Practicista sanitara AFP
Practicist sanitar AFP
![[object Object],[object Object]](https://media.sdbb.ch/transform/c70088b8-4632-421a-af57-26567da68f0a/aide_sanitaire_MG_173-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
Sco practicista sanitara u practicist sanitar procuras ti, che edifizis vegnan provedids cun aua chauda e fraida. Ti gidas a montar conducts d'aua da baiver e d'aua persa. Ultra da quai installeschas e mantegnas ti indrizs sanitars sco lavabos, bogneras, duschas e tualettas.
Incumbensas
- prender encunter incumbensas da persunas superiuras, p.ex. d'installaturs sanitars, schefmontadras sanitaras u manaders da project
- gidar a far mesiraziuns sin il plazzal
- dissegnar plans per ils conducts previs d'aua da baiver e d'aua persa
- calcular la lunghezza dals bischens
- empustar il material
- enconuscher ils privels al plaz da lavur, p.ex. privel da crudar, substanzas da tissi u contaminaziun da l'ambient
- en il lavuratori gidar a producir ils bischens tenor plan
- tagliar ils bischens sin las lunghezzas calculadas
- montar bischens e tocs da contact, p.ex. struvegiar, fitgar ensemen u buglir
- construir e montar paraids intermediaras davos paraids dals bogns per moderar las ramurs
- chargiar sin il vehichel il material e l'iseglia per la montascha, p.ex. maschinas da furar u resgias circularas
- dismetter ils ruments en moda ecologica
- gidar a francar bischens en las paraids, en ils palantschieus e sin ils palantschieus sura
- colliar armaturas sco spinas d'aua cun ils conducts e colliar cun la rait d'aua publica
- isolar bischens, tocs da contact ed armaturas cunter umiditad, ruina e canera
- montar paraids intermediaras colliar u remplazzar lavabos, duschas, boilers e spinas d'aua
- montar accessoris sco fixaziuns per vaider, per palpiri da tualetta u per tendas da duscha
Ambient da lavur
Sco practicista sanitara u practicist sanitar lavuras ti en il lavuratori e sin il plazzal, nua ch'i regia mintgatant gronda canera. Ti es part d'in team e survegns tias incumbensas d'installaturas sanitaras ed installaturs sanitars. Tes temps da lavur èn regulars. En cas d'urgenza poi esser, che ti stos far sururas per eliminar svelt ils donns en la rait d'aua. A la lavur portas ti ina chapellina, guants, chalzers da segirezza, protecziun d'udida ed egliers da protecziun.
Ti lavuras en manaschis d'installaziun sanitara, en manaschis sanitars e da stgaudament ubain en manaschis sanitars e da stagnaria. Per regla n'èsi betg difficil da chattar ina plazza d'emprendissadi. Suenter l'emprendissadi datti differentas pussaivladads per ta perfecziunar, p.ex. en il sectur da l'effizienza energetica che daventa adina pli impurtanta en la branscha da construcziun.
Pretensiuns e interess
- Inschign manual
- Chapientscha tecnica
- Resistenza corporala
- Moda da lavurar conscienziusa ed exacta
- Abilitad da lavurar en in team
- Prontezza d'esser savens sin viadi
- Lavurar cun ils mauns
- Elavurar metal
- Esser corporalmain activ
Scolaziun
Furmaziun pratica en in manaschi per installaziuns sanitaras: 4 dis per emna
1 di per emna en las scolas professiunalas spezialisadas chantunalas
En plirs chantuns: 21 dis durant 2 onns
2 onns
Terminà la scola obligatorica
Practicist sanitar / Practicista sanitara AFP
Furmaziun cuntinuonta
Curs
Purschidas da l'associaziun suissetec
Emprendissadi supplementar
Sco practicista sanitara u practicist sanitar AFP pos ti per regla far in emprendissadi scursanì d'installatur sanitar / installatura sanitara AFQ.
Professiuns sumegliantas
