Practicist da montascha d’indrizs da sfradentar AFP
Practicista da montascha d’indrizs da sfradentar AFP
![[object Object],[object Object]](https://media.sdbb.ch/transform/cc288a3a-1c30-4aef-a9da-9409df75f0ea/Kaeltemontage-Praktiker-GdB-107-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
Sco practicista u practicist da montascha d'indrizs da sfradentar monteschas ti conducts da bischens ed elements da construcziun da sistems da sfradentar sco indrizs da climatisaziun u pumpas da stgaudar. Ti mantegnas ils indrizs e demonteschas maschinas veglias.
Incumbensas
- planisar ils andaments da lavur tenor las instrucziuns da montadras e montaders d'indrizs da sfradentar
- segirar la plazza da lavur u il plazzal
- preparar utensils adequats
- storscher, tagliar, buglir e montar conducts da bischens ed elements da construcziun da sistems da sfradentar
- colliar las parts e controllar, sche tut è ermetic
- preparar e fixar l'isolaziun
- collavurar per reparar indrizs da sfradentar
- remplazzar las parts ruttas, p.ex. vapurisaders
- demontar vegls indrizs da sfradentar
- allontanar en moda correcta dal sistem las substanzas da sfradentar
Ambient da lavur
Sco practicista u practicist da montascha d'indrizs da sfradentar lavuras ti per il solit sin plazzals ed es savens sin viadi. Mintgatant stos ti lavurar la saira u las fins d'emna. Ti collavuras cun montadras e montaders d'indrizs da sfradentar che surveglian tia lavur.
Ti lavuras en manaschis che monteschan e reparan indrizs da sfradentar. Intgins da quests manaschis installeschan supplementarmain stgaudaments.
Pretensiuns e interess
- Inschign manual
- Chapientscha tecnica
- Moda da lavurar sistematica
- Dun per cifras
- Abilitad da lavurar en in team
- Prontezza d'esser savens sin viadi
- Resistenza corporala
- Lavurar cun maschinas
- Esser corporalmain activ
- Lavurar en moda exacta
Scolaziun
Furmaziun pratica en in manaschi da la branscha da sfradentar, da fraid da climatisaziun u da pumpas da stgaudar: 4 dis per emna
1 di per emna en las scolas professiunalas spezialisadas chantunalas
Winterthur (ZH): 17 dis durant 2 onns
2 onns
Terminà la scola obligatorica
Practicist / Practicista da montascha d'indrizs da sfradentar AFP
Furmaziun cuntinuonta
Curs
Purschidas da l'Associaziun svizra per tecnica da sfradentar (ASTS)
Emprendissadi supplementar
Sco practicista u practicist da montascha d'indrizs da sfradentar AFP pos ti per regla far ina furmaziun professiunala da basa scursanida da montadra u montader d'indrizs da sfradentar AFQ.
Professiuns sumegliantas
