![[object Object],[object Object]](https://media.sdbb.ch/transform/79e35890-970f-490f-95cd-bfcfefd60858/Isolierspenglerin-KH-138-JPG?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1350.–
3. onn d’emprendissadi: CHF 1850.–
Sco stagnera u stagner d'isolaziuns lavuras ti cun isolaziuns per indrizs da chalur e da sfradentar, per ventilaziun e climatisaziun. Ti isoleschas conducts da bischens, apparats, brischaders e locals da sfradentar cun material d'isolaziun. Quel enzuglias ti cun tola u materia sintetica. Ultra da quai exequeschas ti isolaziuns da protecziun cunter incendis ed isolaziuns acusticas vi d'apparats tecnics, vi da parts dals stabiliments e vi d'edifizis.
Incumbensas
- analisar ils plans dal biro da planisaziun e planisar las lavurs che ston vegnir fatgas
- tscherner material d'isolaziun e da revestgiment adattà sco er mesirar e calcular la quantitad necessaria
- far dissegns che mussan, co che objects e locals vegnan enzugliads, p.ex. brischaders u locals da sfradentar
- tagliar ora a maun u cun maschinas CNC differentas parts da la cuverta
- elavurar tut las parts per la montascha, p.ex. furar u storscher
- transportar material sin il plazzal e deponer quel cun quità
- preparar il material da lavur ed ils urdains, p.ex. colla u massa da spategliar
- montar ed adattar l'isolaziun fixa u demontabla vi da parts dal stabiliment
- cuvrir cun folia da PVC, folia d'aluminium u tolas da metal lev
- montar e metter ensemen las differentas parts da la cuverta da metal u da materia sintetica solida, p.ex. rebatter u struvegiar ensemen
- controllar, sche las isolaziuns èn ermeticas ed eliminar mancanzas
- midar, barattar u rinforzar isolaziuns e cuvertas tar renovaziuns u midadas da construcziun
- reutilisar u dismetter correctamain material d'isolaziun e da cuverta
Ambient da lavur
Sco stagnera u stagner d'isolaziuns lavuras ti suletta u sulet ubain en pitschens teams en il lavuratori u da tutt'aura sin il plazzal. Ti has uras da lavur regularas.
Ti lavuras en manaschis pitschens u mesauns. Suenter intgins onns experientscha professiunala sas ti er manar in team u in plazzal. Mo paucas interpresas prendan emprendistas ed emprendists.
Pretensiuns e interess
- Abilitad da lavurar en in team
- Dun per cifras
- Imaginaziun tridimensiunala
- Prontezza d'esser savens sin viadi
- Moda da lavurar sistematica
- Chapientscha tecnica
- Resistenza corporala
- Lavurar cun ils mauns
- Elavurar metal
- Esser corporalmain activ
Scolaziun
Furmaziun pratica en ina interpresa d'isolaziun: 4 dis per emna
1 di per emna en la scola professiunala spezialisada a Lenzburg (AG)
Münchenbuchsee (BE): 37 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Stagner / Stagnera d’isolaziuns AFQ
Furmaziun cuntinuonta
Curs
Purschidas da la federaziun Isolsuisse
Examen professiunal (EP)
- Expert / Experta da la protecziun cunter incendis EP
Examen professiunal superiur (EPS)
- Expert / Experta da la protecziun cunter incendis EPS
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
