Planisadra da tecnica d’edifizis sanitars AFQ
Planisader da tecnica d’edifizis sanitars AFQ
![[object Object],[object Object]](https://media.sdbb.ch/transform/6bfaf758-2f91-43e4-9505-5e6a7f1608f1/GebaeuTechPlaner-AH-7143-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
4. onn d’emprendissadi: CHF 1600.–
Sco planisadra u planisader da tecnica d'edifizis sanitars planiseschas ti indrizs d'aua, d'aua persa e da gas. Ti creeschas ils plans, dissegnas ils indrizs al computer e calculeschas lur prestaziun. Sin il plazzal controlleschas ti, che la montascha vegnia fatga tenor ils plans elavurads.
Incumbensas
- planisar projects per indrizs sanitars ensemen cun architects, inschigneras e patruns da construcziun e documentar tge indrizs sanitars che vegnan duvrads
- garantir che edifizis vegnian provedids cun aua da baiver e cun gas e resguardar en quest connex l'igiena, la protecziun da l'ambient, la segirezza e las leschas
- calcular quanta aua che sto currer tras l'indriz e planisar en quest connex che l'aua persa e l'aua da plievgia deflueschian correctamain
- tscherner elements da construcziun adattads, p.ex. conducts, pumpas, spinas d'aua u elements da construcziun da segirezza
- infurmar autras persunas spezialisadas davart ils plans, p.ex. per ch'ellas ed els possian montar la protecziun cunter canera e cunter incendis
- calcular ils custs dals indrizs sanitars
- fixar la lunghezza ed il diameter dals conducts, far attenziun al pais da l'indriz, a la canera ed a la protecziun cunter incendis
- far plans e models digitals cun la software CAD
- far dissegns per la documentaziun ed ulteriuras lavurs da planisaziun
- dissegnar plans per producir e per montar ils indrizs
- far glistas da material e far empustaziuns
- garantir ch'ils termins vegnian observads
- metter en funcziun ils indrizs e controllar, sch'els funcziunan
- elavurar instrucziuns da manaschi per ils indrizs
- observar las prescripziuns da sanadad e da segirezza
Ambient da lavur
Sco planisadra u planisader da tecnica d'edifizis sanitars lavuras ti per il solit en il biro al computer. Sin ils plazzals stas ti en contact cun las installaturas sanitaras ed ils installaturs sanitars. Tes temps da lavur èn regulars.
Cun intgins onns experientscha professiunala e cun qualificaziuns correspundentas pos ti ascender en funcziuns da gronda responsabladad, p.ex. sco manadra da team u mainagestiun. En il sectur da la cussegliaziun e da la vendita datti er plazzas.
Pretensiuns e interess
- Imaginaziun tridimensiunala
- Chapientscha tecnica
- Dun per cifras
- Talent da dissegnar
- Moda da lavurar sistematica
- Moda da lavurar conscienziusa ed exacta
- Abilitad da lavurar en in team
- Abilitad da communitgar
- Planisar, construir, far dissegn tecnic
- Schliar incumbensas tecnicas
- Lavurar en moda exacta
- Lavurar cun cifras
- Planisar, organisar
Scolaziun
Furmaziun pratica en in manaschi per installaziuns sanitaras u en in biro d'inschigneria per tecnica d'edifizis: 4 dis per emna ed almain 3 mais praticum en il magasin, en il lavuratori e sin il plazzal
1 di per emna en las scolas professiunalas spezialisadas chantunalas, cumplementà tras ils curs da bloc
En plirs chantuns: 32 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Planisader / Planisadra da tecnica d'edifizis sanitars AFQ
Furmaziun cuntinuonta
Curs
Curs da l'associaziun suissetec
Emprendissadi supplementar
Sco planisadra u planisader da tecnica d'edifizis sanitars AFQ pos ti per regla far in emprendissadi scursanì da planisadra u planisader da tecnica d'edifizis da stgaudament AFQ u da planisadra u planisader da tecnica d'edifizis da ventilaziun AFQ.
Examen professiunal (EP)
- Manader / Manadra da project en la tecnica d'edifizis EP
- Schefmontader sanitar / Schefmontadra sanitara EP
Examen professiunal superiur (EPS)
- Planisader sanitar / Planisadra sanitara EPS
- Maister sanitar / Maistra sanitara EPS
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
