![[object Object],[object Object]](https://media.sdbb.ch/transform/dda4dbb9-2f9b-446f-b23d-9720001e7133/08_Maler_VB-jpg?io=transform:fill,width:740,height:490)
1. onn d’emprendissadi: CHF 700–750.–
2. onn d’emprendissadi: CHF 820–1020.–
3. onn d’emprendissadi: CHF 1530–1730.–
Picturs e picturas procuran ch'ils edifizis hajan la dretga colur. Els pictureschan fatschadas, paraids, palantschieus sura, funs, portas, fanestras ed autras parts dal bajetg cun colurs e lacs. Cun lur lavur protegian ed embelleschan els chasas, bajetgs industrials e da commerzi u auters edifizis.
Incumbensas
- calcular la surfatscha e con material che vegn duvrà
- calcular ils custs e scriver offertas
- empustar colurs u las maschadar sez per survegnir il tun che la clientella giavischa
- plazzar stgalas, chavalluts, punts u sch'i fa basegn palancaus
- fixar folias da palpiri u da materia sintetica cun bindel da colla per proteger il palantschieu u autras parts che na duajan betg vegnir en contact cun colur
- distatgar tapetas e rasadas da colur veglias u ruina cun spateglias, barschuns, allontanaders da colur u auters guaffens
- emplenir rusnas u stgarps, allontanar grass e malgulivezzas, smerigliar e far giu pulvra
- procurar per in sutterren sitg e net e consultar auters spezialists sch'i è necessari
- dar si colur e lac cun il penel , zullas u cun la pistola da squittar, savens cun pliras rasadas (grundar emprim, alura cuvrir)
- applitgar isolaziuns, liadiras, structuras da surfatscha u spezialas decoraziuns, tut tenor giavisch er producir sez elements decorativs sco relievs u figuras geometricas
- tatgar u fixar tapetas, tailas u auters revestgiments vid las paraids
- nettegiar il plazzal, ils guaffens ed il material, dismetter il rument a moda adattada a l’ambient
- resguardar las prescripziuns da la segirezza da lavur e da la protecziun da l'ambient
Ambient da lavur
Picturs e picturas lavuran en manaschis da picturs. I sa tracta per regla da manaschis pitschens u mesauns. Sco lieu d'occupaziun vegn plinavant l’industria da colurs e da lacs en dumonda.
Picturs en tschertgads sin il martgà da lavur.
Pretensiuns e interess
- Inschign manual
- Imaginaziun tridimensiunala
- Nagins disturbis da vesair colurs
- Dun per cifras
- Senn per igiena e per nettezza
- Prontezza d'esser savens sin viadi
- Resistenza corporala
- Senza sturnizi
- Lavurar cun ils mauns
- Dissegnar, decorar, crear
- Esser corporalmain activ
- Esser savens sin viadi
- Lavurar en il team
Scolaziun
En in manaschi da picturs
1 di per emna a la scola professiunala
Emprender ed exercitar a moda pratica la basa professiunala
3 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Pictur / Pictura AFQ
Furmaziun cuntinuonta
Curs
Purschidas da scolas spezialisadas e professiunalas sco er dal Schweiz. Maler- und Gipserunternehmer-Verbands
Furmaziun da basa scursanida
Stuccatur-constructur / stuccatura-constructura a sitg AFQ
Vernischader / vernischadra da carossaria AFQ
Vernischader industrial / vernischadra industriala AFQ
Diplom da l’associaziun
Manader / manadra da plazzal, pictur / pictura da Service, vernischader / vernischadra a squitta, tapezader / tapezadra
Examen professiunal (EP)
Manader / manadra da project colur cun certificat professiunal federal, mastergnant / mastergnanta per la tgira da monuments cun certificat professiunal federal, creader / creadra en l’artisanat cun certificat professiunal federal
Examen professiunal superiur (EPS)
Maister pictur / maistra pictura
Scola spezialisada superiura (SSS)
Curs da furmaziun en roms parentads, p.ex. tecnicist diplomà / tecnicista diplomada SSS planisaziun da construcziun (coluraziun d'architectura)
Scola auta spezialisada (SAS)
Percurs da studi en roms parentads, p. ex. Bachelor of Arts en architectura u Bachelor of Science (SAS) en fatgs d’inschigneria da construcziun. Tut tenor scola auta spezialisada valan differentas cundiziuns d'admissiun.
Professiuns sumegliantas
