Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Spezialist / Spezialista per la sanadad AFQ

Spezialists e spezialistas per la sanadad accumpognan, tgiran ed assistan persunas che han basegn d’assistenza. En instituziuns dals fatgs da sanadad u dals fatgs socials surpiglian els lavurs en secturs da la tgira, dal nutriment e da l’administraziun.

Lavurs

Spezialists e spezialistas per la sanadad lavuran en ospitals e clinicas, en instituziuns per attempads e per persunas cun impediments, en centers da reabilitaziun u per la spitex. Els èn occupads en teams da persunas dal fatg e savens subordinads a spezialists da tgira diplomads.

Spezialistas per la sanadad sustegnan carstgauns malsauns, impedids ed attempads tut tenor basegn e situaziun. Ellas als tgiran, assistan ed accumpognan. Tar tut quai na resguardan ellas betg mo lur stadi da sanadad, mabain era la religiun, la cultura, la vegliadetgna, la schlattaina u era las disas e las circumstanzas da vita e l’ambient da las persunas assistidas. Cun ina gronda sensibilitad als gidan ellas p.ex. tar la tgira dal corp dal mintgadi, tar il vegnir or da letg, tar il sa trair en u tar il sa trair ora. Ellas als dattan da mangiar e da baiver. Ellas organiseschan il temp liber activamain e dattan gieus, zambregian, chantan u fan festa cun ils assistids. Cun spassegiadas ed exercizis procuran ellas ch’ils assistids sa movian suffizientamain. Tar clients che ston star en letg fan ellas attenziun che lur posiziun da giaschair saja cumadaivla.

Spezialistas per la sanadad surpiglian lavurs simplas medicinaltecnicas tenor il cumond da lur superiurs. Uschia distgargian ellas persunas dal fatg da la tgira e da la fisioterapia. Ellas mesiran p.ex. la pressiun dal sang, il puls e la temperatura dals clients, midan faschadiras, prelevan sang e dattan squittas, medicaments e nutriment sur sondas. Ellas nettegian, dischinfecteschan e steriliseschan il material utilisà. Ultra da quai percorschan ellas cas d’urgenza, dattan emprim agid en cas da necessitad e procuran per agid dad ulteriuras persunas dal fatg.

En il sectur da la spitex accumpognan spezialistas per la sanadad abitants da tegnairchasas privats u da cuminanzas d’abitar en chasas da tgira u en chasas per persunas cun impediments. Ellas als portan medicaments, als tgiran e sustegnan da structurar lur mintgadi. Tut tenor stadi da sanadad dals assistids reglan ellas il tegnairchasa ensemen cun ils assistids u sulettas. Ellas cuschinan, fan si il letg, fan laschiva e nettegian.

Spezialistas per la sanadad exequeschan era lavurs administrativas ed organisatoricas. Ellas cultiveschan las reservas e procuran che p.ex. avunda material per la tgira u per il biro saja avant maun. Ellas èn responsablas ch’ils instruments ed ils apparats funcziunan. Ellas lavuran a la recepziun, mainan dossiers da clients, fan quints finals u surpiglian il servetsch da la posta u da telefon.

Scolaziun

Basa legala

Ordinaziun federala 5-8-2016

Durada

3 onns

Furmaziun en la pratica

en in’instituziun dals fatgs da sanadad u dals fatgs socials, p.ex. en in ospital, en ina clinica u en ina chasa da tgira

Furmaziun en scola

en l’emprim ed il segund onn 2 dis per emna a la scola professiunala, en il terz onn 1 di per emna

Roms professiunals

  • professiunalitad e metter il client en il center
  • tgirar e survegliar
  • tgirar e survegliar en situaziuns pretensiusas
  • realisar lavurs medicinaltecnicas
  • promover e mantegnair la sanadad e l’igiena
  • organisar il mintgadi
  • percepir pensums d’economia da chasa
  • surprender pensums administrativs e logistics
  • Curs ordaifer il manaschi

    emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "spezialist / spezialista per la sanadad AFQ"

Premissas

Furmaziun preliminara
  • scola populara terminada cun bunas prestaziuns
Pretensiuns
  • plaschair vi dal contact cun carstgauns
  • abilitad da lavurar en ina gruppa e da communitgar, buna demananza
  • pazienza e respect
  • empatia per persunas che dovran tgira, prontadad da gidar
  • dun d’observaziun, sperta reacziun
  • moda da lavur conscienziusa ed exacta
  • senn da responsabladad
  • abilitad d’organisar
  • conscienza da servetschs
  • senn per urden e per igiena
  • abilitad da supportar squitsch
  • buna constituziun corporala
  • flexibilitad: prontadad per temps da lavur irregulars sco era l’abilitad da reagir sin situaziuns variablas

En singuls chantuns han creschids la pussaivladad da laschar quintar vitiers cumpetenzas acquiridas (activitad da gudogn en il sectur da tgira) resp. dad absolver ina furmaziun da basa scursanida.

Davart detagls infurmeschan las associaziuns professiunalas chantunalas u regiunalas.

Furmaziun supplementara

Curs

purschidas da scolas professiunalas, d’associaziuns professiunalas e d’instituziuns dals fatgs da sanadad u dals fatgs socials

Examen professiunal (EP)

cun certificat professiunal federal: p.ex. cussegliader / cussegliadra per impediments da respiraziun e tuberculosa, spezialist / spezialista per diagnostica neurofisiologica, codader medicinal / codadra medicinala, massader medicinal / massadra medicinala, sanitari / sanitaria da transport; ulteriurs diploms èn planisads, p.ex. en il sectur da la tgira da lunga durada e da l’assistenza da lunga durada

Examen professiunal superiur (EPS)

cun diplom federal: diploms plani-sads, p.ex. en ils secturs da l’analitica biomedicinala, da la zitodiagnostica e da l’igiena d’ospitals

Scola spezialisada superiura (SSS)

p.ex. spezialist d’activaziun diplomà / spezialista d’activaziun diplomada SSS, spezialist da tgira diplomà / spezialista da tgira diplomada SSS, spezialist da radiologia medicinala tecnica diplomà / spezialista da radiologia medicinala tecnica diplomada SSS, spezialist da tecnica d’operaziun diplomà / spezialista da tecnica d’operaziun diplomada SSS, sanitari da salvament diplomà / sanitaria da salvament diplomada SSS, pedagog social diplomà / pedagoga sociala diplomada SSS

Scola auta spezialisada (SAS)

p.ex. Bachelor of Science (SAS) en tgira, fisioterapia, ergoterapia, nutriment e dietetica, spendrera u lavur sociala

Cundiziuns da lavur

Spezialistas per la sanadad lavuran en differentas instituziuns dals fatgs da sanadad u dals fatgs socials, p.ex. en ospitals acuts, clinicas psichiatricas, centers da reabilitaziun, chasas da malsauns u da persunas cun impediments u per la spitex.

Tut tenor il lieu da lavur ston spezialistas per la sanadad quintar cun temps da lavur irregulars sco servetschs durant la notg u durant la fin d’emna. Ina lavur a temp parzial è pussaivla.

La situaziun sin il martgà da lavur è buna, persunas dal fatg qualifitgadas èn fitg tschertgadas.

Ulteriuras infurmaziuns

OdASanté, Nationale Dachorganisation der Arbeitswelt Gesundheit
Seilerstr. 22
3011 Bern
Tel: 031 380 88 88
URL: www.odasante.ch

Survista per professiuns en il sectur da sanadad:
URL: www.gesundheitsberufe.ch




berufsberatung.ch