Pictura da decors da teater AFQ
Pictur da decors da teater AFQ
Correspunda questa professiun a mai?![[object Object],[object Object]](https://media.sdbb.ch/transform/ed7f8d62-8b84-4056-92fd-b17d14914031/CH1-2020-OV-19-jpg?io=transform:fill,width:740,height:490)
1. onn d’emprendissadi: CHF 750.–
2. onn d’emprendissadi: CHF 950.–
3. onn d’emprendissadi: CHF 1150.–
4. onn d’emprendissadi: CHF 1350.–
Sco pictura u pictur da decors da teater concepeschas e colureschas ti culissas, mobiglias ed auters objects per teaters, kinos u producziuns da televisiun. Ti lavuras cun materialas sco taila, atschal, lain u gip. Ti creeschas l'atmosfera giavischada che las producentas ed ils decoraturs da tribuna fixeschan.
Incumbensas
- discutar plans cun la decoratura da tribuna u cun il producent, p.ex. co che la tribuna vegn picturada u decorada
- giuditgar, sch'il project è realisabel, p.ex., sch'ils termins pon vegnir observads u sch'ils locals èn disponibels
- tschertgar infurmaziuns davart il stil giavischà
- empustar material necessari sco tailas, atschal, gip e colurs
- preparar e furmar il material, p.ex. tagliar palpiri e lain u far schablonas
- tscherner u maschadar colurs per survegnir ils colurits giavischads
- colurar differents funds cun ina tecnica adattada, p.ex. malegiar cun penel, sprizzar, vernischar u stritgar si cun spungias
- crear decoraziuns, p.ex. da lain, metal u taila
- malegiar e concepir cuntradas, dissoluziuns, bustabs e musters
- utilisar tecnicas sco serigrafia, tapezar u modellar per cuntanscher in effect, p.ex. ch'insatge vesa ora vegl u modern
- picturar costums, mobiglias ed auters objects, uschenumnads requisits
- allontanar e concepir da nov las colurs tar maletgs da tribuna vegls
- depositar e reparar correctamain maletgs da tribuna ed auters objects, sch'els èn donnegiads
- transportar maletgs da tribuna a l'occurrenza ed als montar là
- meglierar maletgs
- nettegiar e mantegnair il material da lavur ed ils utensils
Ambient da lavur
Sco pictura u pictur da decors da teater lavuras ti en ateliers ed als lieus d'occurrenza, p.ex. en teaters u a sets da film. Mintgatant stos ti er lavurar durant las fins d'emna e las sairas per observar ils termins.
Ti es engaschada u engaschà en ateliers u teaters independents. Mo fitg paucs manaschis prendan emprendistas ed emprendists. Ultra dals secturs dal teater, da l'opera, dal film e da la televisiun chattas ti mintgatant er lavur tar interpresas privatas u publicas, p.ex. per concepir paraids, hallas d'entrada u auters locals. Per avair dapli pussaivladads sin il martgà da lavur, pos ti er absolver furmaziuns supplementaras en il sectur da la decoraziun d'interiurs.
Pretensiuns e interess
- Creativitad
- Senn per estetica
- Talent artistic
- Talent da dissegnar
- Imaginaziun tridimensiunala
- Prontezza da lavurar durant uras irregularas u servetschs da notg
- Inschign manual
- Lavurar cun ils mauns
- Dissegnar, decorar, crear
- Lavurar cun taila, tgirom e palpiri
Scolaziun
Furmaziun pratica en in teater, ina chasa d'opera u in atelier artistic
Curs da bloc dad 8 emnas per onn en la Scola d'art applitgà Turitg
Scola d'art applitgà Turitg: 45 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Pictur / Pictura da decors da teater AFQ
Furmaziun cuntinuonta
Curs
Curs da la Scola d'art applitgà Turitg
Emprenissadi supplementar
Sco pictura u pictur da decors da teater pos ti per regla far in emprendissadi scursanì da polidesignra u polidesigner AFQ.
Examen professiunal (EP)
- Colurist / Colurista EP
Scola spezialisada superiura (SSS)
- Artist figurativ / Artista figurativa dipl. SSS
Scola auta spezialisada (SAS)
- Bachelor of arts en teater
Tut tenor la scola auta spezialisada valan differentas cundiziuns d'admissiun.
Professiuns sumegliantas
