Practicist da drenascha AFP
Practicista da drenascha AFP
![[object Object],[object Object]](https://media.sdbb.ch/transform/6f87ab25-4343-4d67-a675-5c3201cde8bd/Entwpraktiker-ROe-118-jpg-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 950.–
Sco practicista u practicist da drenascha nettegias e svidas ti bischens, conducts, chanals u tumbins. Cun vehichels ed apparats da derschentar elimineschas ti stuppadas en ils bischens d'aua persa. Ti procuras che l'aua sculia bain en cuschinas, bogns, tualettas e lavandarias.
Incumbensas
- leger e chapir las incumbensas
- leger skizzas, chartas e plans, p.ex. las chartas da la chanalisaziun
- organisar ils servetschs e planisar la via al lieu da lavur
- preparar il material e chargiar ils vehichels
- nettegiar bischens e chanals cun urdains u squittas
- pumpar giu e dismetter correctamain restanzas, p.ex. da meds da nettegiament, d'aua persa u d'aua smerdada
- scriver rapports
- nettegiar e mantegnair ils vehichels ed ils urdains
- remplazzar il material rut
- far attenziun che las lavurs vegnian fatgas tenor las prescripziuns
- proteger l'ambient e las auas e dismetter correctamain substanzas privlusas
Ambient da lavur
Sco practicista u practicist da drenascha lavuras ti tar persunas privatas u vi d'infrastructuras publicas. Ti lavuras quasi adina en pitschens teams e sut la surveglianza da tecnologas e tecnologs da drenascha. Ti fas servetsch da pichet ed has mintgatant servetsch durant la fin d'emna e durant la notg. Ti lavuras tant endadens sco er en il liber. Ti lavuras sut terra ed en locals stretgs. Durant tia lavur portas ti savens vestgadira da protecziun per ta proteger cunter substanzas nuschaivlas.
Ti lavuras en interpresas pli pitschnas e mesaunas dal mantegniment da chanals. Er tar ils uffizis da construcziun da vias u tar las sereneras datti plazzas.
Pretensiuns e interess
- Chapientscha tecnica
- Abilitad da lavurar en in team
- Resistenza corporala
- Savair supportar odurs dischagreablas
- Resistenza a la temperatura u a l'aura
- Imaginaziun tridimensiunala
- Prontezza d'esser savens sin viadi
- Prontezza da lavurar durant uras irregularas u servetschs da notg
- Lavurar en il liber
- Esser corporalmain activ
- Esser savens sin viadi
- Lavurar en il team
- Lavurar cun maschinas
Scolaziun
Furmaziun pratica en in manaschi dal mantegniment da chanals: 4 dis per emna
1 di per emna al Center da furmaziun artisanal-industrial Zug (GIBZ)
Opfikon (ZH) u Flums (SG): 8 dis durant 2 onns
2 onns
Terminà la scola obligatorica
Practicist / Practicista da drenascha AFP
Furmaziun cuntinuonta
Curs
Curs da l'Associaziun per la furmaziun da la branscha da mantegniment da las chanalisaziuns (ADVK)
Emprendissadi supplementar
Sco practicista u practicist da drenascha AFP pos ti per regla far in emprendissadi scursanì da tecnologa u tecnolog da drenascha AFQ.
Professiuns sumegliantas
