Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Ferrer / Ferrera da chavals AFQ

Ferreras e ferrers e da chavals fan fiers-chaval individuals. Els tgiran ils chalzers-chaval ed als enferran. Animals malsauns u blessads tgiran els a moda speziala. Plinavant cusseglian els possessuras e possessurs da chavals en dumondas areguard il tegnair animals.

Lavurs

Ferreras e ferrers da chavals èn spezialists per la tgira da fiers-chaval e lavurs d’enferrar. Els s’occupan a moda conscienziusa da chavals, ponis, asens e mils. Mintga sis fin diesch emnas vegnan ils chavals enferrads perquai ch’ils chalzers-chaval creschan suenter, ils fiers-chaval èn isads u ina correctura ortopedica è necessaria. Ils spezialists ston era tractar regularmain animals betg enferrads e curreger lur fiers-chaval.

Suenter avair analisà il pass rumpan ils ferrers da chavals l’emprim giu ils fiers-chaval vegls. Suenter tgiran els il chalzer-chaval. Els nettegian la sola, taglian enavos la pel dira dal chalzer e raspan l’ur purtant, la part dal chalzer-chaval en furma da mez rudè sin il qual l’animal passa. Silsuenter stgaudan els ils fiers-chaval e tractan els cun il martè e la mazza enfin ch’els han la furma dal chalzer-chaval. Lura controlleschan els la furma e l'adatteschan, sche necessari.

Els furman mintga fier-chaval individualmain tenor tip da chaval, pass, diever ed utilisaziun da l’animal, per exempel per il temp liber, sport u sco animal da lavur. Ils fiers-chaval preparads ferman els cun guttas. Ils pizs da las guttas vegnan or da las paraids dals chalzers-chaval. Là nua ch’ellas vegnan or, vegnan ellas rebattidas. Ferrers da chavals controlleschan ch'ils animals n'hajan naginas malsognas e blessuras. Els percorschan spezialmain chalzers-chaval malsauns e pass incorrects. Per mantegnair la sanadad dals chalzers-chaval respectivamain curreger pass anormals fan els ferradiras spezialas. Per far questas ferradiras spezialas ston ins avair enconuschientschas da l’anatomia e da furmas da terapia per animals cun chalzers.

Ils spezialists na cusseglian betg mo la clientella areguard la dretga schelta da fiers-chaval, mabain era davart il tegnair animals a moda adequata a lur natira, il pavlar, la tgira e la prevenziun cunter malsognas.

Ferrers da chavals lavuran en in lavuratori, èn dentant era savens en viadi. Las lavurs d’enferrar fan els il pli directamain tar la clientella, per exempel sin bains d’ir a chaval, tar possessurs da chavals privats u en clinicas d’animals. Ils utensils, l’equipament da fravgia ed ils fiers-chaval preparads prendan els gist cun els. Els n'enferran betg mo en stalla, mabain savens er en il liber.

Scolaziun

Basa legala

Ordinaziun federala 11-11-2008

Durada

4 onns

Furmaziun en la pratica

En ina fravgia

Furmaziun en scola

1 di l'emna a la scola professiunala

Roms professiunals

  • ippologia: basa; sanadad e malsognas; diever ed utilisaziun; chaval ed uman; asens e mils
  • basa dal manaschi: reglas da cumportament; lieu da lavur; relaziun cun la clientella; prescripziuns
  • basa tecnica: matematica; fisica; materia; preschentaziuns
  • tecnica d’enferrar chavals: tecnica da producir; tecnica d’enferrar; tgirar chalzers, protecziun alternativa dals chalzers
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "ferrer / ferrera da chavals AFQ"

Premissas

Furmaziun preliminara
  • scola populara terminada
Pretensiuns
  • plaschair da lavurar cun metal e cun chavals
  • plaschair dal contact cun la clientella
  • persuna inschignaivla
  • enclegientscha pratica
  • buna constituziun corporala e resistenza a l’aura
  • forza corporala e movibladad
  • empatia
  • fidadadad
  • senn per responsabladad

Furmaziun supplementara

Curs

purschidas d’associaziuns e scolas professiunalas

Spezialisaziun

ferrer qualifitgà (il segn da qualitad vegn acquistà en il curs d l'associaziun SMU)

Examen professiunal superiur (EPS)

en planisaziun

Scola spezialisada superiura (SSS)

p.ex. tecnicist diplomà / tecnicista diplomada SSS construcziun en metal

Scola auta spezialisada (SAS)

en champs parentads, p.ex. Bachelor of Science (SAS) en agronomia cun approfundaziun en scienzas da chavals

Cundiziuns da lavur

Ferrers da chavals lavuran il pli en lavuratoris d’enferrar, dentant er en ospitals d’animals, scolas d’ir a chaval, per martgadants da chavals u possessurs da chavals da cursa.

La purschida da plazzas d’emprendissadi è buna: per il mument datti dapli purschidas che dumondas. Cun l’augment dal dumber da chavals ils ultims onns è era creschida la purschida da plazzas d’emprendissadi. Era la purschida da plazzas actuala è buna.

Ulteriuras infurmaziuns

AM Suisse
Farriertec Suisse
Chräjeninsel 2
3270 Aarberg
Tel: 032 291 99 11
URL: www.amsuisse.ch

Revista professiunala:
"Metall"



berufsberatung.ch