![[object Object],[object Object]](https://media.sdbb.ch/transform/9085c8f4-ac4b-440b-84f6-b932c1597483/verpackungsdruckerin_v_dc_3300-jpg?io=transform:fill,width:740,height:490)
1. onn d’emprendissadi: CHF 650–750.–
2. onn d’emprendissadi: CHF 850–950.–
3. onn d’emprendissadi: CHF 1100–1350.–
Stampaduras e stampadurs d'emballadi fan stampats sin materials sco folias da materia sintetica e folias cumponidas, sin palpiri, sin chartun u sin aluminium. Ellas ed els procuran, ch'ils materials vegnian elavurads vinavant ad emballadis flexibels, ad etichettas u a stgatlas plegablas. Ellas ed els endrizzan las maschinas da stampar, maschaidan las colurs ed èn responsabels per l'entir process da stampa.
Incumbensas
- prender encunter e controllar las incumbensas
- stimar la quantitad dal material, fixar il termin e far in'offerta
- fixar datas da stampa, p.ex. logos u maletgs e planisar l'andament da la producziun
- preparar il material tschernì e producir las furmas da stampa
- tscherner las colurs da stampa sco er ils tuns da las colurs e maschadar ils dissolvents
- equipar las maschinas da stampa cun il material e cun accessoris
- configurar las differentas caracteristicas, p.ex. la quantitad e la saturaziun da las colurs
- testar las configuraziuns e far ina stampa d'emprova sco er eventualmain adattar las configuraziuns
- survegliar ils process da stampa, p.ex. controllar il passadi da las rollas
- eliminar sbagls u disturbis
- magasinar u utilisar vinavant ils products da stampa
- documentar las datas da stampa, p.ex. la quantitad da material e las maschaidas da colurs
- duvrar si las materias stampadas ch'èn restadas danvanz
- dismetter u reciclar ruments
- far lavurs da mantegniment e da reparatura
- nettegiar las furmas da stampa ed ils accessoris da maschinas
Ambient da lavur
Stampaduras e stampadurs d'emballadi lavuran sulets u en pitschens teams en lavuratoris chauds e cun gronda canera. Ellas ed els collavuran cun creadras da reclama, cun grafichers e cun spezialistas en la finiziun dals stampats, pon dentant er avair in contact direct cun la clientella. Ellas ed els manevreschan gronds sistems cumplexs da flexostampa, da heliografia e da stampa digitala. Savens lavuran ellas ed els en squadra.
Stampaduras e stampadurs d'emballadi lavuran en manaschis da stampa artisanals ed industrials en il sectur da la stampa d'emballadis, d'etichettas u da chartun ondulà. Sin il martgà da lavur èn ellas ed els dumandads.
Pretensiuns e interess
- Buna vesida
- Nagins disturbis da vesair colurs
- Chapientscha tecnica
- Abilitad da s'adattar a novas tecnologias
- Gronda toleranza da canera
- Moda da lavurar independenta
- Abilitad da sa concentrar
- Senn per estetica
- Schliar incumbensas tecnicas
- Planisar, organisar
- Lavurar cun taila, tgirom e palpiri
- Lavurar cun maschinas
Scolaziun
En in manaschi per emballadis flexibels, per stampa sin etichettas u sin chartun ondulà.
1 di per emna en la scola professiunala spezialisada: Scola d'art applitgà, Turitg
Emprender, approfundar ed exercitar las basas professiunalas, 9 dis durant 3 onns.
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Stampadur d'emballadi AFQ / Stampadura d'emballadi AFQ
Furmaziun cuntinuonta
Curs
Purschidas da scolas spezialisadas e scolas professiunalas spezialisadas sco er da PackPrint Swiss, packprint.swiss.
Examen professiunal (EP)
Cun attestat professiunal federal, p.ex.:
• Commerziant / Commerzianta da tipografia e da medias
• Operatur / Operatura da medias stampadas
• Expert / Experta da manaschi en tecnologia da stampa e d'emballadi
Examen professiunal superiur (EPS)
P.ex. Manager / Managera d'emballadi cun diplom federal u
Manager / Managera da publicaziun cun diplom federal
Scola spezialisada superiura (SSS)
Studis en secturs professiunals parentads, p.ex. Manager / Managera da medias dipl. SSS
Scola auta spezialisada (SAS)
Studis en secturs professiunals parentads, p.ex. bachelor of science en media engineering. Tut tenor la scola auta spezialisada valan differentas cundiziuns d'admissiun.
Professiuns sumegliantas
