![[object Object],[object Object]](https://media.sdbb.ch/transform/1031cc65-ea35-4e91-8090-ad1351ef7a46/06_Fotografin_LV-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
3. onn d’emprendissadi: CHF 1000.–
4. onn d’emprendissadi: CHF 1200.–
Sco fotografa u fotograf fotografeschas ti objects, persunas ed eveniments cun differentas tecnicas. Ti fixeschas termins per registraziuns, p.ex. ad events, a nozzas, per reclama u per in magasin. Suenter fotografar elavuras ti ils maletgs.
Incumbensas
- far reclama per l'atgna lavur e contactar la clientella pussaivla
- fixar termins e liquidar incumbensas administrativas
- collavurar en cas da dumondas concepziunalas, p.ex. tar la tscherna dal lieu da registraziun u dal model
- preparar il material ch'è necessari avant las registraziuns sco cameras, material da film, purtaders da datas, stativs ed indrizs
- tut tenor l'incumbensa far fotografias en il studio u al lieu, p.ex. purtrets, reportaschas, maletgs d'edifizis u da la cuntrada
- selecziunar la camera tut tenor il tip d'incumbensa, p.ex. cameras da maletgs pitschens per reportaschas u cameras da format grond per registraziuns architectonicas
- eleger tut tenor la situaziun glisch da chametg u glisch permanenta, duvrar folias per mitigiar l'intensitad da la glisch u plazzar objects per sclerir ch'èn da material reflectant
- fotografar objects da differents anguls
- posiziunar persunas ed empruvar differentas posas
- resguardar las cundiziuns generalas giuridicas, p.ex. ils dretgs da la persuna singula, ils dretgs per las illustraziuns
- elavurar posteriuramain maletgs al computer e preparar tals per differents formats ed intents
- furnir u trametter fotografias finidas
Ambient da lavur
Sco fotografa u fotograf lavuras ti suletta u sulet u en il team. Ti has contact cun agenturas da reclama, graficras, chasas edituras da gasettas u schurnalists. Tut tenor l'incumbensa es ti en il studio u sin viadi. Per grondas reportaschas es ti mintgatant per in temp pli lung sin viadi.
Per il solit lavuras ti en moda independenta en l'agen atelier. I dat mo paucas pussaivladads d'engaschament, p.ex. en ateliers da fotografia, en agenturas da reclama, en chasas edituras u en interpresas cun atgnas fotografas e fotografs, sco p.ex. en manaschis industrials. La dumonda per plazzas da scolaziun è pli gronda che la purschida. Da chattar ina plazza d'emprendissadi dovra in grond engaschament.
Pretensiuns e interess
- Dun d'observar
- Creativitad
- Talent artistic
- Prontezza d'esser savens sin viadi
- Buna vesida
- Abilitad da s'adattar a novas tecnologias
- Atgna iniziativa
- Plaschair dal contact cun glieud
- Planisar, organisar
- Lavurar sulet ed en moda independenta
- Esser savens sin viadi
Scolaziun
Furmaziun pratica en in atelier da fotografar u en ina interpresa cun atgnas fotografas ed agens fotografs: 3 fin 4 dis per emna
1 fin 2 dis per emna a la Scola d'art applitgà Turitg u a la F+F Schule für Kunst und Design, Turitg
Scola d'art applitgà Turitg, üK Zenter Turitg: 15 fin 18 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Fotograf / Fotografa AFQ
Furmaziun cuntinuonta
Curs
Curs dal MAZ – Institut für Journalismus und Kommunikation
Examen professiunal (EP)
- Spezialist / Spezialista da fotografia EP
Examen professiunal superiur (EPS)
- Spezialist / Spezialista da fotografia EPS
Scola spezialisada superiura (SSS)
- Designer / Designra da communicaziun SSS
Scola auta spezialisada (SAS)
- Bachelor of arts en communicaziun visuala
Tut tenor la scola auta spezialisada valan differentas cundiziuns d'admissiun.
Professiuns sumegliantas
