Isolatur AFQ
Isolatura AFQ
![[object Object],[object Object]](https://media.sdbb.ch/transform/f8fff80d-f89a-4499-a57f-9377ca9b618e/AbdichterIn-SG-122-jpg?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1200.–
3. onn d’emprendissadi: CHF 1400.–
Sco isolatura u isolatur procuras ti, che edifizis e stabiliments èn protegids cunter plievgia, chalur, fradaglia e canera. Ti isoleschas e staupas tetgs, terrassas, tschalers e tunnels. Ti lavuras vi d'edifizis novs e reparas er isolaziuns existentas en connex cun renovaziuns.
Incumbensas
- visitar l'edifizi u il stabiliment che vegn isolà e controllar il sutterren
- tscherner la tecnica d'isolaziun che correspunda a la furma da l'edifizi e ch'è er energeticamain effizienta ed estetica
- selecziunar material adattà
- leger plans e far skizzas
- far mesiraziuns e calcular la quantitad dal material necessari
- transportar il material e deponer sin il plazzal
- construir puntanadas sin il plazzal, segirar il plazzal sco er plazzar maschinas, auzaders da construcziun e stgalas
- planisar ils singuls pass da lavur
- sientar, nettegiar e gulivar surfatschas plattas per las stuppadiras
- proteger ils tschalers, ils chanals u ils recipients cunter aua che penetrescha
- metter isolaziuns da folias da bitum, asfalt culà u materia sintetica ed en quest connex observar las instrucziuns da diever e las prescripziuns da segirezza
- buglir chavas ed urs
- colliar materialas e resguardar en quest connex, ch'il material possia s'extender tar midadas da la temperatura
- montar indrizs solars e preparar la colliaziun
- metter plattas dal palantschieu e, sche necessari, munir cun in'ulteriura stresa, p.ex. glera u plantas
- terminar las lavurs, controllar la qualitad e scriver rapports
- chattar ora, pertge che aua penetrescha en edifizis u auters stabiliments, ed eliminar il problem
- allontanar e remplazzar materialias
- isolar ils plauns sutterrans u las paraids cun materia sintetica liquida
- dismetter ils ruments en moda ecologica
- tegnair en urden utensils e maschinas
Ambient da lavur
Sco isolatura u isolatur lavuras ti principalmain sin plazzals al liber. Ti stas en l'aut sin puntanadas ed has en quest connex in equipament da protecziun sco egliers da protecziun, chapellina, chalzers da segirezza e guants. Ti lavuras en teams. Ils temps da lavur èn per regla regulars, la stad datti dentant per regla dapli lavur che durant l'enviern.
Ti lavurais en manaschis da la branscha da mantelladas d'edifizis u en manaschis d'isolaziun ch'èn per gronda part interpresas pitschnas e mesaunas. Suenter intgins onns d'experientscha professiunala pos ti surpigliar posiziuns da responsabladad, p.ex. sco manader da team u manadra da plazzal.
Pretensiuns e interess
- Inschign manual
- Senza sturnizi
- Abilitad da lavurar en in team
- Imaginaziun tridimensiunala
- Prontezza d'esser savens sin viadi
- Resistenza a la temperatura u a l'aura
- Resistenza corporala
- Lavurar cun ils mauns
- Esser corporalmain activ
- Lavurar en il liber
- Esser savens sin viadi
Scolaziun
Furmaziun pratica en in manaschi da la branscha da mantelladas d'edifizis
Curs da bloc en las scolas professiunalas spezialisadas ad Uzwil (SG) ed a Grenchen (SO)
Uzwil e Grenchen: 36 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Isolatur / Isolatura AFQ
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Isolaturas ed isolaturs AFQ pon per regla far in emprendissadi scursanì da cuvratetgs AFQ, constructura u constructur da puntanadas AFQ, spezialista u spezialist per tecnica da parasulegl e storas AFQ, constructura u constructur da fatschadas AFQ, stagnera u stagner AFQ u installatura u installatur d'implants solars AFQ.
Examen professiunal (EP)
- Manader / Manadra da construcziun mantellada d'edifizis EP
Examen professiunal superiur (EPS)
- Manader / Manadra da construcziun mantellada d'edifizis EP
Scola spezialisada superiura (SSS)
- Tecnicist / Tecnicista SSS surveglianza da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
