Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Practicist / Practicista da latg AFP

Practicists e practicistas da latg lavuran en in manaschi d’elavuraziun da latg e produceschan differents products da latg. Els lavuran cun apparats e surveglian maschinas, prendan provas e guardan che las victualias èn magasinadas a moda correcta.

Lavurs

Practicists e practicistas da latg lavuran en in manaschi d’elavuraziun da latg. Els produceschan chaschiel, latg, groma, paintg, products da latg acidulà, quagliada e chaschiel frestg. Avant ch’els cumenzan cun la producziun prendan els encunter il latg furnì. Els controlleschan la qualitad dal latg ed endateschan las infurmaziuns en il computer. Silsuenter guardan els da frestgentar il latg a moda correcta.

Practicists da latg stgaudan, sgroman e maschaidan il latg cun ingredienzas e substanzas auxiliaras. Durant la producziun da chaschiel dir e lom controlleschan els ch’il latg enquaglià (latg rut) haja la dretga consistenza. Silsuenter taglian els la schelatina e truschan e stgaudan il chaschiel frestg granulà. Alura empleneschan els questa massa en las furmas da chaschiel e las portan en il tschaler da chaschiel. Là vegnan las magnuccas tgiradas e survegliadas. Practicists da latg preparan era las ingredienzas per producir jogurt, quagliada e products da dessert. Per producir groma tratga e paintg pastoriseschan els la groma, quai vul dir ch’els stgaudan la groma per ch’ella vegnia conservabla.

Practicists da latg fan diever da differents indrizs ed apparats e guardan che lezs funcziunian correctamain. Els registreschan e controlleschan mintga pass da lavur. Els intervegnan tar problems durant la producziun, frainan las maschinas e las mettan en funcziun danovamain. I vegn controllà minuziusamain la colur, l’odur ed il gust dals products da latg finids. La controlla da la qualitad dals products e dals indrizs è fitg impurtanta, perquai che sbagls pon chaschunar gronds custs al manaschi.

Practicists da latg ston far attenziun a l’igiena e la nettezza. Els han quità da las victualias e las maschinas. Ils indrizs, las apparaturas e las stanzas vegnan nettegiadas suenter la producziun.

Scolaziun

Basa legala

Ordinaziun federala 14-12-2005

Durada

2 onns

Furmaziun en la pratica

En in manaschi d’elavuraziun da latg en almain in sectur da producziun

Furmaziun en scola

1 di per emna en ina da las scolas professiunalas a Flawil SG, Sursee LU u Langnau BE

Roms professiunals

  • chaschiel dir
  • latg da consum/groma
  • chaschiel mez dir/chaschiel lom
  • paintg
  • products da latg acidulà
  • quagliada/chaschiel frestg
  • moduls cumplementars 1 e 2
  • Curs ordaifer il manaschi

    4 dis da curs en 2 onns tar differents temas

    Diplom

    Attest federal professiunal "practicist / practicista da latg AFP"

Premissas

Furmaziun preliminara
  • scola populara terminada
Pretensiuns
  • plaschair da s’occupar cun victualias
  • bun nas e bun gust
  • plaschair da lavurar cun maschinas
  • senn per nettezza ed igiena
  • bun dun d’observar
  • abilitad da lavurar en ina gruppa
  • sanadad robusta ed abilitad da supportar squitsch (blera lavur sin las chommas)
  • naginas allergias envers products da nettegiar
  • prontadad da lavurar a temp irregular

Furmaziun supplementara

Curs

purschidas da scolas spezialisadas e professiunalas sco era dal Center per la furmaziun professiunala natira, nutriment ed economia da latgiras a Sursee, dal Center da professiun e furmaziun supplementara a Flawil u dal Center da furmaziun Emme a Langnau

Tecnolog / Tecnologa da latg AFQ

Practicists / practicistas da latg AFP pon far ina scolaziun da basa scursanida sco tecnolog / tecnologa da latg AFQ (access en il 2. onn da la furmaziun da basa professiunala).
Silsuenter valan las medemas pussaivladads da furmaziun supplementara sco per ils tecnologs / las tecnologas da latg AFQ.

Cundiziuns da lavur

Practicists da latg lavuran en in manaschi d’elavuraziun da latg sco per exempel en ina chascharia u en ina latgaria. Lur lavurs exequeschan els il pli savens en pe. Ils temps da lavur èn irregulars.

Ulteriuras infurmaziuns

Schweizerischer Milchwirtschaftlicher Verein SMV
Berufsbildung
3001 Berna
Tel: 031 311 31 82
URL: www.milchtechnologe.ch

Berufsbildungszentrum Natur
und Ernährung / Milchwirtschaft
6210 Sursee
Tel: 041 925 74 64
URL: www.bbzn.lu.ch

Berufs- und Weiterbildungszentrum Wil-Uzwil
9500 Wil SG
Tel: 058 228 72 50
URL: www.bzwu.ch

Bildungszentrum Emme
3550 Langnau im Emmental
Tel: 031 635 33 70
URL: www.bzemme.ch



berufsberatung.ch