Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Nobilisader / Nobilisadra d'uras e bischutaria AFQ

Nobilisadras e nobilisaders d'uras e bischutaria èn responsabels per la realisaziun d'elements d'uras e bischutaria. Cun differentas tecnicas elavuran els surfatschas dals tocs en elavuraziun, als orneschan e fabritgeschan utensils.

Lavurs

Nobilisadras e nobilisaders d'uras e bischutaria dattan a chaschas dad uras, bratschlets dad uras, tocca da bischutaria e products sumegliants lur cumparsa finala. Cun glimar e raffinar ils elements d'aur, da platin, d'argient e d'ulteriurs materials elimineschan els lieus malgulivs. Els fan traglischar ils elements u als dattan ina satinaziun smorta.

Lur incumbensas planiseschan ed elavuran nobilisaders d'uras e bischutaria a basa da dissegns tecnics. Per ordinari survegnan els dals incumbensaders in sboz cun tut las indicaziuns necessarias. Avant ch'els cumenzan cun la lavur al banc da lavur, elegian els las maschinas, las endrizzan e fixeschan ils tocs en elavuraziun. Cunquai ch'els lavuran savens cun fitg pitschnas materialias, prendan els sche necessari per agid ina marella u in microscop. Cun fresas u turns dirigì dal computer muneschan els ils tocs en elavuraziun cun profils.

Suenter gliman, puleschan e barschunan els ils tocs. Tut tenor material e structura da la surfatscha giavischada elegian nobilisaders d'uras e bischutaria il proceder adattà e dovran differentas rudellas da mular, pasta da pulir e tecnicas da smerigliar e mular. Els decoreschan ils elements da las uras e da la bischutaria era cun diamants u autras pedras preziusas. Suenter mintga pass da lavur controlleschan els ils elements cun apparats da mesira e da controlla pertutgant massa ed estetica. A la fin nettegian els ils elements conscienziusamain cun dissolvents, alcohol u aua da savun. Ultra da quai nettegian e mantegnan els tut ils apparats e las maschinas ch'els han utilisà.

Nobilisaders d'uras e bischutaria èn era responsabels per la producziun dals utensils ch'èn necessaris per lur lavur, per exempel zangas ed indrizs da francada. Sch'els dovran indrizs pli cumplexs, fan els skizzas e las dattan al micromecanist per exequir la lavur.

Durant tut ils pass da lavur resguardan nobilisaders d'uras e bischutaria che pedras preziusas, material organic ed ornaments na vegnian betg donnegiads. Cunquai ch'ils elements che vegnan elavurads èn savens fitg pitschens e ston constar sin in milliavel millimeter, ston els avair in maun ruassaivel e lavurar a moda precisa e cun pazienza.

Scolaziun

Basa legala

Ordinaziun federala 19-01-2018

Durada

3 onns

Accents da scolaziun

Haute Horlogerie; CNC

Furmaziun en la pratica

En in atelier da polier u en in manaschi da l'industria d'uras e bischutaria

Furmaziun en scola

1 di l'emna a la scola professiunala

Roms professiunals

  • organisaziun, preparaziun da la lavur, protecziun da l'ambient, sanadad e segirezza al lieu da lavur
  • preparaziun da surfatschas e tecnicas da l'elavuraziun manuala
  • realisaziun da l'elavuraziun da la surfatscha finala ed ornaments
  • producziun d'utensils ed indrizs da francada
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "nobilisader / nobilisadra d'uras e bischutaria AFQ"

Premissas

Furmaziun preliminara
  • scola populara terminada
Pretensiuns
  • persuna inschignaivla e mauns ruassaivels per lavurar a moda exacta
  • inschign manual
  • pazienza e perseveranza
  • abilitad da sa concentrar
  • pensar logic
  • enclegientscha tecnica
  • buns egls (era vesida curregida)
  • naginas allergias en contact cun metals
  • sentiment per nettezza
  • sentiment per bellezza

Furmaziun supplementara

Curs

purschidas da l'Associaziun svizra dals patruns da l'industria d'uras, da l'Associaziun svizra da las aurerias e las fatschentas spezialisadas d'uras VSGU, da scolas professiunalas e da scolas d'art spezialisadas

Examen professiunal (EP)

p.ex. spezialist / spezialista da process cun certificat professiunal federal

Examen professiunal superiur (EPS)

maister urer / maistra urera

Scola spezialisada superiura (SSS)

p.ex. tecnicist / tecnicista dipl. SSS construcziun da maschinas (approfundaziun en tecnica da producziun)

Scola auta spezialisada (SAS)

p.ex. Bachelor of Science (SAS) en microtecnica, Bachelor of Arts (SAS) en design da products e d'industria

Cundiziuns da lavur

Nobilisaders d'uras e bischutaria lavuran en manaschis da l'industria d'uras u da bischutaria.

Plazzas da lavur datti surtut en manaschis ch'èn sa spezialisads sin fabricaziun da chaschas d'uras. Quellas èn domiciliadas en l'industria d'uras en la regiun da l'artg dal Giura, tranter Genevra e Schaffusa.

Ulteriuras infurmaziuns

Associaziun svizra dals patruns da l'industria d'uras
Avenue Léopold-Robert 65
Chascha postala
2301 La Chaux-de-Fonds
Tel: 032 910 03 83
URL: www.cpih.ch

Revista professiunala:
www.goldor.ch



berufsberatung.ch