Practicista da tecnica da nettegiament AFP
Practicist da tecnica da nettegiament AFP
![[object Object],[object Object]](https://media.sdbb.ch/transform/849153fa-aafc-4138-afe0-ccd4fbe62ae4/Operatore-pulizia-AY-029-jpg?io=transform:fill,width:740,height:490)
Sco practicista u practicist da tecnica da nettegiament nettegias ti biros, abitaziuns, bus, trens e bartgas. Ti t'occupas da paraids, fanestras, duschas e tualettas. Ti gidas er a dar si tschaira u ieli als palantschieus ed a las paraids.
Incumbensas
- preparar tenor instrucziun ils apparats, las maschinas, ils materials ed ils products da nettegiament necessaris
- fixar il termin, al qual tut sto esser nettegià
- definir, ensemen cun la persuna superiura, tge metoda da nettegiament e tge products che vegnan duvrads, p.ex. in product adattà per palantschieus da lain u da crap
- gidar a montar puntanadas u plattafurmas per nettegiar meglier tscherts lieus e per observar las reglas da la segirezza a la lavur
- duvrar correctamain ils apparats per nettegiar palantschieus, paraids, fanestras u mobiglias
- duvrar sco prescrit ils products da nettegiament e da tgira
- spulvrar, scuar, far cun il tschitschapulvra e tgirar, p.ex. en abitaziuns, mobiglias e biros
- schampunar u nettegiar tarpuns a sitg
- nettegiar cun maschinas fatschadas, fanestras e palantschieus, p.ex. cun nettegiaders a pressiun auta u cun apparats per nettegiar las fanestras
- p.ex. dar si tschaira, impregnar u dar si ieli a paraids ed a palantschieus, per ch'els sajan protegids
- controllar las maschinas ed ils apparats ed als mantegnair en in bun stadi
- controllar, sch'i dat avunda da tut ils materials e far empustaziuns
- dismetter ils ruments en moda ecologica
Ambient da lavur
Sco practicista u practicist da tecnica da nettegiament lavuras ti suletta u sulet en pitschens teams sut la responsabladad da spezialistas e spezialists da tecnica da nettegiament. Ti es savens en viadi. Perquai che ti dovras per tschertas lavurs chemicalias, portas ti vestgadira da protecziun sco guants u mascra. Mintgatant lavuras ti la saira e la fin d'emna.
Ti lavuras en pitschnas interpresas da nettegiament. Igl è impurtant che ti t'infurmeschas davart novs materials, products ed apparats. Persunas spezialisadas da la branscha da nettegiament bain scoladas èn dumandadas sin il martgà da lavur.
Pretensiuns e interess
- Senn per igiena e per nettezza
- Resistenza corporala
- Senza sturnizi
- Abilitad da lavurar en in team
- Prontezza d'esser savens sin viadi
- Moda da lavurar independenta
- Moda da lavurar svelta
- Esser corporalmain activ
- Lavurar en moda exacta
- Esser savens sin viadi
Scolaziun
Furmaziun pratica en ina interpresa da nettegiament: 4 dis per emna
1 di per emna en la scola professiunala spezialisada GIBS, Olten (SO)
Rickenbach (SO): 16 dis durant 2 onns
2 onns
Terminà la scola obligatorica
Practicist / Practicista da tecnica da nettegiament AFP
Furmaziun cuntinuonta
Curs
Purschidas da l'associaziun Allpura
Emprendissadi supplementar
Sco practicista u practicist da tecnica da nettegiament AFP pos ti per regla far in emprendissadi scursanì da spezialista u spezialist da tecnica da nettegiament AFQ.
Professiuns sumegliantas
