Stuccatura e construidra da materialias sitgas AFQ
Stuccatur e construider da materialias sitgas AFQ
Correspunda questa professiun a mai?![[object Object],[object Object]](https://media.sdbb.ch/transform/a1926f2d-be93-4c6b-a714-fa01cb5d4ec0/08_GipserIn_TrockenbauerI_IK-jpg?io=transform:fill,width:740,height:490)
1. onn d’emprendissadi: CHF 900–950.–
2. onn d’emprendissadi: CHF 1025–1225.–
3. onn d’emprendissadi: CHF 1635–1835.–
Stuccaturs e construiders da materialias sitgas e stuccaturas e construidras da materialias sitgas lian giu paraids, palantschieus e fatschadas externas da bajetgs. Els construeschan or da plattas da gip cuvridas da palantschieus sura e da spartidas, monteschan isolaziuns ed orneschan localitads cun stuccaturas.
Incumbensas
- maschadar la maulta en la maschina e la transportar en uders al lieu d’acziun
- surtrair paraids, palantschieus e fatschadas exteriurs cun maulta furnida, squittar latiers la maulta sin palantschieus e paraids cun aria cumprimida e la stritgar ora cun ina latta enfin ch’i dat ina surfatscha guliva
- decider davart colur e structura da la liadira da surfatscha ch'è ha ina funcziun decorativa
- construir cuvridas da palantschieus sura e da paraids, spartidas e palantschieus da basa ed als eriger en construcziun a sitg (quai vul dir tras tschentar plattas da gip prefabritgadas)
- lavurar ensemen cun ils patruns da construcziun ed ulteriuras persunas spezialisadas tar renovaziuns e construcziuns novas
- metter isolaziuns cunter la chalur, isolaziuns cunter la canera e protecziuns cunter incendis
- sa participar vi da la renovaziun da baselgias veglias e chasas che stattan sut protecziun e renovar a medem temp decoraziuns da gip u ornar fatschadas cun structura da la liadira speziala
- resguardar las prescripziuns en connex cun la segirezza da la lavur, la protecziun da la sanadad e la protecziun da l’ambient
Ambient da lavur
Stuccaturs e construiders/stuccaturas e construidras da materialias sitgas lavuran en manaschis da stuccaturs. I sa tracta per regla da manaschis pitschens u mesauns cun 2 enfin 10 collavuraturs. Suenter la furmaziun supplementara correspundenta san las persunas spezialisadas er manar in agen manaschi. La branscha ha mancanza da glieud da professiun bain qualifitgada. Per quest motiv han las persunas spezialisadas bunas schanzas da chattar in lieu da lavur.
Pretensiuns e interess
- Inschign manual
- Imaginaziun tridimensiunala
- Prontezza d'esser savens sin viadi
- Resistenza corporala
- Dun per cifras
- Nagins disturbis da vesair colurs
- Senn per igiena e per nettezza
- Lavurar cun ils mauns
- Esser corporalmain activ
- Lavurar en il team
- Lavurar cun arschiglia, crap e vaider
Scolaziun
En in manaschi da stuccaturs
Curs da bloc en il center da scolaziun dal Schweiz. Maler und Gipserunternehmer-Verbands SMGV a Wallisellen ZH (per onn d’emprendissadi 10 curs da bloc che duran mintgamai in’emna). Per emprendists ch’abiteschan lunsch davent stattan a disposiziun alloschis.
Emprender ed exercitar a moda pratica la basa professiunala
3 onns
Temp da scola terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Stuccatur e construider da materialias sitgas / Stuccatura e construidra da materialias sitgas AFQ
Furmaziun cuntinuonta
Curs
Purschidas da scolas spezialisadas e professiunalas sco er dal Schweiz. Maler- und Gipserunternehmer-Verbands
Furmaziun da basa scursanida
Pictur / pictura AFQ
Diplom da l’associaziun
Capolavurer stuccatur e construider da materialias sitgas / capolavurera stuccatura e construider da materialias sitgas ASPS
Examen professiunal (EP)
Polier stuccatur e constructur cun materialias sitgas cun certificat professiunal federal;
Mastergnanta per la tgira da monuments cun certificat professiunal federal;
Creader en l’artisanat cun certificat professiunal federal
Examen professiunal superiur (EPS)
Maister stuccatur / maistra stuccatura
Scola spezialisada superiura (SSS)
Curs da furmaziun en il champ spezial fatgs da construcziun, p.ex. tecnicher / tecnicra dipl. SSS surveglianza da construcziun
Scola auta spezialisada (SAS)
Percurs da studi en il champ spezial fatgs da construcziun, p.ex. Bachelor of Science (SAS) en fatgs d’inschigneria da construcziun. Tut tenor scola auta spezialisada valan differentas cundiziuns d'admissiun.
Professiuns sumegliantas
