![[object Object],[object Object]](https://media.sdbb.ch/transform/72bb18d9-50a2-4406-9afb-0727a6046382/polydesign_c_r_7540-jpg-jpg?io=transform:fill,width:740,height:490)
1. onn d’emprendissadi: CHF 800.–
2. onn d’emprendissadi: CHF 1000.–
3. onn d’emprendissadi: CHF 1200.–
4. onn d’emprendissadi: CHF 1450.–
Sco polidesignra u polidesigner 3D creeschas ti decoraziuns da 3D per vitrinas, fatschentas, exposiziuns u museums. Ti mettas ils products en scena e procuras per in'atmosfera agreabla. Ti concepeschas surfatschas d'exposiziun, preschentas objects e planiseschas la via da la clientella tras ils locals da vendita.
Incumbensas
- resguardar ils giavischs da la clientella e l'interpresa, p.ex. il tip dal product, il lieu da l'installaziun u la stagiun
- retschertgar davart trends da moda, davart il gust da la clientella ed il stil adattà per crear in'atmosfera optimala per il product u per il servetsch
- crear il plan dal project en 2D u 3D cun agid da programs da computer
- tscherner ed empustar material sco lain, materia sintetica u textilias e determinar l'illuminaziun adattada
- calcular custs e far preventivs
- fixar ils termins e la realisaziun da las decoraziuns, tranter auter preparar surfatschas d'exposiziun e procurar che tut vegnia signalisà correctamain
- coordinar las lavurs cun lainaris, picturas ed electroinstallaturs
- elavurar lain, metal, materia sintetica, chartun e taila, p.ex. resgiar, tagliar, malegiar u cuser
- producir tavlas, podests, posters e tatgaders
- crear reclamas al computer
- far tavlas explicativas, inscripziuns e marcaziuns
- stampar las tavlettas da pretsch
- purtar la decoraziun a la plazza da lavur
- elavurar surfatschas sco paraids e palantschieus ed er montar curunas e tavlas
- metter en scena products e servetschs, p.ex. sin surfatschas da vendita, en secturs da reclama u tar stans
- demontar, depositar, reciclar u dismetter decoraziuns suenter exposiziuns
Ambient da lavur
Sco polidesignra u polidesigner 3D lavuras ti en negozis, agenturas da decoraziun, museums u interpresas da servetschs. Ils temps da lavur èn regulars. En connex cun termins poi daventar stressà.
Ti chattas savens plazzas en gronds negozis. Cun in pau experientscha professiunala pos ti lavurar sco persuna responsabla per la decoraziun da vitrinas e d'interiurs, sco manadra da la coordinaziun da la lavur u sco manader da la cumpra. Ti pos ta far independenta u independent cun in'agentura da decoraziun, sche ti has avunda enconuschientschas da management.
Pretensiuns e interess
- Senn per estetica
- Talent da dissegnar
- Creativitad
- Inschign manual
- Imaginaziun tridimensiunala
- Moda da lavurar independenta
- Dissegnar, decorar, crear
- Lavurar cun taila, tgirom e palpiri
- Lavurar cun ils mauns
Scolaziun
Furmaziun pratica en in'agentura 3D, ateliers, gronds negozis, fatschentas spezialisadas u firmas da construcziun da fiera: 3 fin 4 dis per emna
1 fin 2 dis per emna en las scolas professiunalas spezialisadas chantunalas
En plirs chantuns: 15 dis durant 4 onns
4 onns
- Creaziun
- Realisaziun
- Styling
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Polidesigner / Polidesignra 3D AFQ
Furmaziun cuntinuonta
Curs
Curs da l'associaziun Polydesign 3D
Examen professiunal (EP)
- Concepider artisan / Concepidra artisana EP
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en architectura d'interiurs
Tut tenor la scola auta spezialisada valan differentas cundiziuns d'admissiun.
Professiuns sumegliantas
