![[object Object],[object Object]](https://media.sdbb.ch/transform/4b9bb124-9acd-4af0-881f-cd6712b8cef3/bindetechnologin_e_m_s_l_7797-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1100.–
4. onn d’emprendissadi: CHF 1500.–
Sco tecnologa u tecnolog da liar produceschas ti products stampads, p.ex. cudeschs, broschuras, plans u gasettas. Tut tenor l'accent produceschas e lias ti grondas serias cun maschinas industrialas u ti fas singuls tocs. Ultra da quai tgiras e reparas ti las maschinas da producziun.
Incumbensas
- prender encunter las incumbensas e discutar quellas cun la clientella
- tscherner il material e calcular las quantitads
- fixar l'urari
- controllar las datas per la producziun
- giustar maschinas
- coordinar ils andaments, p.ex. cun tecnologas e tecnologs da medias
- preparar maschinas per l'ulteriura elavuraziun dals products ed observar en quest connex las prescripziuns da segirezza
- giustar e testar las maschinas
- survegliar il decurs dals fegl e da las rollas da palpiri durant la producziun
- tagliar, faudar e fixar palpiri
- metter ensemen singuls fegls da palpiri a cudeschs u a broschuras e collar paginas automaticamain u a maun
- reducir e dismetter correctamain il rument
- producir e decorar cuvertas da cudeschs u cuvertas da palpiri, chartun u tgirom
- metter ensemen e pachetar products mezfinids sco chalenders u chartas
- liar a maun, en moda mez automatica u automatica products stampads, p.ex. cun in liom a spirala
- elavurar material sco lain, pergiamina u tgirom
- producir products da chartun sco ordinaturs, mappas, stgatlas u albums
- reparar e restaurar toms da cudeschs vegls, p.ex. cun cisels u apparats da fixar
- identifitgar problems vi da maschinas ed utensils
- demontar e remplazzar ils tocs isads
- mantegnair maschinas sco er far simplas reparaturas
Ambient da lavur
Sco tecnologa u tecnolog da liar lavuras ti suletta u sulet u en il team. En ils lavuratoris èsi mintgatant dad aut. En la producziun industriala utiliseschas ti maschinas cumplexas, entant che ti fas bler a maun en la liaria da cudeschs artisanala. Ils temps da lavur èn savens regulars, i po dentant dar uras supplementaras per observar termins da furniziun.
Ti lavuras en stamparias, liarias da cudeschs u chasas edituras. Er en chasas da medias u agenturas da communicaziun datti plazzas. En il sectur artisanal chattas ti engaschaments en archivs, bibliotecas u antiquariats. En quest sectur mainan bleras persunas da professiun in'atgna interpresa e sa spezialiseschan sin liadiras da cudeschs spezialas u sin la restauraziun da cudeschs vegls.
Pretensiuns e interess
- Inschign manual
- Abilitad da s'adattar a novas tecnologias
- Moda da lavurar conscienziusa ed exacta
- Moda da lavurar sistematica
- Chapientscha tecnica
- Gronda toleranza da canera
- Abilitad da lavurar en in team
- Lavurar cun taila, tgirom e palpiri
- Lavurar en moda exacta
- Schliar incumbensas tecnicas
- Lavurar cun maschinas
- Dissegnar, decorar, crear
Scolaziun
La scolaziun vegn fatga sco emprendissadi en in manaschi.
furmaziun pratica en ina stamparia, in manaschi da la finiziun dals stampads u ina liaria da cudeschs: 3 fin 4 dis per emna
1 fin 2 dis per emna en las scolas professiunalas spezialisadas chantunalas
en plirs chantuns: 24 dis durant 4 onns
4 onns
- industria
- artisanadi
- terminà la scola obligatorica
- intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Tecnolog / Tecnologa da liar AFQ
Furmaziun cuntinuonta
Curs
- curs dal Centro del Bel Libro ad Ascona (TI)
Examen professiunal (EP)
- Commerziant / Commerzianta da tipografia e da medias EP
- Spezialist / Spezialista per l'elavuraziun da medias stampadas EP
Examen professiunal superiur (EPS)
- Manager / Managera da publicaziun EPS
Scola spezialisada superiura (SSS)
- Manager / Managera SSS
Scola auta spezialisada (SAS)
- Bachelor of science en inschigneria da medias
Tut tenor la scola auta spezialisada valan differentas cundiziuns d'admissiun.
Professiuns sumegliantas
