Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Construider / Construidra d’indrizs e d’apparats AFQ

Construiders e construidras d’indrizs e d’apparats fabritgeschan or da metal apparats, maschinas ed indrizs. Els produceschan ils tocs singuls ed als mettan ensemen tar cumponentas e gruppas da construcziun. Els mettan en funcziun ils indrizs ed als mantegnan.

Lavurs

En la domena da la construcziun d’implants e d’apparats vegnan fabritgads differents products sin basa da dissegns tecnics: chaschas da maschinas, stgaffas da metal, indrizs d’aria cundiziunada, sistems da bischens, tocca d’indrizs da producziun, tocca da construcziun per aviuns, chars da viafier, ascensurs euv.

Construiders e construidras d’indrizs e d’apparats s’occupeschan savens d’in product sin tut ils stgalims da la furmaziun, da la fasa da la projectaziun, fabricaziun e montascha finala fin al metter en funcziun dal product. En collavuraziun cun auters spezialists elavureschan els incumbensas e construeschan ils documents tecnics. Per ordinari surpiglian els era il mantegniment e la reparatura dals indrizs.

Il material da lavurar il pli impurtant per construiders d’indrizs e d’apparats è il metal. Els elavureschan tola, profils da metal e bischens tant cun guaffens tradiziunals sco era cun maschinas dirigidas dal computer, roboters da buglir ed indrizs da tagliar da laser. Per la montascha da la tocca singula dovran els tecnicas da colliaziun sco il struvegiar, rebatter, lutegiar ed il buglir.

Construiders d’indrizs e d’apparats ston elavurar la tocca minuziusamain per che la montascha funcziunia senza difficultads. Era la planisaziun exacta dal process da lavur è indispensabla. Tar tut quai garanteschan construiders d’indrizs e d’apparats che las prescripziuns davart la protecziun da las persunas, da las maschinas e da l’ambient èn resguardadas.

La plipart dal temp lavuran construiders d’indrizs e d’apparats en hallas da fabricaziun. La montascha finala fan els dentant savens ordaifer, al lieu definitiv da l’indriz. Per ordinari lavuran els en ina gruppa e stretgamain ensemen cun auters experts sco constructurs ed automatichers.

Scolaziun

Basa legala

Ordinaziun federala 5-11-2012

Durada

4 onns

Furmaziun en la pratica

En in manaschi da l’industria da maschinas e metal.
En ils dus emprims onns da furmaziun han lieu la furmaziun da basa e la furmaziun supplementara. La furmaziun davart almain in sectur d’occupaziun dal manaschi da furmaziun è purschida entaifer il 3. e 4. onn.

Furmaziun en scola

1-2 dis per emna a la scola professiunala

Roms professiunals

  • Basa tecnica (matematica, informatica, tecnica d’emprender e da lavurar, fisica, electrotecnica e tecnica da regulaziun, englais tecnic)
  • tecnica da materials e tecnica da fabricaziun
  • tecnica da dissegn e maschinas
  • instrucziun supplementara davart la tecnica da proceder
  • Curs ordaifer il manaschi

    Tar differents temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "construider/ construidra d’indrizs e d’apparats AFQ"

Premissas

Furmaziun preliminara
  • scola populara terminada
Pretensiuns
  • inschign artisanal
  • chapientscha da la pratica
  • capacitad d’imaginaziun spaziala
  • enclegientscha tecnica
  • naginas allergias cunter metals, grass u ielis
  • capacitad da lavurar en in team
  • autonomia

Furmaziun supplementara

Curs

purschidas da scolas professiunalas, da la Swissmem-Kaderschule e d’ulteriurs purschiders da furmaziun en la domena tecnica

Examen professiunal (EP)

p.ex. spezialist / spezialista da buglir cun certificat professiunal federal, spezialist / spezialista da process cun certificat professiunal federal, spezialist / spezialista da producziun cun certificat professiunal federal, spezialist / spezialista da mantegniment cun certificat professiunal federal

Examen professiunal superiur (EPS)

p.ex. maister / maistra d’industria, manader da mantegniment diplomà / manadra da mantegniment diplomada

Scola spezialisada superiura (SSS)

p.ex. tecnicist diplomà / tecnicista diplomada SSS construcziun da maschinas (profundaziun en tecnica da producziun), tecnicist diplomà / tecnicista diplomada SSS process d’interpresas (profundaziun en tecnica da manaschis)

Scola auta spezialisada (SAS)

p.ex. Bachelor of Science (SAS) en tecnica da maschinas, Bachelor of Science (SAS) en tecnica da sistems

Cundiziuns da lavur

Construiders d’indrizs e d’apparats lavuran dapertut nua che apparats e maschinas vegnan producids u manads: en la construcziun da maschinas e vehichels, en manaschis d’electricitad (fabricaziun da tavlas electricas), en la tecnica aviatica, en la chemia, en l’industria d’aliments euv.

La purschida da plazzas d’emprendissadi è fitg gronda per il mument e vegn a crescher previsiblamain.

Constructurs d’indrizs e d’apparats da professiun èn fitg dumandads sin il martgà da lavur.

Ulteriuras infurmaziuns

Swissmem Berufsbildung
Brühlbergstr. 4
8400 Winterthur
Tel: 052 260 55 00
URL: www.swissmem-berufsbildung.ch
URL: www.tecmania.ch

Revistas dal fatg professiunalas:
"Metall"



berufsberatung.ch