Planisader da tecnica d’edifizis da ventilaziun AFQ
Planisadra da tecnica d’edifizis da ventilaziun AFQ
Correspunda questa professiun a mai?![[object Object],[object Object]](https://media.sdbb.ch/transform/1274f281-ec0a-47c1-b206-e68dd066e4f8/gebaeudetechnikplaerin_s_s_2381-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
4. onn d’emprendissadi: CHF 1600.–
Sco planisadra u planisader da tecnica d'edifizis da ventilaziun planiseschas ti indrizs da ventilaziun e da climatisaziun. Ti creeschas ils plans, dissegnas ils indrizs al computer e calculeschas lur prestaziun. Sin il plazzal controlleschas ti, che la montascha vegnia fatga tenor ils plans elavurads.
Incumbensas
- planisar projects per indrizs da ventilaziun e da climatisaziun ensemen cun architects, inschigneras e patruns da construcziun e documentar las pretensiuns
- calcular quant fitg che las localitads duain vegnir ventiladas dadas aria e climatisadas e determinar, nua che l'aria entra e sorta en ils edifizis
- tscherner elements da construcziun adattads, p.ex. ventilaturs, filters d'aria e material per la protecziun cunter canera
- sviluppar indrizs da ventilaziun spezials, p.ex. per cuschinas grondas u bogns cuverts
- calcular il consum d'energia, il material necessari ed ils custs totals
- infurmar autras persunas spezialisadas davart ils plans, p.ex. per ch'ellas ed els possian montar la protecziun cunter canera e cunter incendis
- fixar la lunghezza ed il diameter dals conducts, far attenziun al pais da l'indriz, a la canera ed a la protecziun cunter incendis
- far plans e models digitals cun la software CAD
- far dissegns per la documentaziun ed ulteriuras lavurs da planisaziun
- dissegnar plans per producir e per montar ils indrizs
- far glistas da material ed empustaziuns
- garantir ch'ils termins vegnian observads
- metter en funcziun ils indrizs e guardar, sch'els funcziunan
- elavurar instrucziuns da manaschi per ils indrizs
- observar las prescripziuns da sanadad e da segirezza
Ambient da lavur
Sco planisadra u planisader da tecnica d'edifizis da ventilaziun lavuras ti per il solit en in biro al computer. Sin plazzals stas ti en contact direct cun las constructuras ed ils constructurs da ventilaziuns. Tes temps da lavur èn regulars.
Suenter intgins onns experientscha professiunala e cun las qualificaziuns correspundentas pos ti ascender en posiziuns da gronda responsabladad, p.ex. sco manadra da team u sco mainagestiun d'ina interpresa. En il sectur da la cussegliaziun e da la vendita datti er plazzas.
Pretensiuns e interess
- Imaginaziun tridimensiunala
- Chapientscha tecnica
- Dun per cifras
- Talent da dissegnar
- Moda da lavurar sistematica
- Moda da lavurar conscienziusa ed exacta
- Abilitad da lavurar en in team
- Abilitad da communitgar
- Planisar, construir, far dissegn tecnic
- Schliar incumbensas tecnicas
- Lavurar en moda exacta
- Lavurar cun cifras
- Planisar, organisar
Scolaziun
Furmaziun pratica en in manaschi per installaziuns da ventilaziun u en in biro d'inschigneria per tecnica d'edifizis: 4 dis per emna ed almain 3 mais praticum en il magasin, en il lavuratori e sin il plazzal
1 di per emna en las scolas professiunalas spezialisadas chantunalas, cumplementà tras ils curs da bloc
En plirs chantuns: 32 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Planisader / Planisadra da tecnica d'edifizis da ventilaziun AFQ
Furmaziun cuntinuonta
Curs
Curs da l'associaziun suissetec
Emprendissadi supplementar
Sco planisadra u planisader da tecnica d'edifizis da ventilaziun AFQ pos ti per regla far in emprendissadi scursanì da planisadra u planisader da tecnica d'edifizis da stgaudament AFQ u da planisadra u planisader da tecnica d'edifizis sanitars AFQ.
Examen professiunal (EP)
- Manader / Manadra da project en la tecnica d'edifizis EP
- Cussegliader energetic / Cussegliadra energetica d'edifizis EP
- Schefmontader / Schefmontadra ventilaziun EP
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
