Sco creadra u creader da reclama produceschas ti reclama per dadens e dadora. Quai èn per exempel stampats digitals, tavlas da reclama, inscripziuns da vehichels e folias per vitrinas. Ti elavuras e realiseschas concepts e monteschas ils products al lieu.
Incumbensas
- prender encunter ils giavischs da la clientella
- elavurar il concept da reclama e fixar il lieu, la grondezza, il stil e las colurs dal product da reclama
- stimar la lavur, il material ed ils custs
- preschentar il concept cun agid da programs da grafica
- preschentar il concept a la clientella e discutar quel cuminaivlamain
- crear in layout da la scrittira cun agid da programs da computer
- producir models e scannar fotografias u logos en il computer
- stampar il material en moda digitala, p.ex. banderola da plastic
- tagliar il material, p.ex. cun in laser u ina maschina che vegn dirigida dal computer
- crear lain, metal u materia sintetica, p.ex. tagliar, resgiar e vernischar
- etichettar surfatschas
- stampar cun metoda da serigrafia, pia cun ina tecnica da stampa cun agid da schablonas da taila
- tagliar ora cun in cutter
- dumandar las permissiuns per la montascha
- montar tavlas, tavlas da reclama e reclamas da glisch
- tatgar ils tatgaders sin vitrinas u vehichels
- mantegnair il material ed ils utensils
- dismetter ils ruments en moda ecologica
Ambient da lavur
Sco creadra u creader da reclama lavuras ti en teams. Ti lavuras en il biro ed er al liber.
Ti lavuras en ateliers per tecnica da reclama u en manaschis parentads.
Pretensiuns e interess
- Talent da dissegnar
- Imaginaziun tridimensiunala
- Creativitad
- Inschign manual
- Moda da lavurar conscienziusa ed exacta
- Abilitad da communitgar
- Senn per estetica
- Dissegnar, decorar, crear
- Lavurar al computer
- Lavurar cun taila, tgirom e palpiri
Scolaziun
Furmaziun pratica en in atelier per tecnica da reclama: 3 fin 4 dis per emna
1 fin 2 dis per emna en las scolas professiunalas spezialisadas chantunalas
Scola d'art applitgà, Stettlen (BE): 15 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Creader / Creadra da reclama AFQ
Furmaziun cuntinuonta
Curs
Curs da la federaziun Werbetechnik + Print (VWP)
Examen professiunal (EP)
- Spezialist / Spezialista da reclama EP
Examen professiunal superiur (EPS)
- Tecnicist / Tecnicista da reclama EPS
Scola spezialisada superiura (SSS)
- Designer / Designra da communicaziun SSS
Scola auta spezialisada (SAS)
- Bachelor of arts en communicaziun visuala
Tut tenor la scola auta spezialisada valan differentas cundiziuns d'admissiun.
Professiuns sumegliantas
