Practicista da chemia e farmaceutica AFP
Practicist da chemia e farmaceutica AFP
1. onn d’emprendissadi: CHF 650–750.–
2. onn d’emprendissadi: CHF 800–850.–
Recumandaziun da federaziuns professiunalas. Ils salaris pon esser differents tut tenor la regiun ed il manaschi d'emprendissadi. Infurmaziuns detagliadas sin salari en l'emprendissadi (DE).
Sco practicista u practicist da chemia e farmaceutica produceschas ti chemicalias e medicaments. Ti lavuras cun materias primas mintgatant privlusas. Ti utiliseschas apparats ed indrizs ed observas exactamain las instrucziuns da tes superiurs.
Incumbensas
- selecziunar las materias primas per la producziun e prender emprovas, p.ex. tscherner cun grond quità ils butschins cun ils products
- transportar products ed als magasinar en moda correcta
- retrair las materias primas or dals recipients e dals vaschs e preparar talas
- installar ils plazs da lavur, ils apparats ed ils indrizs per la producziun
- preparar ed installar tenor las prescripziuns da segirezza sistems da stgaudar e da sfradentar sco er sistems electrics per la producziun
- dismetter u reciclar endretg il material restant ed ils ruments
- emplenir las materias primas en ils apparats ed ils indrizs ed observar ils process
- realisar process tecnics, p.ex. stgaudar, sfradentar, maschadar, filtrar, springir e pachetar
- nudar tut las observaziuns durant la producziun, p.ex. la temperatura e la durada
- retrair a la fin tut ils products u las substanzas or dals apparats ed ils indrizs
- nettegiar e tgirar ils apparats, ils indrizs ed ils urdains pitschens, sco ils cups da mesirar ed ils pistuns
- tegnair nets ils plazs ed ils locals da lavur
- controllar – suenter il nettegiament – sch'ils indrizs ed ils apparats funcziunan
Ambient da lavur
Sco practicista u practicist da chemia e farmaceutica lavuras ti en ils labors. Ti portas in equipament da protecziun sco egliers, mascra, guants, scussal ed in chapitsch sur ils chavels. Ti stos observar strictamain las mesiras da segirezza. En quest sectur vegni producì di e notg. Perquai stos ti er lavurar las fins d'emna e la notg.
Ti lavuras en manaschis da producziun da l'industria chemica, agrochemica, biotecnologica, farmaceutica u cosmetica. Cunzunt en las regiuns da Basilea e dal Vallais datti bleras pussaivladads da lavurar en manaschis gronds. En autras regiuns datti interpresas pli pitschnas e mesaunas. Mo paucs manaschis prendan emprendistas ed emprendists.
Pretensiuns e interess
- Abilitad da lavurar en in team
- Prontezza da lavurar durant uras irregularas u servetschs da notg
- Moda da lavurar sistematica
- Resistenza corporala
- Moda da lavurar conscienziusa ed exacta
- Dun d'observar
- Perseveranza e capacitad da tegnair la dira
- Inschign manual
- Lavurar en moda exacta
- Schliar incumbensas tecnicas
- Lavurar cun maschinas
- Experimentar, perscrutar
- Planisar, organisar
Furmaziun
La scolaziun vegn fatga sco emprendissadi en in manaschi.
Furmaziun pratica en in manaschi da l'industria chemica, agrochemica, biotecnologica, farmaceutica u cosmetica: 4 dis per emna
1 di per emna en las scolas professiunalas spezialisadas chantunalas
Muttenz (BL), Basilea (BS): 24 dis durant 2 onns
2 onns
- Terminà la scola obligatorica
- Intgins manaschis pretendan in test da qualificaziun
Practicist / Practicista da chemia e farmaceutica AFP
Furmaziun cuntinuanta
Curs
Purschidas d'aprentas
Emprendissadi supplementar
Sco practicista u practicist da chemia e farmaceutica pos ti per regla far in emprendissadi scursanì da Tecnolog / Tecnologa da chemia e farmaceutica AFQ.
Ulteriuras infurmaziuns
0.540.20.0
- Scienceindustries
Wirtschaftsverband Chemie Pharma Life Sciences
- aprentas
Ausbildungsverbund für naturwissenschaftliche, technische und kaufmännische Grund- und Weiterbildung
- Schweizerischer Chemie- und Pharmaberufe Verband (SCV)
- Basa legala