Construidra da models architectonics AFQ
Construider da models architectonics AFQ
Correspunda questa professiun a mai?![[object Object],[object Object]](https://media.sdbb.ch/transform/2277a64c-507c-4034-832b-86670869a5b5/ArchiModBau-TB-0602-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 750.–
3. onn d’emprendissadi: CHF 950.–
4. onn d’emprendissadi: CHF 1100.–
Sco construidra u construider da models architectonics fas ti models tridimensiunals confurms a la scala. Per quest intent dovras ti materialias sco cucun, lain u metal. Ti fas illustraziuns d'edifizis, da territoris d'abitadi, da parcs u da products d'industria e da design.
Incumbensas
- scriver in carnet d'obligaziuns per il model ed integrar en quest connex ils custs, la concepziun e las directivas tecnicas
- far in dissegn ed in plan d'ovra a maun da plans d'architectura e da construcziun per construir models da vias, da trajects dal terren u d'edifizis
- elavurar las datas digitalas cun agid da software
- selecziunar il material e resguardar en quest connex la cumpatibilitad ecologica ed il pretsch
- planisar las fasas da construcziun per il model
- stimar, quant ditg che las lavurs duran e quants custs che resultan
- stgaffir models da differenta grondezza, p.ex. d'in abitadi u d'in local intern d'in edifizi
- duvrar differentas materialias, sco p.ex. raschas, materias sinteticas, metals, lain, palpiri, chartun u cucun
- elavurar material cun iseglias u maschinas, p.ex. cun tagliurns, fresas CNC u stampaders 3D
- cuvrir models nunelavurads cun massa da spategliar, material da sternim e materialias naturalas
- colurar models cun penel e pistola da sprizzar e p.ex. munir cun figuras, mobiglias u bostgs
- equipar models cun parts mecanicas u electronicas che sa movan e che sa laschan activar
Ambient da lavur
Sco construidra u construider da models architectonics lavuras ti per regla sin basa d'incumbensa en in atelier. Tes temps da lavur èn regulars, ma sch'ils termins èn stretgs, pon resultar uras supplementaras.
Ti lavuras en manaschis da construcziun da models architectonics. La situaziun sin il martgà da lavur è plitost difficila, perquai ch'il basegn da manaschis da construcziun da models architectonics è pitschen e perquai ch'el dependa fermamain da l'incarica dal sectur da construcziun. La purschida da plazzas d'emprendissadi è stgarsa.
Pretensiuns e interess
- Imaginaziun tridimensiunala
- Inschign manual
- Talent da dissegnar
- Moda da lavurar conscienziusa ed exacta
- Dun per cifras
- Chapientscha tecnica
- Creativitad
- Perseveranza e capacitad da tegnair la dira
- Elavurar lain
- Elavurar metal
- Lavurar cun ils mauns
- Planisar, construir, far dissegn tecnic
- Schliar incumbensas tecnicas
Scolaziun
Furmaziun pratica en in manaschi da construcziun da models architectonics: 4 dis per emna
1 di per emna en la scola professiunala spezialisada a Turitg
Ad Opfikon (ZH): 29 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Construider / Construidra da models architectonics AFQ
Furmaziun cuntinuonta
Examen professiunal (EP)
- Planisader / Planisadra d'indrizs interns EP
Examen professiunal superiur (EPS)
- Maister equipader / Maistra equipadra da locals EPS
Scola spezialisada superiura (SSS)
- Tecnicist / Tecnicista SSS planisaziun da construcziun
Scola auta spezialisada (SAS)
- Bachelor of arts en architectura
Tut tenor la scola auta spezialisada valan differentas cundiziuns d'admissiun.
Professiuns sumegliantas
