Mecatronista da pendicularas AFQ
Mecatronist da pendicularas AFQ
Correspunda questa professiun a mai?![[object Object],[object Object]](https://media.sdbb.ch/transform/a71e2b97-d1ea-43e9-8197-11e4f7b5a577/SBM-KH-121-jpg?io=transform:fill,width:740,height:490)
1. onn d’emprendissadi: CHF 450–750.–
2. onn d’emprendissadi: CHF 550–1000.–
3. onn d’emprendissadi: CHF 700–1250.–
4. onn d’emprendissadi: CHF 900–1450.–
Mecatronistas e mecatronists da pendicularas procuran per in manaschi segir e senza disturbis da funicularas, runals, pendicularas, telecabinas e sutgeras. Els mantegnan ils locals e las maschinas e controlleschan las prescripziuns da segirezza dals implants da pendiculara. Els controlleschan e reparan elements electrics e mecanics. Il contact cun ils giasts è fitg impurtant.
Incumbensas
- planisar cura e nua ch'ins sto dar grass a tge cumponentas e nua ch'ins sto duvrar antischeladers e products anticorrusivs
- mantegnair ils implants ed ils indrizs dal manaschi, p.ex. sugas, rollas, tracziuns, frains e regulaziuns
- fabritgar tocs da reserva, p.ex. cun agid da stgalpers, furaders, plumins e crennadiras, d'apparats da buglir, tagliurns u smerigliadras
- controllar las cumponentas electricas ed electronicas cun agid d'instruments da mesiraziun
- prender mesiras, sch'i dat disturbis ed eliminar pitschens sbagls
- emplenir glistas da controlla per pudair far rapports
- observar las prescripziuns da segirezza, p.ex. per cumbatter incendis u en cas da privel da lavinas
- chapir la previsiun da l'aura ed il rapport da lavinas e vesair eventuals privels
- prestar agid e participar ad acziuns da salvament
- garantir il provediment d'electricitad ed en cas d'in disturbi en la rait electrica prender las mesiras necessarias
- far tests, sch'ils indrizs da segirezza, da telecumond e d'alarm funcziunan
- en cas da privel serrar giu il manaschi da pendiculara
- prender en funcziun ils implants da pendiculara e l'equipament da staziun
- manischar correctamain ils apparats
- survegliar las cumponentas mecanicas ed electricas, p.ex. l'illuminaziun, las sugas, las maschinas u las regulaziuns
- infurmar ils giasts davart las purschidas da l'interpresa
- respunder dumondas, far empustaziuns e controllar furniziuns
- elavurar brevs ed e-mails
- far rendaquints
- rediger rapports d'accidents ed annunzias da donns e transferir quels als posts cumpetents
Ambient da lavur
Mecatronistas e mecatronists da pendicularas lavuran en implants turistics sin las muntognas, en interpresas da pendiculara, dentant er en manaschis industrials cun pendicularas per transportar rauba e/u persunas. Lur temps da lavur èn regulars. Durant las fins d'emna e durant las vacanzas da scola èsi pussaivel ch'i resultian dis da lavur pli lungs. Els lavuran savens en il liber er cun plievgia, naiv u chalira.
Grazia a lur scolaziun variada han mecatronistas e mecatronists da pendicularas bunas schanzas sin il martgà da lavur. Els pon absolver furmaziuns supplementaras en ils secturs da la tecnica u da l'administraziun.
Pretensiuns e interess
- Senza sturnizi
- Moda da lavurar independenta
- Plain fantasia e savair sa gidar
- Moda da lavurar sistematica
- Inschign manual
- Chapientscha tecnica
- Resistenza a la temperatura u a l'aura
- Resistenza corporala
- Senn per l'ospitalitad
- Schliar incumbensas tecnicas
- Avair contact cun persunas
- Lavurar cun maschinas
Scolaziun
En ina interpresa da la branscha da pendicularas u en in manaschi da pendiculara per transportar rauba e/u persunas
En il Center da furmaziun da Pendicularas Svizra, Meiringen, en furma da curs da bloc
Emprender la lavur pratica, approfundar ed exercitar las basas professiunalas, 60 dis durant 4 onns.
4 onns
Terminà la scola obligatorica
En cas da fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Mecatronist / Mecatronista da pendicularas AFQ
Furmaziun cuntinuonta
Curs
Purschida da Pendicularas Svizra sco er da scolas spezialisadas
Examen professiunal (EP)
Cun certificat professiunal federal:
- Spezialist / Spezialista da pendicularas
- Spezialist / Spezialista en servetsch da pistas e da salvament
- Spezialist / Spezialista da mantegniment euv.
Examen professiunal superiur (EPS)
P.ex. manader / manadra dipl. da mantegniment
Scola spezialisada superiura (SSS)
P.ex. tecnicist / tecnicista dipl. SSS dad electrotecnica u tecnicist / tecnicista dipl. SSS da construcziun da maschinas
Scola auta spezialisada (SAS)
P.ex. bachelor of science (SAS) en tecnica da maschinas u en electrotecnica. Tut tenor la scola auta spezialisada valan differentas cundiziuns d'admissiun.
Professiuns sumegliantas
