Constructura da ventilaziuns AFQ
Constructur da ventilaziuns AFQ
Correspunda questa professiun a mai?![[object Object],[object Object]](https://media.sdbb.ch/transform/bf92aa6d-6f58-49d7-8b86-ab5fd569989d/lueftungsanlagebauerin_s_b_4006?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
Sco constructura u constructur da ventilaziuns produceschas e monteschas ti elements d'indrizs da ventilaziun e da climatisaziun. En il lavuratori produceschas ti elements da construcziun sco sistems da conducts da ventilaziun. Sin il plazzal termineschas ed installeschas ti ils indrizs da ventilaziun. Ti fas er lavurs da reparatura e da demontascha.
Incumbensas
- leger dissegns per producir ils tocs
- stimar il material necessari e fixar ils termins da furniziun
- far skizzas sche necessari
- tscherner e tagliar ora tola tenor prescripziuns
- storscher atschal raffinà, atschal, aluminium u arom, en quest connex observar las prescripziuns da segirezza
- producir elements a maun u cun agid da maschinas, p.ex. chanals da ventilaziun, tocs da colliaziun, clappas da regulaziun u indrizs da protecziun cunter canera
- controllar, adattar e numerar ils tocs fabritgads
- fermar, struvegiar, buglir u saldar differentas parts
- controllar, sche tut è ermetic e sche la qualitad constat
- pachetar tocs per magasinar u per transportar
- studegiar plans da montascha e stimar la lavur
- dissegnar skizzas d'installaziun, marcar la posiziun da las singulas parts sco er laschar furnir ils apparats al lieu giavischà
- montar, installar e fixar ils sistems da bischens da ventilaziun tenor las instrucziuns
- montar armaturas e giatters d'aria mintgatant en grondas autezzas, terminar l'installaziun e controllar ella ensemen cun la direcziun dal project
- colliar apparats regulars, da controlla e d'alarm
- testar l'augment da la pressiun, identifitgar ed eliminar foras
- metter en funcziun l'indriz ed adattar la regulaziun electrica, per ch'ils moviments da l'aria procurian per in clima dal local agreabel
- etichettar l'indriz per lavurs da mantegniment posteriuras
- declerar a las utilisadras ed als utilisaders la moda da funcziun da l'indriz
- demontar indrizs existents cun agid da maschinas e d'utensils spezials
- adattar ils indrizs als novs basegns u standards
- scriver rapports da lavur
- tegnair en urden e reparar utensils e maschinas
- reciclar u dismetter correctamain il rument
Ambient da lavur
Sco constructura u constructur da ventilaziuns lavuras ti tut tenor il sectur professiunal en il lavuratori u sin il plazzal. En quest connex poi per part esser dad aut. Ti lavuras cun elements da construcziun bloccants e mintgatant grevs. Per quest intent dovras ti meds auxiliars da transport. Tes temps da lavur èn savens regulars. Ti portas in equipament da protecziun cun chapellina, protecziun da l'udida, egliers e guants.
Ti lavuras en manaschis che produceschan u monteschan elements da construcziun u indrizs da ventilaziun. En quest connex sa tracti per gronda part d'interpresas pitschnas e mesaunas. Suenter intgins onns experientscha professiunala pos ti manar teams e surpigliar p.ex. la direcziun da la montascha u la direcziun dal plazzal.
Pretensiuns e interess
- Inschign manual
- Chapientscha tecnica
- Dun per cifras
- Imaginaziun tridimensiunala
- Resistenza corporala
- Moda da lavurar sistematica
- Prontezza d'esser savens sin viadi
- Abilitad da lavurar en in team
- Elavurar metal
- Lavurar cun ils mauns
- Schliar incumbensas tecnicas
Scolaziun
Furmaziun pratica en in manaschi da tecnica da ventilaziun e da clima: 4 dis per emna
1 di per emna en las scolas professiunalas spezialisadas chantunalas
En plirs chantuns: 32 dis durant 3 onns
3 onns
- Producziun
- Montascha
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Constructur / Constructura da ventilaziuns AFQ cun indicaziun dal sectur professiunal
Furmaziun cuntinuonta
Curs
Curs da l'associaziun suissetec
Examen professiunal (EP)
- Schefmontader / Schefmontadra ventilaziun EP
- Spezialist / Spezialista ventilaziun da confort EP
- Manader / Manadra da project en la tecnica d'edifizis EP
- Cussegliader energetic / Cussegliadra energetica d'edifizis EP
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis / energia
Tut tenor la scola auta spezialisada valan differentas cundiziuns d'admissiun.
Professiuns sumegliantas
