Tecnologa da chemia e farmaceutica AFQ
Tecnolog da chemia e farmaceutica AFQ

Correspunda questa professiun a mai?
Chemie, Kunststoffe
Durada
3 onns
Terminaziun
Eidgenössisches Fähigkeitszeugnis EFZ
Recumandaziuns davart il salari

1. onn d’emprendissadi: CHF 750–850.–
2. onn d’emprendissadi: CHF 900–1050.–
3. onn d’emprendissadi: CHF 1200–1400.–

Sco tecnologa u tecnolog da chemia e farmaceutica utiliseschas ti indrizs automatics e dirigids dal computer. Uschia fas ti products chemics u medicaments. Ti lavuras er vi da metodas novas per crear products, p.ex. materias sinteticas, savuns, meds da nettegiar, products cosmetics, colurs u parfums.

Incumbensas

Preparar la producziun
  • planisar la producziun ed endrizzar indrizs
  • far attenziun ch'ils indrizs sajan effizients e che la qualitad constettia
  • instruir las collavuraturas ed ils collavuraturs en la producziun e lavurar cun autras persunas spezialisadas, p.ex. inschigneras da chemia e chemicists
  • garantir, ch'i sajan avant maun avunda materias primas
  • planisar ils singuls pass da la producziun
  • preparar ils documents per la producziun
Producir products e medicaments
  • duvrar indrizs per manizzar, mular, stgaudar u sfradentar materias primas
  • metter en funcziun ils indrizs
  • controllar ils indrizs, p.ex. reacturs, indrizs da destillaziun, setgentaders u sistems da vacum
  • observar reacziuns en il process chemic e franar l'indriz en cas da disturbis e da privels
  • observar las prescripziuns da segirezza e d'ambient
  • etichettar ils emballadis e magasinar correctamain ils products 
Controllar la qualitad
  • prender ed analisar provas da la producziun currenta
  • mesirar e nudar las valurs, p.ex. la temperatura, la pressiun u la deflussiun
  • controllar, sche tut è ermetic e n'ha nagins stgarps u donns
  • scriver ils resultats en rapports
  • proponer mesiras per evitar disturbis vi d'indrizs
Mantegnair ils indrizs
  • nettegiar e mantegnair indrizs, apparats ed instruments
  • far simplas reparaturas
  • dismetter u reciclar substanzas tenor prescripziuns
  • lavurar en il team vi d'indrizs d'experiments ed als testar 

Ambient da lavur

Sco tecnologa u tecnolog da chemia e farmaceutica lavuras ti en il team en labors. Durant la lavur portas ti in equipament da protecziun sco guants, egliers e scussal. I dat cleras prescripziuns da segirezza. En la gronda part da las interpresas lavuras ti en squadra, er las fins d'emna.

Ti lavuras en grondas interpresas internaziunalas u en manaschis pitschens e mesauns. Cunzunt en las regiuns Basilea e Vallais sa chattan bleras interpresas. Novs svilups pertutgan er energia netta ed in tractament spargnus d'energia e da material. Cun experientscha professiunala pos ti surpigliar funcziuns directivas en la segirezza e la qualitad u en teams.

Pretensiuns e interess

Pretensiuns
  • Abilitad da lavurar en in team
  • Prontezza da lavurar durant uras irregularas u servetschs da notg
  • Moda da lavurar sistematica
  • Moda da lavurar conscienziusa ed exacta
  • Dun d'observar
  • Interess e mirveglias
  • Inschign manual
  • Perseveranza e capacitad da tegnair la dira
  • Resistenza corporala
Interess
  • Lavurar en moda exacta
  • Schliar incumbensas tecnicas
  • Lavurar cun maschinas
  • Experimentar, perscrutar
  • Planisar, organisar

Furmaziun

La scolaziun vegn fatga sco emprendissadi en in manaschi.

Manaschis

Furmaziun pratica en l'industria chemica, agrochemica, biotecnologica, farmaceutica u cosmetica: 3 fin 4 dis per emna

Scola

1 fin 2 dis per emna en las scolas professiunalas spezialisadas chantunalas

Curs odaifer il manaschi

Muttenz (BL), Basilea (BS): 45 dis durant 3 onns

Durada

3 onns

Accents
  • Tecnologia da chemia 
  • Tecnologia da farmaceutica 
  • Biotecnologia
Cundiziuns d'admissiun
  • Terminà la scola obligatorica 
  • Intgins manaschis pretendan in test da qualificaziun  
Maturitad professiunala

Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.

Titel da finiziun

Tecnolog / Tecnologa da chemia e farmaceutica AFQ

Furmaziun cuntinuanta

Curs

Purschidas d'aprentas

Examen professiunal (EP)

  • Tecnicist / Tecnicista da chemia e farmaceutica EP
  • Spezialist / Spezialista da process EP

Examen professiunal superiur (EPS)

  • Manader / Manadra da chemia e farmaceutica EPS

Scola spezialisada superiura (SSS)

  • Tecnicist / Tecnicista da sistem SSS
  • Tecnicist / Tecnicista da medischina SSS

Scola auta spezialisada (SAS)

  • Bachelor of science en chemia

Tut tenor la scola auta spezialisada valan differentas cundiziuns d'admissiun.

Ulteriuras infurmaziuns