Tecnolog da drenascha AFQ
Tecnologa da drenascha AFQ
![[object Object],[object Object]](https://media.sdbb.ch/transform/5c04bf66-bf98-4a33-9576-ddccceb1188c/Entwtechloge-LS-120-JPG?io=transform:fill,width:740,height:490)
1. onn d’emprendissadi: CHF 750.–
2. onn d’emprendissadi: CHF 1000.–
3. onn d’emprendissadi: CHF 1500.–
Sco tecnologa u tecnolog da drenascha nettegias e svidas ti stabiliments per allontanar aua, sco p.ex. conducts d'aua persa u d'aua da plievgia e foss. Cun cameras controlleschas ti ils stabiliments, registreschas donns vi d'elements da construcziun u vi da conducts e reparas quels.
Incumbensas
- leger e chapir las incumbensas
- far calculaziuns, p.ex. dal volumen dals stabiliments per allontanar aua
- far plans e skizzas, p.ex. davart conducts da bischens
- planisar ils andaments da lavur ensemen cun ils incumbensaders, p.ex. cun vischnancas, interpresas u persunas privatas
- preparar il material ed ils vehichels
- scriver rapports d'in di e d'ina emna
- nettegiar ovras da construcziun, conducts e deflussiuns d'aua, p.ex. cun uders u squittas
- pumpar giu e dismetter correctamain restanzas, p.ex. da meds da nettegiament, d'aua persa u d'aua smerdada
- tegnair en urden ils stabiliments da deflussiun d'aua
- analisar stabiliments da deflussiun d'aua cun urdains adattads u roboters, p.ex. cun cameras teleguidadas
- enconuscher singularitads e parts ruttas, p.ex. irregularitads en la deflussiun da l'aua
- scriver rapports da controlla
- reparar e sanar stabiliments da la deflussiun d'aua, p.ex. fresar u spategliar ils stabiliments
- proponer las sanaziuns necessarias
- controllar e mantegnair ils vehichels ed ils apparats
- stimar las ristgas da las incumbensas da lavur, p.ex. privel d'inundaziuns u perdita da material privlus
- prender mesiras a favur da la protecziun da la sanadad, p.ex. evitar blessuras u infecziuns
- proteger l'ambient e las auas e dismetter correctamain substanzas privlusas
Ambient da lavur
Sco tecnologa u tecnolog da drenascha lavuras ti tar persunas privatas u vi d'infrastructuras publicas. Ti lavuras quasi adina en pitschens teams. Ti fas servetsch da pichet ed has mintgatant servetsch durant la fin d'emna e durant la notg. Ti lavuras tant endadens sco er en il liber. Ti lavuras sut terra ed en locals stretgs. Durant tia lavur portas ti savens vestgadira da protecziun per ta proteger cunter substanzas nuschaivlas.
Ti lavuras en manaschis pitschens e mesauns che nettegian u saneschan conducts da bischens. Er tar ils uffizis da construcziun da vias u tar las sereneras datti plazzas.
Pretensiuns e interess
- Chapientscha tecnica
- Abilitad da lavurar en in team
- Imaginaziun tridimensiunala
- Resistenza corporala
- Savair supportar odurs dischagreablas
- Resistenza a la temperatura u a l'aura
- Prontezza d'esser savens sin viadi
- Prontezza da lavurar durant uras irregularas u servetschs da notg
- Lavurar en il liber
- Esser corporalmain activ
- Esser savens sin viadi
- Lavurar en il team
- Lavurar cun maschinas
Scolaziun
Furmaziun pratica en in manaschi dal mantegniment da chanals, da l'inspecziun da chanals u da la sanaziun da chanals: 4 dis per emna
1 di per emna al Center da furmaziun artisanal-industrial Zug (GIBZ)
Opfikon (ZH) u Flums (SG): 12 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Tecnolog / Tecnologa da drenascha AFQ
Furmaziun cuntinuonta
Curs
Curs da l'Associaziun per la furmaziun da la branscha da mantegniment da las chanalisaziuns (ADVK)
Examen professiunal (EP)
- Spezialist / Spezialista da serenera EP
Scola spezialisada superiura (SSS)
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
