Nobilisadra d'uras e bischutaria AFQ
Nobilisader d'uras e bischutaria AFQ
Correspunda questa professiun a mai?![[object Object],[object Object]](https://media.sdbb.ch/transform/2cc3ebc8-b4ee-4729-9f28-3d6ddc8c14cc/BE_13_Polisseur_LV-jpg?io=transform:fill,width:740,height:490)
1. onn d’emprendissadi: CHF 596–894.–
2. onn d’emprendissadi: CHF 894–1192.–
3. onn d’emprendissadi: CHF 1192–1490.–
4. onn d’emprendissadi: CHF 1490–1788.–
Nobilisadras e nobilisaders d'uras e bischutaria èn responsabels per la realisaziun d'elements d'uras e bischutaria. Cun differentas tecnicas elavuran els surfatschas dals tocs en elavuraziun e procuran ch'els vesian ora bain.
Incumbensas
- prender encunter giavischs da la clientella ed examinar sche l'incumbensa possia vegnir realisada
- examinar ils dissegns u ils giavischs e far in plan da lavur latiers
- preparar ils guaffens ed endrizzar las maschinas
- preparar ils tocs da las uras u da la bischutaria per la nobilisaziun, glimar davent las malgulivezzas ed eliminar las restanzas da la producziun, gulivar e nettegiar las surfatschas
- producir a maun simpla tocca tenor ils dissegns tecnics cun maschinas micromechanicas
- fabritgar tocca cumplexa cun agida maschinas da CNC
- producir sez guaffens spezials cun agid da maschinas
- mesirar, unscher e nettegiar la tocca
- applitgar differents proceder, per obtegnair ina tscherta cumparsa da la tocca da las uras e da la bischutaria
- elavurar la tocca cun guaffens da diamants e dar ad els ins satinaziun smorta u als pulir (far traglischar)
- controllar cun guaffens da mesirar schebain la tocca da las uras e da la bischutaria hajan la dretga grondezza e vesian ora uschè sco giavischà da la clientella
- nettegiar cun precauziun la tocca singula cun aua da savun, dissolvents ed alcohol
- mantegnair ils guaffens e las maschinas
- nettegiar il plaz da lavur, dismetter il rument adattà a l'ambient u al reciclar
- resguardar las mesirar da segirezza e da la protecziun da l'ambient al plaz da lavur
Ambient da lavur
Nobilisaders d'uras e bischutaria lavuran en manaschis da l'industria d'uras u da bischutaria.
Plazzas da lavur datti surtut en manaschis ch'èn sa spezialisads sin fabricaziun da chaschas d'uras. Quellas èn domiciliadas en l'industria d'uras en la regiun da l'artg dal Giura, tranter Genevra e Schaffusa.
Pretensiuns e interess
- Inschign manual
- Moda da lavurar conscienziusa ed exacta
- Buna vesida
- Moda da lavurar svelta
- Exactadad
- Perseveranza e capacitad da tegnair la dira
- Abilitad da sa concentrar
- Moda da lavurar independenta
- Lavurar en moda exacta
- Schliar incumbensas tecnicas
- Elavurar metal
- Lavurar endadens
Scolaziun
En in atelier da polier u en in manaschi da l'industria d'uras e bischutaria
1 di l'emna a la scola professiunala
Davart differents temas
3 onns
- CNC
- Haute Horlogerie
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Nobilisader / Nobilisadra d'uras e bischutaria AFQ
Furmaziun cuntinuonta
Curs
Purschidas da l'Associaziun svizra dals patruns da l'industria d'uras, da l'Associaziun svizra da las aurerias e las fatschentas spezialisadas d'uras VSGU, da scolas professiunalas e da scolas d'art spezialisadas
Examen professiunal (EP)
P.ex. spezialist / spezialista da process cun certificat professiunal federal
Scola spezialisada superiura (SSS)
P.ex. tecnicist / tecnicista dipl. SSS construcziun da maschinas (approfundaziun en tecnica da producziun)
Scola auta spezialisada (SAS)
P.ex. Bachelor of Science (SAS) en microtecnica, Bachelor of Arts (SAS) en design da products e d'industria
Professiuns sumegliantas
