Practicista stagnera AFP
Practicist stagner AFP
![[object Object],[object Object]](https://media.sdbb.ch/transform/34ae3caa-e1cc-4e16-a780-d23efe7d1dca/Spengler-EC-126-JPG?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
Sco practicista stagnera u practicist stagner protegias ti edifizis cunter plievgia, naiv e granella cun isolar ils tetgs e las fatschadas. Sut l'instrucziun da stagneras e stagners fas e furmas ti parts da tola sco bischens da deflussiun u roms da fanestras. Ti lavuras vi d'edifizis novs u renoveschas existents incumbensas.
Incumbensas
- prender encunter incumbensas da persunas superiuras
- collavurar en cas da mesiraziuns sin tetgs e sin fatschadas
- far skizzas d'elements da tola, a maun u en moda digitala
- calcular la quantitad dal material ed empustar il material
- endrizzar la plazza da lavur, p.ex. montar puntanadas
- enconuscher ils privels a la plazza da lavur, p.ex. privel da crudar, substanzas da tissi u contaminaziun da l'ambient
- fabritgar elements da construcziun, p.ex. bischens da deflussiun, roms da fanestras u chanals da tetg
- segnar e tagliar tolas, cun agid da maschinas u a maun cun forschs da tola
- storscher, squadrar u smatgar tola en la furma giavischada
- colliar elements da construcziun, p.ex. plegar, struvegiar, rebatter u saldar
- chargiar en il vehichel ils elements da construcziun ed ils urdains
- gidar sin il plazzal a montar ils elements da construcziun sin tetgs e fatschadas
- montar colliaziuns, per che p.ex. il rom d'ina fanestra possia vegnir montà vi d'in mir
- gidar a montar indrizs solars, parachametgs u elements decorativs sco culmainas da cucheras
- isolar elements da construcziun, p.ex. liar giu
- reciclar ruments
Ambient da lavur
Sco practicista stagnera u practicist stagner lavuras ti en il lavuratori e sin il plazzal, nua ch'i regia mintgatant gronda canera. Sin il plazzal lavuras ti da tutt'aura en il liber. Ti lavuras en teams e survegns tias incumbensas da stagneras u stagners. Savens ta movas ti plirs meters sur il funs sin puntanadas e tetgs. Perquai portas ti ina chapellina, guants, chalzers da segirezza ed egliers da protecziun. Tes temps da lavur èn regulars, ma mintgatant stos ti lavurar pli ditg, per observar ils termins.
Ti lavuras en stagnarias da differenta grondezza, en manaschis sanitars e da stagnaria ubain en manaschis da stagnaria e cuvratetgs. I dat avunda plazzas d'emprendissadi. Suenter l'emprendissadi has ti differentas pussaivladads per ta perfecziunar, p.ex. en il sectur da l'effizienza energetica che daventa adina pli impurtanta en la branscha da construcziun.
Pretensiuns e interess
- Inschign manual
- Senza sturnizi
- Abilitad da lavurar en in team
- Imaginaziun tridimensiunala
- Prontezza d'esser savens sin viadi
- Gronda toleranza da canera
- Resistenza corporala
- Chapientscha tecnica
- Lavurar cun ils mauns
- Esser corporalmain activ
- Elavurar metal
Scolaziun
Furmaziun pratica en ina stagnaria: 4 dis per emna
1 di per emna en las scolas professiunalas spezialisadas chantunalas
En plirs chantuns: 21 dis durant 2 onns
2 onns
Terminà la scola obligatorica
Practicist stagner / Practicista stagnera AFP
Furmaziun cuntinuonta
Curs
Purschidas da l'associaziun suissetec
Emprendissadi supplementar
Practicistas stagneras e practicists stagners AFP pon per regla far in emprendissadi scursanì da stagnera u stagner AFQ.
Professiuns sumegliantas
