Montadra d’indrizs da sfradentar AFQ
Montader d’indrizs da sfradentar AFQ
Correspunda questa professiun a mai?![[object Object],[object Object]](https://media.sdbb.ch/transform/0012db13-829a-4083-ba17-81cab0fa8752/Kaltesystem-Monteurin-LT-106-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
4. onn d’emprendissadi: CHF 1600.–
Sco montadra u montader d'indrizs da sfradentar installeschas ti indrizs da sfradentar e prendas en funcziun quels. Tut tenor l'accent monteschas ti sfradentaders per l'industria u per la vendita, per pumpas da stgaudar u per indrizs da climatisaziun. Ultra da quai reparas ti indrizs da sfradentar e mantegnas quels.
Incumbensas
- controllar, sche las incumbensas èn realisablas
- stimar il material ed il temp da lavur per l'incumbensa
- leger ils plans da montascha
- transportar material sin il plazzal e magasinar quel
- montar parts d'indrizs da sfradentar ed installar quellas en ils locals da maschinas u da sfradentar
- tagliar, storscher, buglir e furmar arom u atschal senza ruina
- metter, colliar, saldar ed isolar conducts
- garantir l'atgna segirezza e quella da las collavuraturas e dals collavuraturs
- encablar e colliar indrizs da regulaziun ed auters apparats electrics
- emplenir las substanzas da sfradentar e controllar, sche l'indriz da sfradentar è ermetic
- controllar cun agid d'instruments da mesiraziun e da controlla, sche l'indriz funcziuna en moda correcta
- evaluar ils resultats da la mesiraziun
- metter en funcziun in indriz da sfradentar e declerar al manader da construcziun u a l'incumbensadra, co ch'el funcziuna
- rediger instrucziuns da diever
- controllar al lieu u dal lontan, sch'ils elements da construcziun sco stgaffas d'interrupturs, recipients e cumpressurs funcziunan en moda correcta
- tschertgar motivs da disturbi, reparar u remplazzar parts ruttas
- reglar e puspè metter en funcziun in indriz da sfradentar
- rediger in rapport final davart ils motivs per disturbis e davart las lavurs liquidadas
- demontar indrizs da sfradentar ed als dismetter en moda ecologica
Ambient da lavur
Sco montadra u montader d'indrizs da sfradentar lavuras ti per il solit sin plazzals en restaurants, gronds negozis, manaschis industrials, ospitals u tar clientella privata. Mintgatant stos ti lavurar la saira u las fins d'emna.
Ti lavuras en manaschis pitschens u mesauns che produceschan indrizs da sfradentar. Ti pos ta spezialisar sin la montascha da novs indrizs da sfradentar, ta focusseschas dentant per il solit sin eliminar disturbis e sin far il mantegniment. Suenter in'experientscha professiunala d'intgins onns pos ti surpigliar posiziuns da gronda responsabladad, p.ex. sco manadra da montascha, manader dal lavuratori u manadra da project. Er en la cussegliaziun ed en la vendita datti plazzas.
Pretensiuns e interess
- Inschign manual
- Chapientscha tecnica
- Moda da lavurar sistematica
- Dun per cifras
- Prontezza d'esser savens sin viadi
- Abilitad da lavurar en in team
- Resistenza corporala
- Imaginaziun tridimensiunala
- Lavurar cun maschinas
- Schliar incumbensas tecnicas
- S'occupar cun electricitad ed electronica
Scolaziun
Furmaziun pratica en in manaschi da la branscha da sfradentar, da fraid da climatisaziun u da pumpas da stgaudar: 4 dis per emna
1 di per emna en las scolas professiunalas spezialisadas chantunalas
Winterthur (ZH): 33 dis durant 4 onns
4 onns
- fraid da manaschi
- fraid da climatisaziun
- fraid d'industria
- pumpas da stgaudar
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Montader / Montadra d’indrizs da sfradentar AFQ
Furmaziun cuntinuonta
Curs
Purschida da l'Associaziun svizra per tecnica da sfradentar (ASTS)
Emprendissadi supplementar
Sco montadra u montader d'indrizs da sfradentar pos ti per regla far in emprendissadi scursanì da planisadra u planisader d'indrizs da sfradentar AFQ.
Examen professiunal (EP)
- Tecnicist / Tecnicista d'indrizs da sfradentar EP
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
