Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Fabritgader / Fabritgadra da tschivlots d'orglas AFQ

Fabritgaders e fabritgadras da tschivlots d'orglas fabritgeschan e reparan parts da tschivlots d'orglas. Els elimineschan disturbis e mancanzas, intuneschan ils tschivlots d'orglas e cusseglian ils construiders d'orglas.

Lavurs

Tschivlots d'orglas èn ils elements da l'orgla,che genereschan tuns. Per quest motiv sa chatta la lavur da fabritgaders e fabritgadras da tschivlots là, nua che l'instrument è, p.ex. en baselgias, salas da concerts, instituts da furmaziun u locals privats.

Ils tschivlots d'orglas vegnan fatgs en il lavuratori. Durant la producziun lavuran las fabritgadras da l'orgla cun differents materials. Ellas cumenzan cun la fabricaziun da la materia prima. Per quest intent maschaidan ellas ils materials ch'i dovra en in furn da luentar e produceschan in liament. Ord quel liament culan ellas plattas e taglian da quellas las singulas parts dals tschivlots sco pes e viertgels. Ils pes e viertgels vegnan montads a tschivlots labials ed a tschivlots linguals.

Sper la fabricaziun èn ils fabritgaders da tschivlots d'orglas er responsabels per il nettegiament e per la reparatura dals tschivlots d'orglas existents. Els taglian si ils tschivlots defects, remplazzan tocca, exequeschan lavurs da lutegiar e tractan las surfatschas. La finala vegnan ils tschivlots intunads preliminarmain ed accordads.

La cussegliaziun è ina part impurtanta da la lavur. Fabritgadras da tschivlots d'orglas discurran cun ils construiders d'orglas davart las reparaturas pussaivlas da l'orgla, gidan a prender decisiuns e dattan scleriments davart la procedura futura.

Scolaziun

Basa legala

Ordinaziun federala dals 9-10-2019

Durada

4 onns

Furmaziun en la pratica

En in lavuratori da tschivlots u en in affar da construcziun d'orglas cun lavuratori da tschivlots

Furmaziun en scola

Curs da bloc al center da furmaziun Arenenberg a Salenstein (TG) (instrucziun bilingua: tudestg e franzos)

Roms professiunals

  • realisar incumbensas
  • construir e reparar instruments da musica
  • mantegnair e regular instruments da musica
  • preparar ils instruments fin ch'els èn pronts per vegnir sunads

Curs ordaifer il manaschi

Emprender ed utilisar en la pratica la basa dal mastergn

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "Fabritgader / fabritgadra da tschivlots d'orglas AFQ"

Premissas

Furmaziun preliminara
  • scola obligatorica terminada cun pretensius mesaunas u grondas
  • instrucziun instrumentala d'orgla u d'in auter instrument è d'avantatg
Pretensiuns
  • inschign manual
  • imaginaziun dal spazi

Furmaziun supplementara

Curs

purschidas da scolas professiunalas e d'associaziuns professiunalas, p.ex. da la Cuminanza d'interess per construiders d'instruments da musica IGMIB u da la Societad svizra dals construiders d'orglas GSO

Scola auta spezialisada (SAS)

Studis en direcziuns spezialas parentadas, p.ex. creader diplomà/creadra diplomada en design da products (SAS)

Scola auta professiunala (SAP)

Studis en direcziuns spezialas parentadas, p.ex. Bachelor of Arts (SAP) en design da products e d'industria u Bachelor of Science (SAP) en Fine Arts

Cundiziuns da lavur

Fabritgaders / fabritgadras da tschivlots d'orglas AFQ lavuran en lavuratoris u là, nua che l'orgla sa chatta – p.ex. en baselgias, instituziuns da furmaziun, salas da concerts u locals privats. Il martgà da lavur è pitschen en Svizra, ma la dumonda da spezialists talentads è stabila. Suenter plirs onns experientscha professiunala e cun l'engaschament necessari han spezialists la pussaivladad d'avrir in agen atelier.

Ulteriuras infurmaziuns

Cuminanza d'interess construiders d'instruments da musica
c/o Elin Office AG
Amthausgasse 3
3011 Berna
Tel: 031 313 20 00
URL: www.musikinstrumentenbauer.ch




berufsberatung.ch