Constructur d’indrizs e d’apparats AFQ
Constructura d’indrizs e d’apparats AFQ
Correspunda questa professiun a mai?![[object Object],[object Object]](https://media.sdbb.ch/transform/f796b8c0-c38e-4935-a115-032511d3e735/13_Anlagen-Apparatebauerin_FS-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–
Construiders e construidras d’indrizs e d’apparats fabritgeschan or da metal apparats, maschinas ed indrizs. Els produceschan ils tocs singuls ed als mettan ensemen tar cumponentas e gruppas da construcziun. Els mettan en funcziun ils indrizs ed als mantegnan.
Incumbensas
La nova ordinaziun da furmaziun davart la professiun Constructur / Constructura d’indrizs e d’apparats AFQ è en vigur dapi il 1. da schaner 2026. Questa descripziun da la professiun vegn actualisada proximamain.
- elavurar tolas, profils da metal e bischens
- lavurar cun guaffens tradiziunals sco resgias, apparats da struvegiar e lutegiar, sco era cun maschinas dirigidas dal computer, roboters da buglir ed indrizs da tagliar da laser
- montar tocca singula cun agid da tecnicas da colliaziun sco il struvegiar, rebatter, lutegiar ed il buglir
- resguardar las prescripziuns davart la segirezza da la lavur, e la protecziun da l’ambient e da la sanadad
- elavurar en collavuraziun cun auters spezialists sco ils constructurs u ils automatichers las incaricas e construir ils documents tecnics
- s’occupar d’in product sin tut ils stgalims da la furmaziun, da la fasa da la projectaziun, fabricaziun e montascha finala fin al metter en funcziun dal product
- garantir la planisaziun e procedura exacta dal process a la reaisaziun
- fabritgar differents products sin basa da dissegns tecnics sco per exempel chaschas da maschinas, stgaffas da metal, indrizs d’aria cundiziunada, sistems da bischens, tocca d’indrizs da producziun, tocca da construcziun per aviuns, chars da viafier u ascensurs
- mantegnair e reparar ils indrizs
Ambient da lavur
Construiders e construidras d’indrizs e d’apparats lavuran dapertut nua che apparats e maschinas vegnan producids u manads: en la construcziun da maschinas e vehichels, en manaschis d’electricitad (fabricaziun da tavlas electricas), en la tecnica aviatica, en la chemia, en l’industria d’aliments euv.
Cun excepziun da la montascha finala ed il mantegniment ch'els interprendan al lieu final dal product, lavuran els il pli savens en hallas da fabritga.
Pretensiuns e interess
- Inschign manual
- Resistenza corporala
- Chapientscha tecnica
- Imaginaziun tridimensiunala
- Moda da lavurar conscienziusa ed exacta
- Abilitad da lavurar en in team
- Gronda toleranza da canera
- Naginas allergias cunter ils products utilisads
- Elavurar metal
- Lavurar cun ils mauns
- Schliar incumbensas tecnicas
- Lavurar cun maschinas
- Esser corporalmain activ
Scolaziun
En in manaschi da l’industria da maschinas e metal.
1-2 dis per emna a la scola professiunala.
Emprender ed exercitar a moda pratica la basa professiunala, 46 dis durant 4 onns.
4 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Constructur / Constructura d’indrizs e d’apparats AFQ
Furmaziun cuntinuonta
Curs
Purschidas da scolas professiunalas, da la Swissmem-Kaderschule e d’ulteriurs purschiders da furmaziun en la domena tecnica.
Examen professiunal (EP)
P.ex. spezialista da buglir cun certificat professiunal federal, spezialist da process cun certificat professiunal federal, spezialista da producziun cun certificat professiunal federal, spezialist da mantegniment cun certificat professiunal federal.
Examen professiunal superiur (EPS)
P.ex. maistra d’industria, manader da mantegniment diplomà.
Scola spezialisada superiura (SSS)
P.ex. tecnicista diplomada SSS construcziun da maschinas (profundaziun en tecnica da producziun), tecnicist diplomà SSS process d’interpresas (profundaziun en tecnica da manaschis).
Scola auta spezialisada (SAS)
P.ex. Bachelor of Science (SAS) en tecnica da maschinas, en tecnica da sistems u en tecnologia d'informatica.
Professiuns sumegliantas
