Installatur d'implants solars AFQ
Installatura d'implants solars AFQ
![[object Object],[object Object]](https://media.sdbb.ch/transform/f79144b6-f1ae-49e0-a9a7-ac826b108d07/015_Solarinstallateurin_EFZ_FM?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1200.–
3. onn d’emprendissadi: CHF 1400.–
Sco installatura u installatur d'implants solars monteschas ed installeschas ti indrizs solars. Ti fixeschas moduls solars ed encableschas ils indrizs sin tetgs, vi da fatschadas u en ovras d'energia solara. Ti mantegnas regularmain ils indrizs ed elimineschas disturbis.
Incumbensas
- controllar las incumbensas e planisar las lavurs
- controllar e preparar il material ed ils apparats da lavur, p.ex. las maschinas da furar, las zangas, ils cabels ed ils moduls solars
- infurmar la clienta u il client davart l'organisaziun da las lavurs
- documentar la lavur, p.ex. skizzar tscherts elements da construcziun
- infurmar las persunas superiuras davart il progress da las lavurs
- montar indrizs solars sin tetgs plats u tetgs spundivs ubain vi da fatschadas
- resguardar las reglas da la segirezza a la lavur, p.ex. cun lavurar sin tetgs u cun electricitad
- installar e colliar lingias ed alternaturs
- coordinar las lavurs cun autra glieud da professiun, p.ex. sclerir cun ils cuvratetgs, co ch'il tetg è construì per installar/montar bain l'indriz solar
- montar accumulaturs da battaria per energia solara e silsuenter metter en funcziun ils indrizs solars
- surdar ils indrizs solars a la clienta u al client e declerar, co che l'indriz funcziuna
- mantegnair indrizs, per exempel controllar, sch'in nettegiament è necessari u sch'il tetg è anc en in bun stadi
- identifitgar ed eliminar disturbis, p.ex., sch'in modul è rut pervia da granella u sch'in cabel sto vegnir remplazzà
- demontar indrizs ed als dismetter en moda ecologica
Ambient da lavur
Sco installatura u installatur d'implants solars lavuras ti en il liber e bunamain da tutt'aura. En quest connex portas in equipament da protecziun cun chapellina, protecziun cunter il sulegl, chalzers da segirezza e guants. Ti lavuras en in team en l'aut sin tetgs e savens en posiziuns malempernaivlas. La stad datti per regla dapli lavur che l'enviern.
Ti lavuras en interpresas ch'èn sa spezialisadas sin il provediment d'energia, sin indrizs d'electricitad u da fotovoltaica ubain sin l'energia solara. Perquai che la professiun è impurtanta per la strategia d'energia da la Confederaziun, èn tias perspectivas sin il martgà da lavur bunas.
Pretensiuns e interess
- Senza sturnizi
- Abilitad da lavurar en in team
- Imaginaziun tridimensiunala
- Prontezza d'esser savens sin viadi
- Inschign manual
- Resistenza a la temperatura u a l'aura
- Resistenza corporala
- Lavurar en il liber
- Esser corporalmain activ
- S'occupar cun electricitad ed electronica
Scolaziun
La scolaziun vegn fatga sco emprendissadi en in manaschi.
Furmaziun pratica en ina interpresa dal provediment d'energia, ina firma d'installaziun solara, ina firma d'installaziuns electricas u ina interpresa da la branscha solara
1 di per emna a la Scola tecnica spezialisada Berna u curs da bloc dad 8 emnas per onn en il Center da furmaziun Polybau ad Uzwil (SG) u a la Scola professiunala spezialisada artisanala a Grenchen (SO)
Uzwil: 40 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Installatur / Installatura d'implants solars AFQ
Furmaziun cuntinuonta
Curs
Purschidas da l'associaziun Swissolar
Emprendissadi supplementar
Sco installatura u installatur d'implants solars pos ti per regla far in emprendissadi scursanì dad isolatura u isolatur AFQ, cuvratetgs AFQ, constructura u constructura da fatschadas AFQ, constructura u constructur da puntanadas AFQ u da spezialista u spezialist per tecnica da parasulegl e storas AFQ.
Examen professiunal (EP)
- Mainaproject en montascha solara EP
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
Ulteriuras infurmaziuns
- Swissolar
Schweizerischer Branchenverband für Sonnenenergie
- Solarlehre
Informationen für Schüler/innen, Eltern und Berufsberater/innen
- TODO