Practicist da stgaudaments AFP
Practicista da stgaudaments AFP
![[object Object],[object Object]](https://media.sdbb.ch/transform/bcd8e9f0-22dc-41ae-9cda-5ea46e5f9571/heizungspraktiker_y_p_2837-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
Sco practicista u practicist da stgaudaments gidas ti a montar e metter en funcziun novs stgaudaments, novas pumpas da stgaudar u indrizs solars. Ti monteschas stgaudaments sco stgaudaments da palantschieu e radiaturs e demonteschas stgaudaments vegls.
Incumbensas
- prender encunter las incumbensas
- controllar las parts ed ils stgaudaments furnids, p.ex. guardar, sche la furniziun è cumpletta e nagut na saja rut
- preparar il material, las maschinas ed ils urdains, p.ex. colliar maschinas cun l'electricitad
- sin il plazzal far skizzas dals conducts
- mesirar e calcular, quant lungs ch'ils bischens per ils conducts ston esser
- tagliar bischens, metter quels en la dretga furma ed als buglir ensemen
- guardar sin il plan, nua ch'ils bischens ston vegnir plazzads ed als montar là
- gidar a montar stgaudaments, p.ex. pumpas da stgaudar, indrizs solars u stgaudaments dad ieli e da gas
- gidar a demontar stgaudaments vegls
- sortir e reciclar ruments
- controllar, sche la pressiun constat
- intercurir, ch'i na dettia nagins lieus permeabels
- derschentar stgaudaments
- emplenir stgaudaments cun aua ed als ventilar, fin ch'il squitsch d'emplenida è cuntanschì
Ambient da lavur
Sco practicista u practicist da stgaudaments lavuras ti da tutt'aura en il lavuratori u sin il plazzal. Per part poi esser dad aut. Tut tenor l'incumbensa portas ti egliers, chapellina, mascrina, protecziun d'udida e guants. Ti lavuras adina en teams e survegns tias incumbensas d'installaturas ed installaturs da stgaudaments. Tes temps da lavur èn regulars. Mintgatant stos ti lavurar pli ditg per respectar tscherts termins.
Ti lavuras en in manaschi per installaziuns da stgaudaments u en in manaschi cumbinà da stgaudaments, ventilaziuns e sanitar. Per regla n'èsi betg difficil da chattar ina plazza d'emprendissadi. Suenter tes emprendissadi has ti differentas pussaivladads, p.ex. en il sectur da l'effizienza energetica che daventa adina pli impurtant en la branscha da construcziun.
Pretensiuns e interess
- Chapientscha tecnica
- Inschign manual
- Abilitad da lavurar en in team
- Moda da lavurar sistematica
- Prontezza d'esser savens sin viadi
- Resistenza corporala
- Gronda toleranza da canera
- Lavurar cun ils mauns
- Esser corporalmain activ
- Elavurar metal
- Schliar incumbensas tecnicas
Scolaziun
Furmaziun pratica en in manaschi per installaziuns da stgaudaments: 4 dis per emna
1 di per emna en las scolas professiunalas spezialisadas chantunalas
En plirs chantuns: 21 dis durant 2 onns
2 onns
Terminà la scola obligatorica
Practicist / Practicista da stgaudaments AFP
Furmaziun cuntinuonta
Curs
Curs da l'associaziun suissetec
Emprendissadi supplementar
Sco practicista u practicist da stgaudaments AFP pos ti per regla far in emprendissadi scursanì dad installatura u installatur da stgaudaments AFQ.
Professiuns sumegliantas
