Practicist da mantegniment AFP
Practicista da mantegniment AFP
![[object Object],[object Object]](https://media.sdbb.ch/transform/735eafc2-44b9-4da9-bc1c-c98bb789e9d1/Operatore-edifici-infrastrutture-DM-009-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
Sco practicista u practicist da mantegniment controlleschas, nettegias e mantegnas ti l'infrastructura sco edifizis, vias da traffic, surfatschas verdas, plazzas da giugar ed implants da sport. Ti mantegnas er installaziuns en edifizis, p.ex. stgaudament, electricitad, indrizs sanitars e tavlegiadas da laina.
Incumbensas
- plazzar tavlas che renvieschan a lavurs
- nettegiar fanestras e palantschieus dals sulers, da las stgalas, da las tualettas e d'auters locals cuminaivels
- tractar cuvridas spezialas cun meds spezials, p.ex. tavlegiads da laina, paraids e palantschieus sura
- magasinar, mantegnair e nettegiar correctamain ils apparats duvrads
- controllar, sch'igl è avant maun avunda material ed apparats
- far reparaturas pli pitschnas vi d'installaziuns, remplazzar pairs electrics defects, stuppadiras ed auters tocs pitschens
- controllar, ch'ils indrizs funcziunan
- eliminar disturbis ed en cas da basegn consultar persunas spezialisadas
- tgirar plantas
- dismetter u reciclar ruments en moda correcta
- preparar edifizis per occurrenzas
- garantir l'access ad edifizis, p.ex. reparar vias e rumir naiv durant l'enviern
- segar pastgets, tgirar prads, tagliar saivs vivas, raschlar feglia e zerclar zerclim
- tgirar bostgs, chaglias ed ierts sco er cumpostar ruments da plantas
- mantegnair ils indrizs externs sco saivs u lampas
- duvrar en moda correcta differents vehichels, apparats pitschens ed utensils
- constituir installaziuns spezialas per events
- manar glistas da controlla davart las lavurs liquidadas
- transferir documents impurtants a persunas superiuras, p.ex. documents da furniziun ed offertas
Ambient da lavur
Sco practicista u practicist da mantegniment lavuras ti endadens en edifizis ed al liber, e quai da mintga stagiun e da mintg'aura. Per regla fas ti part d'in team, fas tschertas lavurs però en moda independenta. Ti utiliseschas differentas maschinas ed utensils e dovras mintgatant substanzas toxicas. Perquai portas ti – tut tenor la lavur – vestgadira da protecziun, chalzers da segirezza e protecziun da la bucca. Tes temps da lavur pon mintgatant esser irregulars.
Ti chattas engaschaments en administraziuns communalas, lavuratoris, ospitals, scolas, centers da tgira, chasas da dimora, baselgias, administraziuns d'immobiglias, firmas da nettegiament u manaschis gronds.
Pretensiuns e interess
- Moda da lavurar independenta
- Plain fantasia e savair sa gidar
- Prontezza da lavurar er sin dumonda
- Plaschair dal contact cun glieud
- Inschign manual
- Chapientscha tecnica
- Senn per igiena e per nettezza
- Resistenza corporala
- Lavurar en il liber
- Esser corporalmain activ
Scolaziun
Furmaziun pratica en in manaschi grond, ina instituziun pli gronda, ina vischnanca, in uffizi da construcziun bassa u tar in purschider da lavurs da mantegniment dal manaschi: 4 dis per emna
1 di per emna en las scolas professiunalas spezialisadas chantunalas
En plirs chantuns: 17 dis durant 2 onns
2 onns
Terminà la scola obligatorica
Practicist / Practicista da mantegniment AFP
Furmaziun cuntinuonta
Curs
Purschidas da la Federaziun professiunala svizra per il mantegniment dal manaschi (SFB)
Emprendissadi supplementar
Sco practicista u practicist da mantegniment AFP pos ti per regla far in emprendissadi scursanì da spezialista u spezialist da mantegniment AFQ.
Professiuns sumegliantas
