Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Tecnolog / Tecnologa da materias sinteticas AFQ

Tecnologs e tecnologas da materias sinteticas fabritgeschan products sintetics. Els planiseschan e controlleschan process da producziun, sviluppeschan applicaziuns ch’èn orientadas a la clientella e procuran per il mantegniment e la tgira da maschinas, indrizs ed utensils.

Lavurs

Tecnologs e tecnologas da materias sinteticas fabritgeschan differents products sco DCs, artitgels medicinals, snowboards, stgatlas da telefons u computers, termagls, apparats per la chasada, folias, emballadis, isolaziuns termicas, parts dad autos e maschinas, profils per fanestras, bischens euv. ord differentas materias primas.

Tut tenor il product utiliseschan tecnologs da materias sinteticas differents proceders da fabricaziun ed elavuraziun, cun ils quals las materias sinteticas vegnan smatgadas, pressegiadas ad injecziun, stritgadas, entruidas (messas n ina furma infinita), laminadas tar in bindel infinit ed elavuradas da maniera termica u mecanica. Per quels process da producziun han els a disposiziun maschinas basadas sin computer e vias da producziun.

Tecnologs da materias sinteticas calculeschan per mintga incumbensa la quantitad necessaria da la materia prima e da la materia auxiliara che definescha la colur e las caracteristicas. Lura endrizzan els implants da fabricaziun, installeschan guaffens ed apparats supplementars e programmeschan mesiras sco la temperatura, la pressiun u la durada da sfradentar. Durant la producziun controlleschan els la qualitad enfin che la structura da la surfatscha ed ulteriuras funcziuns èn irreproschablas e las sfessas d’aria n’existan betg pli. Sch’i fa da basegn prendan els mesiras per eliminar mancanzas u disturbis. Els optimeschan era products existents ed examineschan products novs. Els protocolleschan tut ils pass da lavur ed ils resultats conscienziusamain.

Tecnologs da materias sinteticas elavureschan era elements prefabritgads resp. furmas termicas. Els resgian, storschan, furan, fresan, defurman e buglian plattas, profils u bischens ord differentas materias sinteticas ed als monteschan tar utensils ed indrizs finids. L’occupaziun cun products da materias sinteticas, meds da fabricaziun custaivels, maschinas ed indrizs pretenda bunas enconuschientschas en la tecnica da fabricaziun mecanica ed ina moda la lavurar conscienziusa. Tecnologs da materias sinteticas tgiran e mantegnan las maschinas ed ils implants. Els lavuran cun temperaturas autas, pressiun auta e cun materia che po donnegiar l’ambient e la sanadad. Perquai ston els resguardar conscienziusamain las prescripziuns davart la segirezza da lavur e davart la protecziun da l’ambient e da la sanadad. Els dismettan, reutiliseschan u recicleschan las restanzas sinteticas a moda cumpetenta.

Scolaziun

Basa legala

Ordinaziun federala 5-12-2007

Durada

4 onns

Direcziuns

  • pressegiada ad injecziun
  • extrusiun
  • producziun da la furma da la surfatscha
  • producziun da tocs da colliaziun
  • tractament d’elements prefabritgads/ furmas termicas

Furmaziun en la pratica

En in manaschi da l’industria ch’elavurescha materia sintetica

Furmaziun en scola

A las scolas professiunalas Aarau u Rapperswil. Da l’emprim enfin il terz semester 2 dis, suenter 1 di per emna

Roms professiunals

  • tecnica da fabricaziun mecanica
  • enconuschientscha dal rom davart la producziun
  • meds da producziun
  • process anteriurs e posteriurs
  • garanzia da la qualitad
  • segirezza da lavur e protecziun da la sanadad
  • examinaziun d’elements da construcziun

Curs ordaifer il manaschi

Emprender ed exercitar la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "tecnolog / tecnologa da materias sinteticas AFQ"

Premissas

Furmaziun preliminara
  • scola populara terminada, stgalim da scola mesaun
  • bunas prestaziuns en ils roms ma-tematics ed ils roms da las scienzas natiralas
Pretensiuns
  • interess vi da maschinas ed enclegientscha tecnica
  • plaschair vi da l’installaziun e l’utilisaziun d’indrizs da fabricaziun
  • bun’imaginaziun spaziala
  • inschign manual
  • moda da lavurar exacta
  • autonomia
  • flexibilitad areguard il temp da lavur

Furmaziun supplementara

Curs

purschidas d’associaziuns professiunalas, da scolas spezialisadas e professiunalas

Examen professiunal (EP)

cun certificat professiunal federal: spezialist / spezialista da process, spezialist / spezialista d’automatica, commerziant tecnic / commerzianta tecnica

Examen professiunal superiur (EPS)

directur da producziun diplomà / directura da producziun diplomada en la tecnica da materias sinteticas

Scola spezialisada superiura (SSS)

tecnicist diplomà / tecnicista diplomada SSS direcziun construcziun da maschinas (approfundaziun en tecnica da materias sinteticas u tecnica da producziun), tecnicist diplomà / tecnicista diplomada SSS direcziun process d’interpresas (approfundaziun en tecnica da manaschi), tecnicist diplomà / tecnicista diplomada SSS direcziun tecnica da sistems (approfundaziun en mecatronica)

Scola auta spezialisada (SAS)

Bachelor of Science (SAS) en chemia, Bachelor of Science (SAS) en tecnica da maschinas, Bachelor of Science (SAS) en tecnica da sistems

Cundiziuns da lavur

Tecnologs da materias sinteticas lavuran en manaschis d’industria en differentas branschas, p.ex. en l’industria da materias sinteticas, chemia, construcziun da maschinas, electronica, uras, automobils, emballadis u urdains da sport.

Sco spezialists èn els dumandads sin il martgà da lavur. I dat dentant differenzas regiunalas. Ils implants da fabricaziun èn en funcziun da tuttas uras e pretendan perquai lavur en squadras.

Ulteriuras infurmaziuns

Swiss Plastics
Schachenallee 29 C
5000 Aarau
Tel: 062 834 00 60
URL: www.swiss-plastics.ch

Revista scientifica:
"kunststoffxtra"



berufsberatung.ch