Spezialist per il mantegniment dal manaschi AFQ
Spezialista per il mantegniment dal manaschi AFQ
![[object Object],[object Object]](https://media.sdbb.ch/transform/d60c81ae-8a69-4bb3-aa30-1907f1a279b7/Operatore-edifici-JS-029-jpg?io=transform:fill,width:740,height:490)
1. onn d’emprendissadi: CHF 650–750.–
2. onn d’emprendissadi: CHF 850–950.–
3. onn d’emprendissadi: CHF 1100–1300.–
Sco spezialista u spezialist per il mantegniment dal manaschi mantegnas, controlleschas e nettegias ti edifizis e lur conturns. Ti surveglias la tecnica da chasa, fas reparaturas e mantegnas maschinas. Ultra da quai dismettas ti ruments e surpiglias incumbensas administrativas. Tut tenor l'accent tgiras e mantegnas ti surfatschas verdas, stabiliments da sport, vias da traffic u autras infrastructuras.
Incumbensas
- nettegiar e mantegnair differents geners d'edifizis
- nettegiar fanestras e palantschieus dals sulers, da lavandarias u da tualettas
- tractar cuvridas spezialas da palantschieu, cuvridas da lain, paraids e palantschieus sura
- controllar e mantegnair indrizs da la tecnica da chasa, p.ex. indrizs solars, sanitars, da stgaudament, da ventilaziun e da climatisaziun sco er serradiras ed apparats electrics
- reparar indrizs ed apparats ed eliminar disturbis
- mantegnair infrastructuras sco sendas e vias, p.ex. eliminar donns vi da la signalisaziun u vi dals vials
- reparar donns da la cuvrida vi da vias e sendas
- tgirar las auas sco er parcs e spazis verds
- rumir la naiv durant l'enviern, per che las vias ed ils access ad edifizis sajan libers
- tgirar las cuvridas dals indrizs da sport, p.ex. pastgets u pistas d'atletica leva
- survegliar la qualitad da l'aua en il bogn avert e sche necessari prender mesiras
- sustegnair persunas che surveglian il manaschi da bogn
- preparar surfatschas da glatsch, p.ex. per hockey sin glatsch u curling
- mantegnair e puspè demontar surfatschas da glatsch ed observar las prescripziuns da l'ambient
- en cas da basegn consultar persunas spezialisadas per schliar tscherts problems u per eliminar disturbis
- dismetter u reciclar ruments en moda ecologica
- planisar ils andaments da lavur e coordinar quels cun il team
- lavurar cun differents vehichels pitschens, urdains ed apparats, nettegiar e mantegnair quels
- controllar l'inventari dal material en il magasin ed en cas da basegn empustar suenter il material
Ambient da lavur
Sco spezialista u spezialist per il mantegniment dal manaschi lavuras ti per regla en pitschens teams. Cunquai che ti manevreschas maschinas e dovras mintgatant substanzas toxicas, portas ti per tschertas lavurs vestgadira da protecziun, chalzers da segirezza e protecziun da la bucca. Ti lavuras durant mintga stagiun e da tutt'aura al liber. Tes temps da lavur pon esser irregulars.
Ti chattas engaschaments en administraziuns communalas, lavuratoris, ospitals, scolas, stabiliments da sport, centers da tgira, chasas da dimora, baselgias, administraziuns d'immobiglias, firmas da nettegiament u manaschis gronds. Er en las administraziuns d'immobiglias u en firmas da nettegiament privatas datti engaschaments. Cun in pau experientscha pos ti organisar e survegliar las activitads da las collavuraturas e dals collavuraturs ch'èn suttamess a tai.
Pretensiuns e interess
- Moda da lavurar independenta
- Plain fantasia e savair sa gidar
- Prontezza da lavurar er sin dumonda
- Plaschair dal contact cun glieud
- Inschign manual
- Chapientscha tecnica
- Senn per igiena e per nettezza
- Resistenza corporala
- Lavurar en il liber
- Esser corporalmain activ
Scolaziun
En in manaschi grond, ina instituziun pli gronda, ina vischnanca, in uffizi da construcziun bassa u tar in purschider da lavurs da mantegniment dal manaschi: 4 dis per emna
1 di per emna en las scolas professiunalas spezialisadas chantunalas
En plirs chantuns: 25 fin 29 dis durant 3 onns
3 onns
- servetsch da chasa
- servetsch tecnic
- implants da sport
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista per il mantegniment dal manaschi AFQ
Furmaziun cuntinuonta
Curs
Purschidas da l'Associaziun svizra spezialisada Mantegniment dal manaschi (SFB)
Examen professiunal (EP)
- Pedel / Pedella EP
- Spezialist / Spezialista da mantegniment EP
- Polier / Poliera per il mantegniment da las vias EP
Examen professiunal superiur (EPS)
- Pedel / Pedella EPS
- Manader / Manadra da facility management e maintenance EPS
Scola spezialisada superiura (SSS)
- mainagestiun dipl. en facility management SSS
Scola auta spezialisada (SAS)
- Bachelor of science en inschigneria da construcziun
- Bachelor of science en facility management
Tut tenor la scola auta spezialisada valan differentas cundiziuns d'admissiun.
Professiuns sumegliantas
