Creadra da medias interactivas AFQ
Creader da medias interactivas AFQ
![[object Object],[object Object]](https://media.sdbb.ch/transform/1da77480-31c4-489f-ab8b-c7f5d3ff2418/06_Interactivemediadesigner_TPO-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1100.–
4. onn d’emprendissadi: CHF 1500.–
Sco creadra u creader da medias interactivas mainas ti projects e creeschas cuntegns sco maletgs, suns, videos u animaziuns 3D. Ti produceschas meds da communicaziun digitals interactivs sco paginas d'internet ed apps. Per ch'ins haja access cun smartphones, computers e tablets a quests meds, publitgeschas ti els en l'internet.
Incumbensas
- chapir e documentar ils basegns da la clientella e descriver las prestaziuns planisadas
- controllar, sche las incumbensas èn realisablas e las finamiras pon vegnir cuntanschidas
- far retschertgas creativas, tecnicas e tematicas per il project
- sviluppar ideas, concepts da communicaziun e da design e preschentar ils sbozs a la clientella
- preparar projects cun cuntegns digitals interactivs, p.ex. paginas d'internet, apps u trailers cun resguardar l'incumbensa ed ils basegns da la clientella
- planisar ils process da lavur
- far videos e fotografias u registrar suns
- elavurar videos, fotografias u suns, p.ex. tagliar u maschadar
- producir trailers, per documentaziuns, films dramatics u films curts
- crear animaziuns 2D u 3D cun software professiunala
- sviluppar newsletters
- elavurar e programmar paginas d'internet
- inserir cuntegns sin paginas d'internet, p.ex. fotografias, texts statistics u animads, infograficas e videos
- manar tras tests d'utilisaziun, per vesair, sch'il med da communicaziun è simpel da duvrar e sch'el sto anc vegnir adattà
- publitgar meds da communicaziun digitals interactivs, p.ex. per tablets, smartphones u computers
- far reclama sin social media e tgirar il contact cun la clientella
Ambient da lavur
Sco creadra u creader da medias interactivas lavuras ti en studios da fotografia e da video, savens en in team, mintgatant er suletta u sulet. Las registraziuns vegnan fatgas endadens u en il liber. Curt avant il termin da consegna lavuras ti en moda fitg intensiva, per finalisar a temp las incumbensas. Durant quest temp intensiv pon resultar sururas.
Ti chattas plazzas da lavur en agenturas da communicaziun u da medias, en partiziuns web d'autoritads ed en redacziuns d'emetturs da radio e televisiun u da gasettas. Las pussaivladads da lavurar e da far carriera èn bunas, perquai ch'ils products da multimedia èn fitg dumandads. Bleras creadras e creaders da medias interactivas lavuran en moda independenta.
Pretensiuns e interess
- Creativitad
- Talent artistic
- Abilitad da communitgar
- Chapientscha tecnica
- Abilitad da s'adattar a novas tecnologias
- Abilitad da lavurar en in team
- Imaginaziun tridimensiunala
- Abilitad da planisar e d'organisar
- Dissegnar, decorar, crear
- Lavurar en il team
- Lavurar al computer
Scolaziun
furmaziun pratica en in'agentura da reclama, en ina redacziun da radio, televisiun u online, en in atelier grafic u en ina partiziun da communicaziun: 3 fin 4 dis per emna
1 fin 2 dis per emna en las scolas professiunalas spezialisadas chantunalas.
En plirs chantuns: 20 dis durant 4 onns
4 onns
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Creader / Creadra da medias interactivas AFQ
Furmaziun cuntinuonta
Curs
Curs da l'associaziun dpsuisse.
Examen professiunal (EP)
- Commerziant / Commerzianta da tipografia e da medias EP
Examen professiunal superiur (EPS)
- Manager / Managera da publicaziun EPS
Scola spezialisada superiura (SSS)
- Manager / Managera da medias SSS
Scola auta spezialisada (SAS)
- Bachelor of arts en communicaziun visuala
Tut tenor la scola auta spezialisada valan differentas cundiziuns d'admissiun.
Professiuns sumegliantas
