Planisadra d’indrizs da sfradentar AFQ
Planisader d’indrizs da sfradentar AFQ
Correspunda questa professiun a mai?![[object Object],[object Object]](https://media.sdbb.ch/transform/d9cd10a5-e3d2-4110-a0b6-1655506810df/kaeltesystemplaner_f_r_3465-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
4. onn d’emprendissadi: CHF 1600.–
Sco planisadra u planisader d'indrizs da sfradentar planiseschas ti indrizs da sfradentar per l'industria, il commerzi, chasadas privatas u stabiliments da temp liber sco patineras. Ti fas plans e dissegns per construir ils indrizs da sfradentar. Ultra da quai cusseglias ti manadras e manaders da construcziun en connex cun la tscherna d'indrizs da sfradentar e materials adattads.
Incumbensas
- analisar tge che l'indriz da sfradentar sto ademplir
- proponer soluziuns pussaivlas e cussegliar l'incumbensadra u l'incumbensader en connex cun la tscherna da l'indriz da sfradentar
- far plans per indrizs da sfradentar e conducts
- far ed adattar plans dal sistem electric per indrizs da sfradentar
- fixar la lunghezza dals conducts, la grondezza dals conducts da bischens, il gener da las substanzas da sfradentar e dals indrizs d'alarm
- calcular la prestaziun necessaria dals indrizs da sfradentar
- liquidar lavurs administrativas
- far offertas per indrizs da sfradentar
- far glistas cun las maschinas ed il material necessaris
- elavurar instrucziuns e directivas tecnicas per il lavuratori e la montascha
- planisar e coordinar termins
- controllar ils quints e far il rendaquint final
- sa participar a las sesidas sin il plazzal
- accordar la lavur da las montadras d'indrizs da sfradentar cun auters lavurants da construcziun
- far mesiraziuns e marcaziuns
- controllar, sche la lavur è vegnida fatga tenor plan
- controllar ils tancs dal med sfradentant
- garantir, che las prescripziuns da segirezza e d'ambient vegnian observadas
- controllar, testar e configurar l'indriz da sfradentar terminà
- surdar l'indriz da sfradentar ensemen cun l'instrucziun da diever al possessur u a l'incumbensadra
Ambient da lavur
Sco planisadra u planisader d'indrizs da sfradentar lavuras ti oravant tut en biros, ma er sin il plazzal. Ti lavuras en in manaschi u en in biro d'inschigneria per la tecnica da fraid e d'edifizis. Suenter intgins onns experientscha professiunala e furmaziuns supplementaras pos ti surpigliar posiziuns da responsabladad, p.ex. en la direcziun sco manadra da team u manader tecnic. Er en la cussegliaziun ed en la vendita datti plazzas.
Pretensiuns e interess
- Talent da dissegnar
- Imaginaziun tridimensiunala
- Pensar abstract e logic
- Dun per scienzas natiralas
- Dun per cifras
- Moda da lavurar sistematica
- Moda da lavurar conscienziusa ed exacta
- Abilitad da communitgar
- Lavurar en moda exacta
- Lavurar cun cifras
- Planisar, construir, far dissegn tecnic
- Schliar incumbensas tecnicas
- Planisar, organisar
Scolaziun
Furmaziun pratica en in manaschi u en in biro d'inschigneria per tecnica da sfradentar / d'edifizis: 4 dis per emna
1 di per emna en las scolas professiunalas spezialisadas chantunalas
Winterthur (ZH): 12 dis durant 4 onns
4 onns
- fraid da manaschi
- fraid da climatisaziun
- fraid d'industria
- pumpas da stgaudar
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Planisader / Planisadra d'indrizs da sfradentar AFQ
Furmaziun cuntinuonta
Curs
Curs da l'Associaziun svizra per tecnica da sfradentar (ASTS)
Emprendissadi supplementar
Sco planisadra u planisader d'indrizs da sfradentar pos ti per regla far in emprendissadi scursanì da montadra u montader d'indrizs da sfradentar AFQ, planisadra u planisader da tecnica d'edifizis da stgaudament AFQ, planisadra u planisader da tecnica d'edifizis da ventilaziun u sco planisadra u planisader da tecnica d'edifizis sanitars AFQ.
Examen professiunal (EP)
- Tecnicist / Tecnicista d'indrizs da sfradentar EP
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
