Tschentapalantschieus industrials e purtants AFQ
Tschentapalantschieus industrials e purtants AFQ
Correspunda questa professiun a mai?![[object Object],[object Object]](https://media.sdbb.ch/transform/1f1f0540-72ed-492a-a484-234cddce6d6d/08_Industrie_und_Unterlagsbodenbauer_IK-jpg?io=transform:fill,width:740,height:490)
1. onn d’emprendissadi: CHF 800–950.–
2. onn d’emprendissadi: CHF 1000–1300.–
3. onn d’emprendissadi: CHF 1600–1800.–
Tschentapalantschieus industrials e purtants AFQ mettan palantschieus senza chavas en edifizis e stabiliments. Els lavuran el team ed elavuran differents materials sco betun dir, rascha artifiziala, granulat da gumma u lain petrifitgà. Tar palantschieus existents gidan els a reparar u renovar quels.
Incumbensas
- far ses studis davart ils plans dals architects ed inschigners
- mesirar surfatschas che ston vegnir cuvertas, p.ex. en stabiliments industrials, hallas da sport, edifizis da commerzi u stabiliments publics
- far la planisaziun da la lavur, calcular tenor incumbensa il material ch'i dovra
- transportar e deponer ils materials e las maschinas sin il plazzal
- marcar la surfatscha dal palantschieu e preparar il terren cun fresas e maschinas da glimar
- nettegiar il palantschieu, gulivar nua ch'i fa basegn ed al proteger cunter umiditad e schelira
- metter material per l'isolaziun termica e l'insonorisaziun, proteger las lingias (p.ex. lingias sanitaras e d'electricitad)
- preparar ils materials tenor las indicaziuns dals superiurs, p.ex. rascha, maulta, betun
- derscher material viscus u la maschaida da material sin ina surfatscha e reparter quel cun ina latta da planar u cun maschinas sin l’autezza giavischada
- glimar, gulivar e pulir ils palantschieus industrials
- preparar ils palantschieus da basa uschè che ulteriurs palantschieus pon vegnir mess sisur pli tard, p.ex. parchet, plattas da cheramica u tarpuns
- gidar da metter palantschieus spezials tut tenor basegn, p.ex. palantschieus antiglischnants, palantschieus ch'èn stabels cunter spezialas chemicalias u plazs da sports
- resguardar las prescripziuns per la protecziun da l’ambient, enconuscher las mesiras per la segirezza da lavur
- dismetter il rument adattà a l'ambient
- nettegiar e mantegnair las maschinas ed ils guaffens
Ambient da lavur
Tschentapalantschieus industrials e purtants lavuran en manaschis che mettan palantschieus industrials e da basa. Lur lavur è fitg strapatschusa. Els cumenzan lur lavur la damaun marvegl e midan savens il lieu da lavur. Persunas dal fatg èn tschertgadas sin il martgà da lavur.
Pretensiuns e interess
- Abilitad da lavurar en in team
- Dun per cifras
- Imaginaziun tridimensiunala
- Moda da lavurar conscienziusa ed exacta
- Resistenza corporala
- Gronda toleranza da canera
- Prontezza d'esser savens sin viadi
- Lavurar cun ils mauns
- Esser corporalmain activ
- Esser savens sin viadi
- Lavurar en il team
Scolaziun
En in manaschi che metta palantschieus industrials e da basa
9 emnas curs da bloc per onn a la scola professiunala
Emprender ed exercitar las basas professiunalas a moda pratica
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Tschentapalantschieus industrials e purtants AFQ
Furmaziun cuntinuonta
Curs
Purschidas da scolas spezialisadas e professiunalas, da l’Associaziun PAVIDENSA e dal Campus Sursee
Scolaziun da basa scursanida
Montadra da binaris AFQ;
Sondader AFQ;
Salaschadra AFQ;
Constructur vias AFQ
Examen professiunal (EP)
Maistra furadra dipl.;
Poliera constructura da vias dipl.;
Capolavurer mantegniment da las vias dipl.
Examen professiunal superiur (EPS)
Manadra diplomada dipl.;
Maister constructur dipl.
Scola spezialisada superiura (SSS)
Tecnicista surveglianza da construcziun dipl. SSS;
Tecnicist planisaziun da construcziun dipl. SSS
Scola auta spezialisada (SAS)
Bachelor of Science (SAS) en inschigneria da construcziun. Tut tenor scola auta spezialisada valan differentas cundiziuns d'admissiun.
Professiuns sumegliantas
