Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Pulitur / Pulitura AFP

Pulituras e puliturs dattan la davosa glimada a las chaschas ed als bratschlets dad uras ed a bischutaria. Els nettegian, puleschan e tgiran las surfatschas d'aur, d'argient e dad auters metals.

Lavurs

Pulituras e puliturs lavuran en ateliers da pulir da fabricas d'uras e da bischutaria. Els puleschan diversas parts dad uras e da bischutaria che vegnan producidas da nov, reparadas u glischentadas da nov. En general lavuran els en teams.

Avant che cumenzar preparan las pulituras il plaz da lavur. Ellas fan in plan da lavur ed organiseschan ils pass da lavur uschè prudentamain sco pussaivel. Ellas plazzeschan la tocca ed endrizzan maschinas e guaffens. Durant lavurar resguardan ellas las prescripziuns da segirezza al plaz da lavur e las prescripziuns da la protecziun da la sanadad e da l'ambient.

Tut tenor material, surfatscha e furma giavischada elegian pulituras il proceder d'elavuraziun. A l'entschatta ston ellas prepulir la tocca, nua ch'ina gronda part da las malgulivezzas vegn allontanada. Latiers dovran ellas guaffens e maschinas sco glimas, barschuns, bastuns da pulir u smerigliadras e maschinas da mular.

Per la lavur da precisiun fan las pulituras diever da tecnicas adattadas. Ellas dovran per exempel sablunaders e bastuns da pulir per far traglischar la tocca. Per finir nettegian ellas tut ils guaffens, ils apparats e las maschinas e guardan ch'els funcziunan endretg.

Plinavant nettegian pulituras la tocca singula cun aua da savun, dissolvents ed alcohol. Suenter mintga pass da lavur controlleschan ellas las uras e la bischutaria ad egl u cun apparats da mesirar e controllar. Ellas controlleschan, sche la massa da la tocca è gista e la cumparsa bella.

Pulituras elavuran tocca dad uras e bischutaria dad aur, platin, argient ed auters metals. Ellas lavuran cun materials prezius e tractan els cun precauziun. Ellas fan attenziun a las pedras preziusas e guardan ch'ils ornaments na vegnan betg donnegiads.

Scolaziun

Basa legala

Ordinaziun federala 19-01-2018

Durada

2 onns

Furmaziun en la pratica

En in atelier da pulir u en ina fabrica d'uras e bischutaria u en in lavuratori d'aurers

Furmaziun en scola

1 di l'emna a la scola professiunala

Roms professiunals

  • organisaziun, preparaziun da las lavurs, protecziun da l'ambient, sanadad e segirezza al plaz da lavur
  • preparaziun da las surfatschas e tecnicas manualas d'elavuraziun
  • exequir las tecnicas finalas da l'elavuraziun da la surfatscha

Curs ordaifer il manaschi

Tar differents temas

Diplom

Attest federal professiunal "pulitur / pulitura AFP"

Premissas

Furmaziun preliminara
  • scola populara terminada
Pretensiuns
  • mauns inschignus
  • moda da lavurar exacta
  • buna concentraziun
  • pazienza e perseveranza
  • fidadadad
  • buns egls (era cun vesida curregida)
  • naginas allergias da metals

Furmaziun supplementara

Curs

purschidas da l'Associaziun svizra dals patruns da l'industria d'uras, da scolas professiunalas e scolas spezialisadas d'art applitgà

Nobilisader / Nobilisadra d'uras e bischutaria AFQ

Puliturs pon far ina furmaziun da basa scursanida sco nobilisader / nobilisadra d'uras e bischutaria AFQ (access al segund onn da la furmaziun).

Suenter han els las medemas pussaivladads da furmaziun supplementara sco nobilisaders d'uras e bischutaria AFQ.

Cundiziuns da lavur

Puliturs lavuran en ateliers da pulir da l'industria d'uras e da bischutaria. Il martgà da lavur per puliturs è fitg pitschen e sa restrenscha oravant tut sin la Svizra franzosa, en spezial sin il chantun Giura e sin ils chantuns da Genevra e da Neuschatel. En il rest da la Svizra na datti betg bleras purschidas.

Ulteriuras infurmaziuns

Associaziun svizra dals patruns da l'industria d'uras
Avenue Léopold-Robert 65
Chascha postala
2301 La Chaux-de-Fonds
Tel: 032 910 03 83
URL: www.cpih.ch

Revista professiunala:
URL: www.goldor.ch



berufsberatung.ch