Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch ist das Portal am Freitag, 22. November ab 18.00 Uhr bis Samstag, 23. November 08.00 Uhr nicht verfügbar.

Installatur sanitar / Installatura sanitara AFQ

Installaturs sanitars ed installaturas sanitaras èn persunas dal fatg per la montascha da conducts d’aua fraida e d’aua chauda sco er da stabiliments per auas persas ed indrizs da gas. Els installeschan er apparats sanitars e mainan tras lavurs da mantegniment sco er reparaturas.

Lavurs

Installaturs sanitars ed installaturas sanitaras èn responsabels ch'edifizis vegnan provedì a moda segira e fidada cun aua da baiver igienicamain senza menda e gas natiral tenor las directivas valaivlas. Els prestan uschia in'impurtanta contribuziun per la sanadad ed il bainesser dals abitants e las abitantas.

Entras ina planisaziun exacta garanteschan las installaturas sanitaras la qualitad dumandada ed in decurs effizient. Ellas rimnan infurmaziuns, prendan mesiras, construeschan plans da lavuratori, dissegnan detagls da montascha e retschertgan il material necessari. Ellas resguardan las pretensiuns en connex cun la segirezza, l'isolaziun cunter canera, la protecziun cunter incendis, igiena e l'effizienza d'energia.

En la construcziun criva mettan els conducts per aua, aua persa e gas. Suenter vegnan quels mirads en. Ils conducts fabritgeschan els il pli en lavuratori. Installaturs sanitars enconuschan fitg bain las tecnicas da lavur da l’elavuraziun da material. Els storschan bischens, taglian crennadiras, collian singuls elements da construcziun cun colliaders da struvas, colliaders da contact e colliaziuns dentadas ed  isoleschan conducts.

En cuschina, bogn e tualetta collian installaturs sanitars ils apparats sanitars e las armaturas. Spezialmain tar la montascha da parts visiblas sinteticas, da cheramica u d’atschal cromà èn installaturs sanitars premurads da lavurar a moda fitg exacta: bogneras e duschas, lavabos, tualettas u armaturas sco spinas d’aua e spinas da maschadar.

Installaturs sanitars fan er lavurs da mantegniment e reparatura e sanaziuns. Tar la clientella remplazzan els p. ex. spinas d’aua u sifons che daguttan. En connex cun las lavurs administrativas emplainan els rapports da lavur,  scrivan protocols e documentaziuns. Uschia elavuran els la basa per la facturaziun e per il success economic da lur manaschi.

Sin il plazzal lavuran installaturs sanitars en dus u en teams pli gronds. Els enconuschan ils privels sin il plazzal e protegian sasez ed ils collavuraturs cun resguardar las prescripziuns da segirezza, cun prender mesiras davart la prevenziun d’accidents e cun purtar l’equipament da protecziun persunal. Tar tut las lavurs sa tegnan els vi da las prescripziuns davart la protecziun da l’ambient.

Scolaziun

Basa legala

Ordinaziun federala 1-7-2019

Durada

4 onns

Furmaziun en la pratica

En in manaschi per installaziuns sanitaras u en in manaschi maschadà stgaudamant-ventilaziun-installaziuns sanitar

Furmaziun en scola

1 di per emna a la scola professiunala

Cumpetenzas da'agir

  • Planisaziun da las lavurs
  • Installaziun da las lingias da provediment d'aua
  • Installaziun da las lingias da provediment da gas
  • Installaziuns da las lingias d'allontanament
  • Montascha d'indrizs ed apparats sanitars
  • dissegn spezialisà
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "installatur sanitar / installatura sanitara AFQ"

Premissas

Furmaziun preliminara
  • scola populara terminada cun pretensiuns mediocras u autas
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun dal spazi
  • movibilitad corporala
  • sanadad robusta
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas, dals centers da furmaziun da suissetec sco er d’interpresas da la branscha da tecnica d’edifizis

Furmaziun da basa scursanida

en ina professiun parentada, p.ex. toler / tolera AFQ, installatur / installatura da stgaudaments AFQ, construider / construidra da ventilaziuns AFQ u planisader / planisadra da tecnica d’edifizis AFQ

Examen professiunal (EP)

mintgamai cun certificat professiunal federal) schefmontader sanitar / schefmontadra sanitara, cussegliader energetic / cussegliadra energetica en edifizis, manader da project / manadra da project tecnica d’edifizis e.a.

Examen professiunal superiur (EPS)

maister sanitar /maistra sanitara dipl. planisader sanitar / planisadra sanitara

Scola spezialisada superiura (SSS)

tecnicher / tecnicra dipl. SSS tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Installaturs sanitars lavuran en manaschis sanitars u en manaschis cumbinads dad installaziuns sanitaras-stgaudament resp. installaziuns sanitaras-tolaria. I sa tracta da manaschis pitschens, mesauns u gronds. Els en sin plazzas dals projects u lavuran en il lavuratori da lur manaschi. Il pli lavuran els en dus u en teams pli gronds.

In contract collectiv da lavur (CCL) per la branscha da tecnica da construcziun svizra reglescha las relaziuns davart il dretg da lavur tranter ils partenaris socials.

Ulteriuras infurmaziuns

Schweizerisch- Liechtensteinischer Gebäudetechnikverband (suissetec)
Auf der Mauer 11
Postfach 1768
8021 Zürich 1
Tel: 043 244 73 00
URL: www.suissetec.ch

Revistas professiunalas:
"HK-Gebäudetechnik"
"Planer + Installateur"




berufsberatung.ch