![[object Object],[object Object]](https://media.sdbb.ch/transform/f0b01321-7166-4c96-89ba-5f84f74af415/graphiste-AC-9503-jpg?io=transform:fill,width:740,height:490)
1. onn d’emprendissadi: CHF 400.–
2. onn d’emprendissadi: CHF 700.–
3. onn d’emprendissadi: CHF 1000.–
4. onn d’emprendissadi: CHF 1200.–
Sco graficra u graficher creeschas ti placats, broschuras, cudeschs, revistas, paginas d'internet, logos da firmas ed exposiziuns. Ti sviluppas ideas creativas e resguardas ils giavischs da la clientella. Al computer realiseschas ti ils sbozs cun software da design.
Incumbensas
- prender encunter ils giavischs da la clientella, p.ex. ina interpresa che vul far ina campagna da reclama u ina gasetta che vul actualisar ses design
- sclerir las finamiras dal project, p.ex. la gruppa en mira u il messadi d'ina campagna
- definir il stil da la communicaziun e la lingua per la gruppa en mira, p.ex. simpel e chapaivel u academic
- far in budget ensemen cun la clientella e resguardar p.ex. ils custs da material
- elavurar e preschentar skizzas a la clientella e discutar cuminaivlamain il project
- resguardar ils differents mediums che la clientella vul trair a niz, p.ex. placats, paginas d'internet, emballadis u stans da fiera
- rimnar ideas e chattar in tema principal
- sviluppar ina strategia da communicaziun ed in stil per mintga medium, p.ex. logos, colurs, layout u animaziuns
- concepir il layout
- sviluppar apps per medias interactivas
- sa barattar cun la clientella e la gruppa en mira, p.ex. resguardar ils resuns u far enquistas
- accumpagnar il process da stampa, p.ex. controllar copias ed il product definitiv
- controllar l'elavuraziun da las medias digitalas, p.ex. il programmar
- consegnar a la clientella tut las infurmaziuns ch'èn necessarias, p.ex. ina instrucziun per apps
Ambient da lavur
Sco graficra u graficher lavuras ti per regla en pitschens teams e sviluppas ideas ensemen cun fotografas, cun designers da medias interactivas u cun spezialists da reclama. Ti es er en contact cun stamparias e cun programmadras. Tes temp da lavur è per il solit regular, ma durant fasas da lavur intensivas stos ti lavurar pli ditg, per observar ils termins.
Ti lavuras en ateliers grafics, en agenturas da communicaziun e da reclama, en chasas edituras, en stamparias u en partiziuns da communicaziun interna d'interpresas. Ti has er la pussaivladad da lavurar en moda independenta. I po esser difficil da chattar in'emprima plazza da lavur suenter l'emprendissadi. Per pudair sa far valair, èsi bun da far furmaziuns supplementaras en quest sectur.
Pretensiuns e interess
- Creativitad
- Talent da dissegnar
- Abilitad da communitgar
- Abilitad da s'adattar a novas tecnologias
- Talent artistic
- Abilitad da lavurar en in team
- Dissegnar, decorar, crear
- Lavurar en il team
- Lavurar al computer
Scolaziun
Furmaziun pratica en in atelier grafic, in'agentura da communicaziun, in'agentura da reclama u ina chasa editura: 3 fin 4 dis per emna
1 fin 2 dis per emna en las scolas professiunalas spezialisadas chantunalas
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Graficher / Graficra AFQ
Furmaziun cuntinuonta
Curs
Curs da la Scola d'art applitgà Berna e Bienna, da la Scola per art e design Turitg u da la Scola d'art applitgà Basilea.
Examen professiunal (EP)
- Tipograf / Tipografa per la communicaziun visuala EP
Examen professiunal superiur (EPS)
- Designer grafic / Designra grafica EPS
Scola spezialisada superiura (SSS)
- Designer / Designra da communicaziun SSS
Scola auta spezialisada (SAS)
- Bachelor of arts en communicaziun visuala
Tut tenor la scola auta spezialisada valan differentas cundiziuns d'admissiun.
Professiuns sumegliantas
