![[object Object],[object Object]](https://media.sdbb.ch/transform/9545503f-e069-4bf1-8006-acf6443e103a/instal_sanitaire_LS_076-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
4. onn d’emprendissadi: CHF 1600.–
Sco installatura sanitara u installatur sanitar planiseschas e monteschas ti conducts d'aua da baiver e da gas natiral sco er bischens d'aua persa en connex cun edifizis novs e renovaziuns. Ti collias indrizs sanitars sco lavabos, bogneras u tualettas. Ultra da quai fas ti lavurs da mantegniment, reparaturas e sanaziuns.
Incumbensas
- studegiar ils plans da construcziun e prender encunter ils giavischs da la clientella
- dissegnar plans d'installaziun e calcular las mesiras
- calcular la quantitad da las parts necessarias e fixar termins
- far plans per la montascha dals sistems
- transportar e deponer material sin il plazzal e segirar tal planisar ils pass da lavur exacts en il lavuratori e sin il plazzal
- fabritgar e montar conducts per aua da baiver, gas u aua persa tenor il plan: tagliar bischens, montar colliaziuns e sturschidas e metter ensemen tocs
- montar, adattar e fixar conducts da bischens en paraids, palantschieus u palantschieus sura tenor ils plans e las prescripziuns
- colliar las armaturas cun ils conducts e colliar ils indrizs cun la rait publica
- controllar, sche tut è ermetic e documentar ils resultats
- isolar ils conducts
- metter en funcziun indrizs, giustar e controllar la pressiun
- installar differents indrizs sanitars sco tualettas, bogneras e lavabos
- colliar maschinas sco boilers e maschinas da lavar
- montar armaturas ed accessoris, p.ex. fixaziuns per vaider e stangas da duscha, e metter colliaziuns
- installar indrizs solars u sistems da ventilaziun da tualetta tenor l'instrucziun dals furniturs
- laschar controllar las colliaziuns da persunas spezialisadas d'electricitad
- far la controlla finala e scriver rapports
- demontar, adattar u remplazzar conducts
- chattar ed eliminar foras, eliminar stuppadas e stgaltschinar boilers
- barattar apparats sanitars donnegiads, spinas, stuppadiras e filters
- far lavurs da mantegniment tar la clientella
- demontar, ordinar materials ed als dismetter en moda ecologica
- tegnair en urden urdains e maschinas
Ambient da lavur
Sco installatura sanitara u installatur sanitar lavuras ti en pitschens teams e tant en il lavuratori sco er sin il plazzal, nua ch'i po mintgatant esser dad aut. Ils temps da lavur èn regulars. En cas d'urgenza stos ti però mintgatant lavurar ordaifer ils temps da lavur per reparar svelt ils donns en la rait d'aua. A la lavur portas ti ina chapellina, guants, chalzers da segirezza, protecziun d'udida ed egliers da protecziun.
Ti lavuras en manaschis d'installaziun sanitara ubain en manaschis sanitars e da stgaudament ubain en manaschis sanitars e da stagnaria. Cun dapli experientscha pos ti surpigliar posiziuns da responsabladad, p.ex. sco manadra da team u manader da plazzal. In pèr dad els lavuran er en moda independenta u mainan filialas d'interpresas grondas.
Pretensiuns e interess
- Inschign manual
- Chapientscha tecnica
- Dun per cifras
- Imaginaziun tridimensiunala
- Resistenza corporala
- Abilitad da lavurar en in team
- Moda da lavurar sistematica
- Prontezza d'esser savens sin viadi
- Lavurar cun ils mauns
- Elavurar metal
- Schliar incumbensas tecnicas
Scolaziun
Furmaziun pratica en in manaschi sanitar u en in manaschi maschadà da stgaudament, ventilaziun e sanitar: 4 dis per emna
1 di per emna en las scolas professiunalas spezialisadas chantunalas
En plirs chantuns: 49 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Installatur sanitar / Installatura sanitara AFQ
Furmaziun cuntinuonta
Curs
Purschidas da l'associaziun suissetec
Emprendissadi supplementar
Sco installatura sanitara u installatur sanitar AFP pos ti per regla far in emprendissadi scursanì da stagner / stagnera AFQ.
Examen professiunal (EP)
- Schefmontader sanitar / Schefmontadra sanitara EP
Examen professiunal superiur (EPS)
- Maister sanitar / Maistra sanitara EPS
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis / energia
Tut tenor la scola auta spezialisada valan differentas cundiziuns d'admissiun.
Professiuns sumegliantas
