Planisadra da tecnica d’edifizis da stgaudament AFQ
Planisader da tecnica d’edifizis da stgaudament AFQ
Correspunda questa professiun a mai?![[object Object],[object Object]](https://media.sdbb.ch/transform/2b055f55-21a8-4a25-bf91-f8cf513f4d6d/proj_chauffage_LR_058?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
4. onn d’emprendissadi: CHF 1600.–
Sco planisadra u planisader da tecnica d'edifizis planiseschas ti indrizs da stgaudar. Ti creeschas ils plans, dissegnas ils indrizs al computer e calculeschas lur prestaziun. Sin il plazzal controlleschas ti, che la montascha vegnia fatga tenor ils plans elavurads.
Incumbensas
- planisar projects per stgaudaments ensemen cun architects, inschigneras e patruns da construcziun e documentar la dimensiun dals indrizs
- sclerir las pretensiuns envers ils stgaudaments, sch'els vegnan midads u construids da nov
- stimar il basegn d'energia e controllar eventuals sistems da stgaudar, p.ex. pumpa da stgaudar u chalur a distanza
- tscherner sistems da distribuziun da chalur, p.ex. radiaturs u stgaudaments da palantschieu
- infurmar autras persunas spezialisadas davart ils plans, p.ex. per ch'ellas ed els possian montar la protecziun cunter canera e cunter incendis
- observar las prescripziuns legalas, p.ex. en connex cun energias regenerablas
- calcular quanta plazza ch'ils indrizs da stgaudar dovran, e resguardar en quest connex il pais, la canera e la protecziun cunter incendis
- far plans e models digitals cun la software CAD
- far dissegns per la documentaziun ed ulteriuras lavurs da planisaziun
- dissegnar plans per producir e per montar ils indrizs
- far glistas da material ed empustaziuns
- garantir ch'ils termins vegnian observads
- metter en funcziun ils indrizs e guardar, sch'els funcziunan
- elavurar instrucziuns da manaschi per ils indrizs
- observar las prescripziuns da sanadad e da segirezza
Ambient da lavur
Sco planisadra u planisader da tecnica d'edifizis lavuras ti per il solit en biros al computer. Sin plazzals stas ti en contact direct cun installaturas ed installaturs da stgaudaments. Tes temps da lavur èn regulars.
Cun intgins onns experientscha professiunala e cun qualificaziuns correspundentas pos ti ascender en posiziuns da gronda responsabladad, p.ex. sco manadra da team u sco mainagestiun d'ina interpresa. En il sectur da la cussegliaziun e da la vendita datti er plazzas.
Pretensiuns e interess
- Imaginaziun tridimensiunala
- Chapientscha tecnica
- Dun per cifras
- Talent da dissegnar
- Moda da lavurar sistematica
- Moda da lavurar conscienziusa ed exacta
- Abilitad da lavurar en in team
- Abilitad da communitgar
- Planisar, construir, far dissegn tecnic
- Schliar incumbensas tecnicas
- Lavurar en moda exacta
- Lavurar cun cifras
- Planisar, organisar
Scolaziun
Furmaziun pratica en in manaschi per installaziuns da stgaudaments u en in biro d'inschigneria per tecnica d'edifizis: 4 dis per emna ed almain 3 mais praticum en il magasin, en il lavuratori e sin il plazzal
1 di per emna en las scolas professiunalas spezialisadas chantunalas, cumplementà tras ils curs da bloc
En plirs chantuns: 32 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Planisader / Planisadra da tecnica d'edifizis da stgaudament AFQ
Furmaziun cuntinuonta
Curs
Curs da l'associaziun suissetec
Emprendissadi supplementar
Sco planisadra u planisader da tecnica d'edifizis da stgaudament pos ti per regla far in emprendissadi scursanì da planisadra u planisader da tecnica d'edifizis da ventilaziun AFQ u da planisadra u planisader da tecnica d'edifizis sanitars AFQ.
Examen professiunal (EP)
- Manader / Manadra da project en la tecnica d'edifizis EP
- Cussegliader energetic / Cussegliadra energetica d'edifizis EP
- Schefmontader / Schefmontadra da stgaudaments EP
Examen professiunal superiur (EPS)
- Maister planisader / Maistra planisadra da tecnica termica EPS
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
