![[object Object],[object Object]](https://media.sdbb.ch/transform/0444a11b-8c18-48b6-9e37-8f139470f224/gleisbauerin_m_h_3511-jpg?io=transform:fill,width:740,height:490)
1. onn d’emprendissadi: CHF 900–1100.–
2. onn d’emprendissadi: CHF 1000–1400.–
3. onn d’emprendissadi: CHF 1200–1700.–
Montadras e montaders da binaris AFQ èn responsabels per la construcziun ed il mantegniment dals binaris. Els procuran che la rait da viafier saja excellenta e segira. Sper la lavur da la montascha dals binaris exequeschan els era lavurs da reparatura e tgiran il conturn dals binaris.
Incumbensas
- leger e chapir plans
- far la planisaziun da la lavur e dal material
- preparar il plazzal, metter a disposiziun e deponer material, vehichels e maschinas
- giuditgar ils privel, installar barricadas, metter si tavlas ed interprender ulteriuras mesiras da segirezza, endrizzar l'illuminaziun per las lavurs da notg
- preparar las lavurs da fundament cun exchavaturs ed autras maschinas da construcziun, chavar material, nivellar malgulivezzas, segirar scarpas
- tschentar bischens da drenascha e lingias industrialas e betunar ils fundaments
- stgargiar il material per la construcziun dals binaris ed al reparter
- enconuscher e savair far diever dals guaffens e da las maschinas
- derscher la glera (crappa angulara) sin il fundament e tschentar las traversas sisura
- montar ils binaris e las stgomias cun la tschaghegna, als enchastrar cun auta precisiun ed als buglir
- enconuscher e resguardar las prescripziuns da segirezza
- dismetter il rument adattà a l'ambient u al reciclar
- far controllas dal traject e da las stgomias, eruir il stadi dals binaris, rimnar datas cun instruments da mesirar e determinar tge binaris che ston vegnir reparads
- demontar e remplazzar material defect, emplenir chavas e reparter glera nua ch'i fa basegn
- tgirar il conturn dals binaris, tagliar plantas e chaglias, zerclar las scarpas sper ils binaris
- nettegiar las paraids e las vias dals peduns sper ils indrizs dil tren
- nettegiar e mantegnair las maschinas ed ils guaffens
Ambient da lavur
Montaders e montadras da binaris lavuran per viafiers publicas u privatas sco er en manaschis da la construcziun da vias da traffic. Els lavuran en in team ed èn da tutta aura giuadora. Ils temps da lavur èn irregulars. Savens vegn lavurà la notg. Plazzas d’emprendissadi porschan cunzunt las viafiers, per part era manaschis da la montascha da binaris. Glieud professiunala qualifitgada è fitg tschertgada.
Pretensiuns e interess
- Inschign manual
- Abilitad da lavurar en in team
- Dun per cifras
- Prontezza da lavurar durant uras irregularas u servetschs da notg
- Prontezza d'esser savens sin viadi
- Resistenza corporala
- Gronda toleranza da canera
- Resistenza a la temperatura u a l'aura
- Lavurar en il liber
- Lavurar cun ils mauns
- Esser corporalmain activ
- Lavurar en il team
- Lavurar cun maschinas
Scolaziun
En in manaschi da la montascha da binaris u tar viafiers publicas u privatas
Curs en bloc a la scola professiunala da constructurs da vias da traffic a Sursee: per ordinari 9 emnas ad onn, da quellas radund 2 emnas ad onn cun l’accent “montascha da binaris”
Emprender ed exercitar las basas professiunalas en la pratica
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Montader / Montadra da binaris AFQ
Furmaziun cuntinuonta
Curs
Purschidas da scolas professiunalas e scolas spezialisadas, dal center da furmaziun Campus Sursee sco era da curs entaifer il manaschi da la montascha da binaris
Furmaziun da basa scursanida
Sondader / sondadra AFQ, tschentapalantschieus industrial e da basa AFQ, sulader / suladra AFQ, construider / construidra da vias AFQ
Examen professiunal (EP)
Montader da binaris-polier / montadra da binaris-poliera cun certificat federal
Examen professiunal superiur (EPS)
Manader da construcziun dipl.; maistra constructura
Scola spezialisada superiura (SSS)
Cun diplom SSS: tecnicist / tecnicista surveglianza da construcziun, tecnicist / tecnicista planisaziun da construcziun
Scola auta spezialisada (SAS)
Bachelor of Science (SAS) inschigneria da construcziun. Tut tenor scola auta spezialisada valan differentas cundiziuns d'admissiun.
Professiuns sumegliantas
