Constructura da fatschadas AFQ
Constructur da fatschadas AFQ
![[object Object],[object Object]](https://media.sdbb.ch/transform/59f47edb-ae6f-46f1-89c0-3c4296b4b339/FB-MC-119-jpg?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1200.–
3. onn d’emprendissadi: CHF 1400.–
Sco constructura u constructur da fatschadas isoleschas e staupas ti fatschadas d'edifizis novs e da renovaziuns. Per quest intent utiliseschas ti material sco metal, cement u vaider ed applitgeschas isolaziuns termicas. Uschia protegias ti edifizis cunter il fraid, la chalur, l'umiditad e la canera e gidas a spargnar energia.
Incumbensas
- leger ils plans da construcziun
- tscherner la cuvrida da la fatschada adattada e latiers resguardar l'effizienza energetica e l'aspect da la fatschada
- mesirar la grondezza da la fatschada
- dissegnar e calcular las furmas e las surfatschas da la cuvrida da la fatschada
- selecziunar ed empustar il material
- transportar il material e deponer sin il plazzal
- segirar il plazzal, p.ex. montar puntanadas
- preparar maschinas, apparats ed utensils
- endrizzar il plazzal e planisar las fasas da construcziun
- resguardar las prescripziuns da segirezza
- montar schablonas e fabritgar sutconstrucziuns da lain, da metal u d'aluminium per pudair tschentar ils singuls elements
- metter stresas d'isolaziun ed isolar sfessas, per ch'i giaja a perder damain chalur
- montar differentas cuvridas gulivamain e bain sin la fatschada, p.ex. plattas da fatschada da lain
- far skizzas per tagliar exactamain las plattas
- enchastrar elements singuls e francar quels vi d'auters elements da construcziun
- montar supports e colliaziuns, p.ex. per moduls da protecziun cunter incendis u per sistems solars
- montar accessoris e liquidar las lavurs da precisiun
- controllar la lavur ed eliminar mancanzas
- scriver rapports
- mantegnair e reparar cuvridas da fatschadas
- tegnair en urden utensils e maschinas
- dismetter ruments e material en moda ecologica
Ambient da lavur
Sco constructura u constructur da fatschadas lavuras ti principalmain sin plazzals en il liber. Ti lavuras savens en l'autezza e stos ta segirar, p.ex. cun puntanadas u sugas. Durant la lavur portas ti in equipament da protecziun cun chapellina, guants e chalzers da segirezza. Tes temps da lavur èn regulars, pon dentant sa midar tut tenor la stagiun. La stad datti per regla dapli lavur che l'enviern.
Ti lavuras en manaschis da la branscha da mantelladas d'edifizis, p.ex. en ina interpresa cun ina partiziun da construcziun da fatschadas u en ina interpresa industriala che producescha material da construcziun. Perquai che la professiun è impurtanta per la strategia d'energia da la Confederaziun, è il martgà da lavur er bun en l'avegnir.
Pretensiuns e interess
- Senza sturnizi
- Inschign manual
- Imaginaziun tridimensiunala
- Abilitad da lavurar en in team
- Resistenza corporala
- Resistenza a la temperatura u a l'aura
- Prontezza d'esser savens sin viadi
- Lavurar en il liber
- Lavurar cun ils mauns
- Esser corporalmain activ
- Elavurar metal
Scolaziun
Furmaziun pratica en in manaschi da la branscha da mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Uzwil: 36 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Constructur / Constructura da fatschadas AFQ
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Sco constructura u constructur da fatschadas AFQ pos ti per regla far in emprendissadi scursanì dad isolatura u isolatur AFQ, cuvratetgs AFQ, constructura u constructur da puntanadas AFQ, spezialista u spezialist per tecnica da parasulegl e storas AFQ, stagnera u stagner AFQ e lainaria u lainari AFQ.
Examen professiunal (EP)
- Manader / Manadra da construcziun mantellada d'edifizis EP
Examen professiunal superiur (EPS)
- Maister / Maistra mantellada d'edifizis EPS
Scola spezialisada superiura (SSS)
- Tecnicist / Tecnicista SSS surveglianza da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
