Spezialista da tecnica da nettegiament AFQ
Spezialist da tecnica da nettegiament AFQ
Correspunda questa professiun a mai?![[object Object],[object Object]](https://media.sdbb.ch/transform/2cd77769-20c5-4ee7-bec9-37cf624ee786/09_Fachfrau-Reinigungstechnik_LV-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1245.–
3. onn d’emprendissadi: CHF 1660.–
Sco spezialista u spezialist da tecnica da nettegiament nettegias ti biros, abitaziuns, scolas, ospitals ed auters edifizis. Er nettegiar meds da transport sco bus, trens u bartgas sco er mobiglias ed endrizzaments tutgan tar tias incumbensas. Ti protegias las paraids ed ils palantschieus cun als dar si tschaira u ieli.
Incumbensas
- guardar las incumbensas da la clientella e valitar ils custs
- planisar ils agens engaschaments da lavur e quels dal team
- fixar il termin, al qual i vegn nettegià
- definir, tge metodas e products da nettegiament che ston vegnir duvrads, p.ex. products adequats per palantschieus da lain u vaider
- preparar ils apparats, las maschinas sco er il material da nettegiament
- montar puntanadas, auzaders u plattafurmas per nettegiar meglier tscherts lieus e per observar las mesiras da segirezza
- duvrar correctamain las metodas ed ils apparats da nettegiament per schubregiar palantschieus, paraids, tualettas, duschas, fanestras u fatschadas
- spulvrar, scuar, far cun il tschitschapulvra e tgirar, p.ex. en abitaziuns, mobiglias e biros
- schampunar u nettegiar tarpuns a sitg
- nettegiar cun maschinas fatschadas, fanestras e palantschieus, p.ex. cun nettegiaders a pressiun auta u cun apparats per nettegiar las fanestras
- tractar correctamain ils palantschieus e las paraids, p.ex. surtrair, dar si tschaira, ieli u sigillar
- remplazzar parts isadas e material da diever, p.ex. sdratschs u tschitschs da tschitschapulvra
- controllar, che las lavurs sajan vegnidas fatgas en moda correcta
- surdar ils edifizis u ils meds da transport nettegiads a la clientella
- mantegnair las maschinas ed ils apparats sco er far pitschnas reparaturas
- controllar la quantitad da material e far empustaziuns
- dismetter ils ruments en moda correcta
Ambient da lavur
Sco spezialista u spezialist da tecnica da nettegiament lavuras ti suletta u sulet u en pitschens teams ed es savens en viadi. Per tschertas lavurs dovras ti chemicalias. Per quest motiv portas ti vestgadira da protecziun sco guants u ina mascra. Mintgatant lavuras ti la saira e la fin d'emna.
Ti lavuras en pitschnas interpresas da nettegiament, pos dentant er ta far independenta u independent e fundar in'atgna interpresa. Per quest intent èsi impurtant, che ti tgiras ils contacts cun la clientella e t'infurmeschas adina davart ils novs materials, products ed apparats. Persunas spezialisadas da la branscha da nettegiament bain scoladas èn dumandadas sin il martgà da lavur.
Pretensiuns e interess
- Senn per igiena e per nettezza
- Resistenza corporala
- Prontezza d'esser savens sin viadi
- Senza sturnizi
- Moda da lavurar independenta
- Abilitad da lavurar en in team
- Moda da lavurar svelta
- Esser corporalmain activ
- Lavurar en moda exacta
- Esser savens sin viadi
Scolaziun
Furmaziun pratica en ina interpresa da nettegiament: 4 dis per emna
1 di per emna en la scola professiunala spezialisada GIBS, Olten (SO)
Rickenbach (SO): 21 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista da tecnica da nettegiament AFQ
Furmaziun cuntinuonta
Curs
Purschidas da l'associaziun Allpura
Examen professiunal (EP)
- Manader / Manadra dal sectur tecnica da nettegiament EP
Examen professiunal superiur (EPS)
- Nettegiader / Nettegiadra d'edifizis EPS
- Manader / Manadra da facility management e maintenance EPS
Scola spezialisada superiura (SSS)
- Mainagestiun en facility management SSS
Scola auta spezialisada (SAS)
- Bachelor of science en facility management
Tut tenor la scola auta spezialisada valan differentas cundiziuns d'admissiun.
Professiuns sumegliantas
