Pendicularist AFP
Pendicularista AFP
![[object Object],[object Object]](https://media.sdbb.ch/transform/4a209b91-dd2c-4310-960e-cb0dd6021cdf/SBM-KH-120-jpg?io=transform:fill,width:740,height:490)
1. onn d’emprendissadi: CHF 450–730.–
2. onn d’emprendissadi: CHF 550–940.–
Pendicularistas e pendicularists han contact cun ils giasts dals manaschis da pendicularas, p.ex. funicularas, runals, pendicularas, telecabinas u sutgeras. Els lavuran a la cassa, vendan bigliets ed infurmeschan ils giasts. Els manischeschan er las pendicularas e coopereschan a las lavurs da mantegniment.
Incumbensas
- servir a la cassa u al spurtegl
- vender abunaments e bigliets
- respunder dumondas al spurtegl, per telefon u per e-mail
- dar infurmaziuns p.ex. davart ils pretschs, il manaschi, la regiun u las attracziuns
- liquidar lavurs da biro, p.ex. elavurar empustaziuns u scriver brevs da fatschenta
- lavurar al computer u a maun cun differents documents
- transmetter documents a la persuna responsabla u al post cumpetent
- beneventar giasts ed als gidar ad entrar e sortir da la cabina
- gidar a chargiar ed a stgargiar bagascha, skis, aissas u scarsolas
- manischar differents runals, p.ex. sutgera u runal
- charrar vehichels
- survegliar il manaschi dals implants, p.ex. illuminaziun, sugas u maschinas
- serrar giu l'implant en cas da privel
- chapir la previsiun da l'aura ed il rapport da lavinas e vesair eventuals privels
- controllar il stadi da l'equipament da salvament
- participar ad acziuns da salvament
- nettegiar ils locals da vendita, da giasts e da manaschi
- cooperar a differentas lavurs, p.ex. far simplas reparaturas u controllar implants
Ambient da lavur
Pendicularistas e pendicularists lavuran sut la surveglianza d'in manader tecnic. Els lavuran en regiuns turisticas tar pendicularas u en territoris da sport d'enviern. Els pon er lavurar en manaschis industrials cun pendicularas che transportan persunas u rauba. Lur temps da lavur èn regulars. Las fins d'emna e durant las vacanzas da scola ston els mintgatant lavurar pli ditg. Els lavuran savens en il liber er cun plievgia, naiv u chalira.
Pretensiuns e interess
- Inschign manual
- Chapientscha tecnica
- Resistenza a la temperatura u a l'aura
- Resistenza corporala
- Senn per l'ospitalitad
- Lavurar en moda exacta
- Schliar incumbensas tecnicas
- Avair contact cun persunas
- Lavurar cun maschinas
Scolaziun
En ina interpresa da la branscha da pendicularas u en in manaschi industrial cun pendicularas che transporta rauba e/u persunas.
En il Center da furmaziun da Pendicularas Svizra, Meiringen, en furma da curs da bloc dad in'emna.
Emprender la lavur pratica, approfundar ed exercitar las basas professiunalas, 30 dis durant 2 onns.
2 onns
Terminà la scola obligatorica
Pendicularist / Pendicularista AFP
Furmaziun cuntinuonta
Curs
Purschidas da Pendicularas Svizra e da scolas spezialisadas
Mecatronist / Mecatronista da pendicularas AFQ
Pendicularists / pendicularistas pon far ina furmaziun da basa scursanida sco mecatronist / mecatronista AFQ (access al 2. onn d'emprendissadi).
Silsuenter èsi pussaivel da far las medemas furmaziuns supplementara sco ils mecatronists / las mecatronistas da pendicularas AFQ.
Professiuns sumegliantas
