Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Tecnolog / Tecnologa da latg AFQ

Tecnologs e tecnologas da latg AFQ elavuran latg frestg e produceschan products da latg locals e regiunals. Els dirigian indrizs da producziun, mantegnan maschinas e controlleschan ils products. Ultra da quai cusseglian els la clientella e gidan en la vendita.

Lavurs

Tecnologs e tecnologas da latg produceschan chaschiel, quagliada, paintg, glatschs ed auters products da latg. Els enconuschan las metodas tradiziunalas da producir, però lavuran els en il mintgadi savens cun maschinas ed indrizs automatics.

Il latg frestg vegn furnì cun camiuns-cisterna da las latgarias, chascharias u dals manaschis d’elavuraziun industrials. Tecnologs e tecnologas da latg prendan encunter il latgs, controlleschan la qualitad e magasineschan il latg en in tanc per latg frestg. Cun centrifugas vegn la groma separada dal latg. Cun stgaudar vegn il latg pastorisà per ch’ins al possia conservar.

En las partiziuns da fabricaziun endrizzan tecnologs da latg ils indrizs per pudair producir ils products giavischads. Il proceder da producziun per las diversas sorts da chaschiels cumenza per exempel cun stgaudar il latg. El enquaglia cun agiuntar quagl e culturas da bacterias. Tecnologs da latg guardan cun egl segir ch’il magnuc (latg rut) ha la dretga consistenza. Els observan la massa da chaschiel a moda precisa e documenteschan il process. Els planiseschan bain co che las magnuccas vegnan magasinadas e tgiradas. Ultra da quai guardan els er che tut ils products secundars pon vegnir reutilisads.

Tecnologs da latg dovran mintga di tecnologia ed informatica. Vi dals visurs surveglian els constantamain la producziun da divers indrizs. Els elimineschan disturbis, controlleschan la qualitad dals products e fan attenziun ch’i regia igiena perfetga. Ultra da quai èn els responsabels che las prescripziuns da segirezza da lavur, da la protecziun da sanadad e da l’ambient vegnan respectadas.

Tut tenor manaschi lavuran tecnologs da latg er en la vendita ed infurmeschan e cusseglian clientella. En manaschis gronds examineschan els ils recepts sviluppads dal labor sin ils indrizs da pilot ed integreschan els en las lingias da producziun.

Scolaziun

Basa legala

Ordinaziun federala 24-8-2011

Durada

3 onns

Accents

Eleger l'accent avant che cumenzar la furmaziun professiunala da basa

Furmaziun en la pratica

en ina chascharia, en ina latgaria u en in manaschi industrial

Furmaziun en scola

1 di per emna a las scolas professiunalas Flawil, Sursee, Langnau i.E. u Posieux

Roms professiunals

Exequir ils process generals da l’elavuraziun da latg, producir products da latg specifics per il manaschi, exequir lavurs spezialas che stattan en connex cun il product e cun il manaschi, implementar las prescripziuns d’igiena e dal management da qualitad, respectar las prescripziuns da segirezza da lavur e da la protecziun da la sanadad e da l’ambient, enconuschientschas da la professiun e.a.

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "tecnolog / tecnologa da latg AFQ"

Premissas

Furmaziun preliminara
  • scola populara terminada
Pretensiuns
  • plaschair da s’occupar cun victualias
  • interess vi da process biologics
  • bun dun d’observar
  • bun nas e bun gust
  • enclegientscha tecnica
  • plaschair da lavurar cun maschinas
  • senn per igiena
  • buna sanadad (per gronda part lavur sin pe)
  • betg esser sensibel cun umiditad
  • esser pront da lavurar a temp irregular

Furmaziun supplementara

Curs

Purschidas da scolas spezialisadas, pussaivladad d’absolver praticums a l’exteriur

Examen professiunal (EP)

cun certificat professiunal federal:
p.ex. tecnolog / tecnologa da latg u tecnolog / tecnologa da victualias

Examen professiunal superiur (EPS)

p.ex. tecnolog da latg diplomà / tecnologa en la producziun da latg diplomada u tecnolog da victualias diplomà / tecnologa da victualias diplomada

Scola spezialisada superiura (SSS)

p.ex. tecnicist diplomà SSS / tecnicista diplomada SSS, direcziun tecnologia da victualias

Scola auta spezialisada (SAS)

Bachelor of Science (SAS) en tecnologia da victualias, approfundaziun Food Science & Management u Food and Beverage Innovation

Cundiziuns da lavur

Tecnologs da latg pon lavurar en differents manaschis, da la pitschna chascharia tar in manaschi da producziun industrial. Els lavuran er en la cumpra ed en la vendita ed en labors. Cun ina furmaziun supplementara correspundenta èsi pussaivel da lavurar sco cussegliader u en il sectur da commerzi en in manaschi industrial.

Las schanazas sin il martgà da lavur èn per tecnologs da latg en Svizra ed a l’exteriur fitg bunas. En Svizra vegnan mintg’onn scolads 120 tecnologs da latg. Tut tenor manaschi ston tecnologs en la producziun da latg lavurar a temp irregular.

Ulteriuras infurmaziuns

Schweizerischer Milchwirtschaftlicher Verein SMV
Berufsbildung
Gurtengasse 6
Postfach
3001 Bern
Tel: 031 311 31 82
URL: www.milchtechnologe.ch





berufsberatung.ch