![[object Object],[object Object]](https://media.sdbb.ch/transform/4b9bb124-9acd-4af0-881f-cd6712b8cef3/bindetechnologin_e_m_s_l_7797-jpg-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1100.–
4. onn d’emprendissadi: CHF 1500.–
Tecnologs e tecnologas da liar produceschan stampads sco cudeschs, illustradas u broschuras, , ill dattan als stampads il caracter definitiv. Cun indrizs cumplexs taglian, tatgan, faudan, broscheschan e lian els ils products ed als preparan per la spediziun. En quai mastergn dat i ils dus accents industria ed artisanadi.
Incumbensas
- eleger material per l'elavuraziun
- coordinar las incaricas ed ils process cun auters manaschis e cun ils collavuraturs
- communitgar cun la clientella
- garantir la segirezza da la lavur, las mesiras da la protecziun da sanadad e da l'ambient
- planisar, diriger e controllar la procedura da la lavur
- producir ord artgas da palpiri stampadas products sco gasettas, illustradas cudeschs, plans, prospects e chalenders
- tagliar e faudar il palpiri, embustir broschuras ed elavurar gasettas
- elavurar cuvertas da cudeschs u enveloppas da broschuras, aschentar elements agiuntads a blocs da cudeschs u broschuras
- liar ils products da stampa a maun, mez automatic u cumplainamain automatic
- mantegnair las maschinas da la finiziun da stampads
- enconuscher disturbis e tscherner mesiras per als eliminar
Ambient da lavur
Operaturs da medias stampadas lavuran en stamparias, en manaschis da la finiziun dals stampads u en ina liaria. En la finiziun dals stampads vegn il dumber da las plazzas d'emprendissadi a crescher ils proxims onns. Dumandadas sin il martgà da lavur èn persunas flexiblas che pon reagir sin svilups tecnics e ch'èn prontas da surpigliar responsabladad.
Pretensiuns e interess
- Inschign manual
- Abilitad da s'adattar a novas tecnologias
- Moda da lavurar conscienziusa ed exacta
- Moda da lavurar sistematica
- Chapientscha tecnica
- Gronda toleranza da canera
- Abilitad da lavurar en in team
- Lavurar en moda exacta
- Schliar incumbensas tecnicas
- Lavurar cun taila, tgirom e palpiri
- Lavurar cun maschinas
- Dissegnar, decorar, crear
Scolaziun
En ina stamparia, en in manaschi da la finiziun dals stampads u en ina liaria
En media 1½ dis l'emna (2 dis en il 1.onn d'emprendissadi, 1 ½ di en il segund onn d'emprendissadi, 1 di en il 3. e 4. onn d'emprendissadi)
Emprender ed exercitar las basas professiunalas a moda pratica
4 onns
- industria
- artisanadi
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Tecnolog / Tecnologa da liar AFQ
Furmaziun cuntinuonta
Curs
purschidas d'associaziuns e scolas spezialisadas e professiunalas, sco p.ex. Centro del bel libro ad Ascona
Examen professiunal (EP)
p.ex. commerziant da tipografia cun certificat professiunal federal, spezialista per medias stampadas cun certificat professiunal federal
Examen professiunal superiur (EPS)
p.ex. manager da publicaziuns cun diplom federal, manadra da fatschenta cun diplom federal
Scola spezialisada superiura (SSS)
p.ex. tecnicist dipl. SSS medias
Scola auta spezialisada (SAS)
Bachelor of Science (SAS) en inschigneria da medias; champ liaria da cudeschs: Bachelor / Master of Arts (SAS) en conservaziun / restauraziun cun approfundaziun Graphic, Books and Photographic Objects
Professiuns sumegliantas
